Alexa Voice Feature: ਅਲੈਕਸਾ 'ਤੇ ਕੁਝ ਖਾਸ ਲੋਕਾਂ ਨੂੰ ਹੀ ਸੁਣਾਈ ਦੇਵੇਗੀ ਅਮਿਤਾਭ ਦੀ ਆਵਾਜ਼, ਅਜਿਹੇ ਗਾਹਕਾਂ ਨੂੰ ਮਿਲੇਗੀ ਸੁਵਿਧਾ

ਐਮਾਜ਼ਾਨ ਦੇ 'ਅਲੈਕਸਾ' 'ਤੇ ਅਮਿਤਾਭ ਬੱਚਨ ਸਮੇਤ ਕਿਸੇ ਵੀ ਸੈਲੀਬ੍ਰਿਟੀ ਦੀ ਆਵਾਜ਼ ਨਹੀਂ ਸੁਣਾਈ ਦੇਵੇਗੀ। ਕੰਪਨੀ ਨੇ ਇਸ ਵਾਇਸ ਫੀਚਰ ਦੀ ਸਹੂਲਤ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ ਕੁਝ ਲੋਕ ਇਸ ਸਹੂਲਤ ਦਾ ਲਾਭ ਲੈ ਸਕਦੇ ਹਨ।

ਨਵੀਂ ਦਿੱਲੀ: ਦੇਸ਼ ਦਾ ਸਭ ਤੋਂ ਵੱਡਾ ਈ-ਕਾਮਰਸ ਪਲੇਟਫਾਰਮ ਅਮੇਜ਼ਨ ਇੱਕ ਵੱਡਾ ਬਦਲਾਅ ਕਰਨ ਜਾ ਰਿਹਾ ਹੈ। ਐਮਾਜ਼ਾਨ ਨੇ ਅਲੈਕਸਾ 'ਤੇ ਸੈਲੀਬ੍ਰਿਟੀ ਵੌਇਸ ਫੀਚਰ ਨੂੰ ਬੰਦ ਕਰਨ ਦੀ ਪੁਸ਼ਟੀ ਕੀਤੀ ਹੈ। ਜਿਸਦਾ ਮਤਲਬ ਹੈ ਕਿ ਹੁਣ ਐਮਾਜ਼ਾਨ ਅਲੈਕਸਾ 'ਤੇ ਮੈਗਾਸਟਾਰ ਅਮਿਤਾਭ ਬੱਚਨ, ਅਮਰੀਕੀ ਅਭਿਨੇਤਾ ਸੈਮੂਅਲ ਐਲ ਜੈਕਸਨ, ਸਾਬਕਾ ਅਮਰੀਕੀ ਬਾਸਕਟਬਾਲ ਖਿਡਾਰੀ ਸ਼ਕੀਲ ਓ'ਨੀਲ ਵਰਗੀਆਂ ਮਸ਼ਹੂਰ ਹਸਤੀਆਂ ਦੀ ਆਵਾਜ਼ ਨਹੀਂ ਸੁਣਾਈ ਦੇਵੇਗੀ। ਇਸ ਫੀਚਰ ਨੂੰ ਵਿਸ਼ਵ ਪੱਧਰ 'ਤੇ ਬੰਦ ਕੀਤਾ ਜਾ ਰਿਹਾ ਹੈ। ਇਸਦੇ ਨਾਲ ਹੀ ਐਮਾਜ਼ਾਨ ਆਉਣ ਵਾਲੇ ਦਿਨਾਂ ਵਿੱਚ ਅਲੈਕਸਾ ਦੁਆਰਾ ਸੰਚਾਲਿਤ ਡਿਵਾਈਸਾਂ 'ਤੇ ਮਸ਼ਹੂਰ ਹਸਤੀਆਂ ਦੀ ਆਵਾਜ਼ ਨੂੰ ਬੰਦ ਕਰ ਦੇਵੇਗਾ।

