ਵਾਸ਼ਿੰਗਟਨ: ਅਮਰੀਕਾ ਨੇ ਚੀਨ ਦੀ ਵੀਡੀਓ ਬਣਾਉਣ ਵਾਲੀ ਐਪ TikTok 'ਤੇ ਦੇਸ਼ ਭਰ 'ਚ ਪਾਬੰਦੀ ਲਗਾਉਣ ਦੀ ਯੋਜਨਾ ਬਣਾਈ ਹੈ ਅਤੇ ਹੁਣ ਸਦਨ ਦੀ ਵਿਦੇਸ਼ ਮਾਮਲਿਆਂ ਦੀ ਕਮੇਟੀ ਅਗਲੇ ਮਹੀਨੇ TikTok ਨੂੰ ਪੂਰੀ ਤਰ੍ਹਾਂ ਬਲੌਕ ਕਰਨ ਦੇ ਬਿੱਲ 'ਤੇ ਵੋਟਿੰਗ ਕਰਵਾਏਗੀ।
ਜੀ ਹਾਂ... ਤੁਸੀਂ ਠੀਕ ਪੜ੍ਹਿਆ, ਰਿਪੋਰਟ ਦੇ ਅਨੁਸਾਰ ਬਿੱਲ ਵ੍ਹਾਈਟ ਹਾਊਸ ਨੂੰ ਪ੍ਰਮੁੱਖ ਰਾਸ਼ਟਰੀ ਸੁਰੱਖਿਆ ਚਿੰਤਾਵਾਂ ਦੇ ਮੱਦੇਨਜ਼ਰ TikTok 'ਤੇ ਪਾਬੰਦੀ ਲਗਾਉਣ ਦੀ ਕਾਨੂੰਨੀ ਪਾਵਰ ਦੇਵੇਗਾ। ਅਮਰੀਕੀ ਪ੍ਰਤੀਨਿਧੀ ਸਭਾ ਦੁਆਰਾ ਜਾਰੀ ਕੀਤੇ ਗਏ ਚੀਨੀ ਸ਼ਾਰਟ-ਫਾਰਮ ਵੀਡੀਓ ਬਣਾਉਣ ਵਾਲੀ ਐਪ ਨੂੰ ਪਿਛਲੇ ਮਹੀਨੇ ਮੋਬਾਈਲ ਉਪਕਰਣਾਂ 'ਤੇ ਪਾਬੰਦੀ ਲਗਾਈ ਗਈ ਸੀ। ਸਦਨ ਨੇ ਕਰਮਚਾਰੀਆਂ ਨੂੰ ਸਾਰੇ ਮੋਬਾਈਲ ਫੋਨਾਂ ਤੋਂ ਟਿਕਟੌਕ ਨੂੰ ਹਟਾਉਣ ਦੇ ਆਦੇਸ਼ ਦਿੱਤੇ।
ਇੱਕ ਬਿਆਨ ਵਿੱਚ ਬੁਲਾਰੇ ਨੇ ਕਿਹਾ "ਸਾਨੂੰ ਉਮੀਦ ਹੈ ਕਿ ਸੰਸਦ ਮੈਂਬਰ ਉਹਨਾਂ ਮੁੱਦਿਆਂ ਨੂੰ ਸੰਪੂਰਨ ਰੂਪ ਵਿੱਚ ਹੱਲ ਕਰਨ ਦੇ ਯਤਨਾਂ 'ਤੇ ਆਪਣੀ ਊਰਜਾ ਕੇਂਦਰਤ ਕਰਨਗੇ, ਨਾ ਕਿ ਕਿਸੇ ਇੱਕ ਸੇਵਾ 'ਤੇ ਪਾਬੰਦੀ ਲਗਾ ਕੇ ਕਿਸੇ ਸਮੱਸਿਆ ਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕਰਨ ਦੀ ਬਜਾਏ ਜਿਸ ਬਾਰੇ ਉਹ ਚਿੰਤਤ ਹਨ ਅਤੇ ਅਮਰੀਕੀਆਂ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣਗੇ।"
ਅਮਰੀਕਾ ਦੇ 19 ਰਾਜਾਂ ਵਿੱਚ ਸਥਾਨਕ ਪ੍ਰਸ਼ਾਸਨ ਪਹਿਲਾਂ ਹੀ ਸਰਕਾਰ ਦੁਆਰਾ ਜਾਰੀ ਕੀਤੇ ਨਿਰਦੇਸ਼ਾਂ ਅਨੁਸਾਰ TikTok 'ਤੇ ਪਾਬੰਦੀ ਲਗਾ ਚੁੱਕੇ ਹਨ। TikTok ਵਰਤਮਾਨ ਵਿੱਚ ਰਾਸ਼ਟਰੀ ਸੁਰੱਖਿਆ ਚਿੰਤਾਵਾਂ ਨੂੰ ਹੱਲ ਕਰਨ ਲਈ ਅਮਰੀਕੀ ਨਿਆਂ ਵਿਭਾਗ ਨਾਲ ਇੱਕ ਸਮਝੌਤੇ 'ਤੇ ਗੱਲਬਾਤ ਕਰ ਰਿਹਾ ਹੈ।
ਪਿਛਲੇ ਸਾਲ ਅਕਤੂਬਰ ਵਿੱਚ TikTok ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਸੀ ਕਿ ਉਸਨੇ ਕੁਝ ਖਾਸ ਅਮਰੀਕੀ ਵਿਅਕਤੀਆਂ ਨੂੰ ਟਰੈਕ ਕਰਨ ਲਈ ਖਾਸ ਟਿਕਾਣਾ ਡੇਟਾ ਦੀ ਵਰਤੋਂ ਕੀਤੀ, ਫੋਰਬਸ ਦੀ ਇੱਕ ਰਿਪੋਰਟ ਦਾ ਵਿਰੋਧ ਕੀਤਾ ਜਿਸ ਵਿੱਚ ਦੋਸ਼ ਲਾਇਆ ਗਿਆ ਸੀ ਕਿ ਐਪ ਅਜਿਹੀ ਨਿਗਰਾਨੀ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।
2020 ਵਿੱਚ ਭਾਰਤ ਨੇ TikTok ਅਤੇ ਕਈ ਹੋਰ ਚੀਨੀ ਐਪਸ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਤੁਹਾਨੂੰ ਦੱਸ ਦਈਏ ਸਾਲ 2020 ਵਿੱਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਨਵੇਂ ਉਪਭੋਗਤਾਵਾਂ ਨੂੰ ਟਿਕਟੋਕ ਨੂੰ ਡਾਉਨਲੋਡ ਕਰਨ ਅਤੇ ਹੋਰ ਲੈਣ-ਦੇਣ 'ਤੇ ਪਾਬੰਦੀ ਲਗਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਇਸ ਬਾਰੇ ਅਦਾਲਤੀ ਲੜਾਈ ਹਾਰ ਗਏ।
ਇਹ ਵੀ ਪੜ੍ਹੋ:Cyber Attack: ਚੀਨੀ ਹੈਕਰਾਂ ਨੇ ਦੱਖਣੀ ਕੋਰੀਆ ਦੇ 12 ਵਿਦਿਅਕ ਅਦਾਰਿਆਂ 'ਤੇ ਕੀਤਾ ਹਮਲਾ, ਡਾਟਾ ਲੀਕ ਕਰਨ ਦੀ ਦਿੱਤੀ ਚੇਤਾਵਨੀ
