ਹੈਦਰਾਬਾਦ: ਸੈਮਸੰਗ ਨੇ Galaxy Z Fold 5 ਅਤੇ Galaxy Z flip 5 ਸਮਾਰਟਫੋਨ ਲਾਂਚ ਦੇ ਨਾਲ One UI 5.1.1 ਅਪਡੇਟ ਦਾ ਵੀ ਐਲਾਨ ਕੀਤਾ ਹੈ। ਕੰਪਨੀ ਨੇ ਆਪਣੇ ਪੁਰਾਣੇ ਸਮਾਰਟਫੋਨ ਨੂੰ ਵੀ ਕਸਟਮ ਯੂਜ਼ਰਸ ਇੰਟਰਫੇਸ ਦੇ ਨਵੇਂ ਵਰਜ਼ਨ ਨਾਲ ਅਪਡੇਟ ਕੀਤਾ ਹੈ। ਇਸ ਅਪਡੇਟ 'ਚ ਕਈ ਨਵੀਆਂ ਸੁਵਿਧਾਵਾਂ ਸ਼ਾਮਲ ਹਨ। ਇਸ ਸੁਵਿਧਾ 'ਚ ਇਫੈਕਟਸ ਨੂੰ ਕਾਪੀ ਕਰਨ ਅਤੇ ਗੈਲਰੀ 'ਚ ਹੋਰਨਾਂ ਫੋਟੋਆਂ 'ਤੇ ਇਫੈਕਟਸ ਪੇਸਟ ਕਰਨ ਦੀ ਸਮਰੱਥਾ ਹੈ।
ਸੈਮਸੰਗ ਗੈਲਰੀ 'ਚ ਮਿਲੇਗਾ ਕਾਪੀ ਇਫੈਕਟਸ ਫੀਚਰ: ਸੈਮਸੰਗ ਦਾ ਇਹ ਫੀਚਰ ਯੂਜ਼ਰਸ ਨੂੰ ਇੱਕ ਹੀ ਤਸਵੀਰ ਤੋਂ ਇਫੈਕਟ ਕਾਪੀ ਕਰਕੇ ਕਈ ਹੋਰ ਤਸਵੀਰਾਂ 'ਤੇ ਇਫੈਕਟ ਨੂੰ ਪੇਸਟ ਕਰਨ ਦੇ ਯੋਗ ਬਣਾਉਂਦਾ ਹੈ। ਇਹ ਫੀਚਰ ਤੁਹਾਨੂੰ ਇੱਕ ਤਸਵੀਰ ਵਿੱਚ ਕੀਤੇ ਗਏ ਬਦਲਾਵਾਂ ਨੂੰ ਕਾਪੀ ਕਰਕੇ ਕਈ ਹੋਰ ਤਸਵੀਰਾਂ 'ਚ ਪੇਸਟ ਕਰਨ ਦੀ ਸੁਵਿਧਾ ਦਿੰਦਾ ਹੈ। ਇਸ ਫੀਚਰ ਨੂੰ ਫੋਟੋਸ਼ਾਪ ਅਤੇ ਲਾਈਟਰੂਮ 'ਚ ਦੇਖਿਆ ਗਿਆ ਹੈ ਅਤੇ ਇਹ ਸੁਵਿਧਾ ਆਈਫੋਨ 'ਤੇ ਵੀ ਉਪਲਬਧ ਹੈ। ਹੁਣ ਸੈਮਸੰਗ ਯੂਜ਼ਰਸ ਵੀ ਇਸ ਸੁਵਿਧਾ ਦਾ ਫਾਇਦਾ ਲੈ ਸਕਣਗੇ।
ਇਸ ਤਰ੍ਹਾਂ ਕੰਮ ਕਰੇਗਾ ਸੈਮਸੰਗ ਦਾ ਕਾਪੀ ਇਫੈਕਟਸ ਫੀਚਰ: ਇਸ ਫੀਚਰ ਨਾਲ ਯੂਜ਼ਰਸ ਇੱਕ ਫੋਟੋ ਤੋਂ ਕਈ ਫੋਟੋਆਂ ਵਿੱਚ ਇਫੈਕਟਸ ਨੂੰ ਕਾਪੀ ਅਤੇ ਪੇਸਟ ਕਰ ਸਕਣਗੇ। ਇਸ ਲਈ ਯੂਜ਼ਰਸ ਨੂੰ ਸਿਰਫ਼ ਇੱਕ ਪੋਸਟ ਨੂੰ ਐਡਿਟ ਕਰਨਾ ਹੈ ਅਤੇ ਫਿਰ ਕੀਤੇ ਹੋਏ ਐਡਿਟ ਨੂੰ ਕਾਪੀ ਕਰਕੇ ਹੋਰ ਤਸਵੀਰ 'ਤੇ ਪੇਸਟ ਕਰ ਦੇਣਾ ਹੈ।
ਕਾਪੀ ਇਫੈਕਟਸ ਫੀਚਰ ਦੀ ਇਸ ਤਰ੍ਹਾਂ ਕਰੋ ਵਰਤੋ: ਇਸ ਫੀਚਰ ਦੀ ਵਰਤੋ ਕਰਦੇ ਸਮੇਂ ਤੁਹਾਨੂੰ ਇਸ ਗੱਲ ਦਾ ਧਿਆਨ ਰੱਖਣਾ ਹੋਵੇਗਾ ਕਿ ਇਹ ਫੀਚਰ ਸੈਮਸੰਗ ਸਮਾਰਟਫੋਨ ਵਨ UI 5.1.1 ਅਪਡੇਟ 'ਤੇ ਮਿਲ ਰਿਹਾ ਹੈ। ਹੁਣ ਇੱਕ ਫੋਟੋ ਚੁਣੋ ਅਤੇ ਤੁਸੀਂ ਜੋ ਬਦਲਾਅ ਕਰਨਾ ਚਾਹੁੰਦੇ ਹੋ, ਉਸ ਬਦਲਾਅ ਨੂੰ ਕਰਕੇ ਸੇਵ ਕਰ ਲਓ। ਫਿਰ ਥੱਲੇ ਦਿੱਤੇ ਗਏ ਕੋਨੇ 'ਤੇ ਤਿੰਨ ਬਿੰਦੂਆਂ 'ਤੇ ਟੈਪ ਕਰੋ ਅਤੇ ਕਾਪੀ ਇਫੈਕਟਸ ਦਾ ਆਪਸ਼ਨ ਚੁਣੋ। ਹੁਣ ਉਨ੍ਹਾਂ ਸਾਰੀਆਂ ਫੋਟੋਆਂ ਨੂੰ ਚੁਣੋ, ਜਿਨ੍ਹਾਂ ਨੂੰ ਤੁਸੀਂ ਐਡਿਟ ਕਰਨਾ ਚਾਹੁੰਦੇ ਹੋ। ਫਿਰ ਤਿੰਨ ਡਾਟ 'ਤੇ ਟੈਪ ਕਰੋ ਅਤੇ ਪੇਸਟ ਇਫੈਕਟਸ ਦਾ ਆਪਸ਼ਨ ਚੁਣੋ।