ਅਲੈਕਸਾ 'ਤੇ ਬੰਦ ਹੋਵੇਗੀ ਸੈਲੀਬ੍ਰਿਟੀ ਦੀ ਆਵਾਜ਼: ਤੁਹਾਨੂੰ ਦੱਸ ਦੇਈਏ ਕਿ ਅਲੈਕਸਾ 'ਤੇ ਅਮਿਤਾਭ ਬੱਚਨ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ। ਪਰ Amazon ਦੇ ਇਸ ਨਵੇਂ ਬਦਲਾਅ ਤੋਂ ਬਾਅਦ ਹੁਣ ਇਹ ਫੀਚਰ ਬੰਦ ਹੋ ਜਾਵੇਗਾ। ਜਿਸ ਤੋਂ ਬਾਅਦ ਕਿਸੇ ਵੀ ਸੈਲੀਬ੍ਰਿਟੀ ਦੀ ਆਵਾਜ਼ ਨਹੀਂ ਸੁਣਾਈ ਦੇਵੇਗੀ। ਹਾਲਾਂਕਿ, ਜਿਨ੍ਹਾਂ ਯੂਜ਼ਰਸ ਨੇ ਇੱਕ ਸਾਲ ਪਹਿਲਾਂ ਅਲੈਕਸਾ ਨੂੰ ਖਰੀਦਿਆ ਸੀ, ਉਹ ਖਰੀਦਦਾਰੀ ਦੀ ਮਿਤੀ ਤੋਂ 1 ਸਾਲ ਤੱਕ ਇਸਦਾ ਉਪਯੋਗ ਕਰ ਸਕਣਗੇ। ਅਲੈਕਸਾ 'ਤੇ ਜੈਕਸਨ ਦੀ ਆਵਾਜ਼ ਖਰੀਦਣ 'ਤੇ ਪੇਜ 'ਤੇ ਲਿਖਿਆ ਆਉਦਾ ਹੈ ਕਿ ਅਲੈਕਸਾ ਲਈ ਪਰਸਨੈਲਿਟੀ ਵੌਇਸ ਹੁਣ ਖਰੀਦ ਲਈ ਉਪਲਬਧ ਨਹੀਂ ਹੈ ਅਤੇ ਜਿਨ੍ਹਾਂ ਯੂਜ਼ਰਸ ਨੇ ਇਸ ਵੌਇਸ ਨੂੰ ਖਰੀਦਿਆ ਹੈ, ਉਹ ਕੁਝ ਸਮੇਂ ਲਈ ਇਸ ਦੀ ਵਰਤੋਂ ਕਰਨਾ ਜਾਰੀ ਰੱਖ ਸਕਦੇ ਹਨ।

ਅਲੈਕਸਾ ਵੌਇਸ ਫੀਚਰ ਭਾਰਤ ਵਿੱਚ 2020 ਵਿੱਚ ਆਇਆ: ਜੈਕਸਨ ਪੇਸ਼ ਕੀਤੀ ਜਾਣ ਵਾਲੀ ਪਹਿਲੀ ਆਵਾਜ਼ ਸੀ। ਉਹ ਯੂਜ਼ਰਸ ਨੂੰ ਚੁਟਕਲੇ ਅਤੇ ਕਹਾਣੀਆਂ ਸੁਣਾਉਂਦਾ ਸੀ ਅਤੇ ਸਵਾਲਾਂ ਦੇ ਜਵਾਬ ਦਿੰਦਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਅਲੈਕਸਾ 'ਤੇ ਸੈਲੀਬ੍ਰਿਟੀ ਵਾਇਸ ਸਾਲ 2019 ਤੋਂ ਸ਼ੁਰੂ ਹੋਇਆ ਸੀ। ਇਹ ਫੀਚਰ ਸਾਲ 2020 ਵਿੱਚ ਭਾਰਤ ਵਿੱਚ ਆਇਆ ਅਤੇ ਬੱਚਨ ਦੇਸ਼ ਵਿੱਚ ਅਲੈਕਸਾ ਲਈ ਪਹਿਲੀ ਮਸ਼ਹੂਰ ਆਵਾਜ਼ ਬਣ ਗਏ। ਇਸ ਦੇ ਨਾਲ ਹੀ ਐਮਾਜ਼ਾਨ ਦਾ ਨਿਊਰਲ ਟੈਕਸਟ-ਟੂ-ਸਪੀਚ ਮਾਡਲ ਦੀ ਵਰਤੋਂ ਕਰਦਾ ਹੈ। ਇਸ ਦਾ ਮਕਸਦ ਜ਼ਿਆਦਾ ਆਵਾਜ਼ ਦੇਣਾ ਹੈ।