ਭੋਪਾਲ: ਰਾਜਧਾਨੀ ਦੇ ਗਾਂਧੀ ਨਗਰ ਵਿਖੇ ਪੁਲਿਸ ਦੀ ਵੱਡੀ ਲਾਪਰਵਾਹੀ ਵੇਖਣ ਨੂੰ ਮਿਲੀ। ਇੱਥੇ ਪੁਲਿਸ ਵੱਲੋਂ ਇੱਕ ਮਾਸੂਮ ਬੱਚੇ ਉੱਤੇ ਕੁੱਟਮਾਰ ਦਾ ਮਾਮਲਾ ਦਰਜ ਹੋਣ ਦੀ ਖ਼ਬਰ ਹੈ। ਉਥੇ ਬੱਚੇ ਦੇ 2 ਨਬਾਲਗ਼ ਭਰਾਵਾਂ ਨੂੰ ਪੁਲਿਸ ਨੇ ਸਾਰੀ ਰਾਤ ਥਾਣੇ 'ਚ ਰੱਖਿਆ।
ਜਾਣਕਾਰੀ ਮੁਤਾਬਕ ਇਹ ਇੱਕ ਕੁੱਟਮਾਰ ਦਾ ਮਾਮਲਾ ਹੈ। ਇਸ 'ਚ 4 ਸਾਲਾ ਪੀੜਤ ਬੱਚੇ ਨੇ ਜਦੋਂ ਪੁਲਿਸ ਨੂੰ ਆਪਣਾ ਨਾਂਅ ਦੱਸਿਆ ਤਾਂ ਪੁਲਿਸ ਨੇ ਬਿਨਾ ਸੋਚੇ ਸਮਝੇ ਉਸ ਉੱਤੇ ਕੁੱਟਮਾਰ ਦਾ ਮਾਮਲਾ ਦਰਜ ਕਰ ਲਿਆ। ਅਜਿਹਾ ਕਰਨਾ ਕਾਨੂੰਨੀ ਤੌਰ 'ਤੇ ਗ਼ਲਤ ਹੈ। ਨਬਾਲਗ਼ ਬੱਚੇ 'ਤੇ ਉਸ ਦੇ ਦੋ ਭਰਾਵਾਂ ਨੂੰ ਪੁਲਿਸ ਨੇ ਥਾਣੇ 'ਚ ਰੱਖਿਆ। ਇਨ੍ਹਾਂ 'ਚੋਂ ਇੱਕ ਨਬਾਲਗ਼ ਦਿਵਿਆਂਗ ਹੈ।
ਸੂਚਨਾ ਮਿਲਣ 'ਤੇ ਪੁਲਿਸ ਦੇ ਅਧਿਕਾਰੀਆਂ ਵੱਲੋਂ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਮਾਮਲੇ ਬਾਰੇ ਦੱਸਦੇ ਹੋਏ ਥਾਣਾ ਇੰਚਾਰਜ ਵਿਜੈ ਸਿੰਘ ਸੰਗੇਰ ਦਾ ਕਹਿਣਾ ਹੈ ਕਿ ਪੀੜਤ ਨੇ ਆਪਣਾ ਨਾਂਅ ਗ਼ਲਤ ਲਿੱਖਿਆ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਿਸ਼ਨ ਜਿਸ ਦੀ ਉਮਰ ਤਕਰੀਬਨ 17 ਸਾਲ ਹੈ, ਉਸ ਨੇ ਆਪਣੀ ਥਾਂ ਆਪਣੇ ਛੋਟੇ ਭਰਾ ਸੂਰਜ ਦਾ ਨਾਂਅ ਲਿਖਵਾ ਦਿੱਤਾ ਸੀ,ਜਿਸ ਕਾਰਨ ਅਜਿਹਾ ਹੋਇਆ।
