ਲੰਡਨ: ਬ੍ਰਿਟਿਸ਼ ਰਾਇਲ ਮੇਲ ਨੂੰ ਭਾਰਤੀ ਮੂਲ ਦੀ ਇੱਕ ਔਰਤ ਦਾ ਛੇੜਖਾਨੀ ਦਾ ਦਾਅਵਾ ਸਾਬਤ ਹੋਣ ਤੋਂ ਬਾਅਦ ਉਸ ਨੂੰ 2.3 ਮਿਲੀਅਨ ਬ੍ਰਿਟਿਸ਼ ਪੌਂਡ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਗਿਆ ਹੈ। ਮੰਨਿਆ ਜਾਂਦਾ ਹੈ ਕਿ ਇਹ ਰਾਇਲ ਮੇਲ ਦੁਆਰਾ ਸਭ ਤੋਂ ਵੱਧ ਮੁਆਵਜ਼ੇ ਦੇ ਮਾਮਲਿਆਂ ਵਿੱਚੋਂ ਇੱਕ ਹੈ।
ਇਹ ਹੈ ਮਾਮਲਾ: ਕੈਮ ਜੱਟੀ ਨੇ ਕਰੀਬ ਅੱਠ ਸਾਲ ਪਹਿਲਾਂ ਰੁਜ਼ਗਾਰ ਟ੍ਰਿਬਿਊਨਲ ਵਿੱਚ ਦਾਅਵਾ ਕੀਤਾ ਸੀ ਕਿ ਉਸ ਦੇ ਸਾਥੀ ਨੇ ਗ਼ੈਰ-ਕਾਨੂੰਨੀ ਢੰਗ ਨਾਲ ਉਸ ਦਾ ਬੋਨਸ ਪ੍ਰਾਪਤ ਕੀਤਾ ਸੀ ਅਤੇ ਜਦੋਂ ਉਸ ਨੇ ਇਹ ਮਾਮਲਾ ਉੱਚ ਅਧਿਕਾਰੀ ਕੋਲ ਉਠਾਇਆ ਤਾਂ ਉਸ ਨੂੰ ਧਮਕੀਆਂ ਦਿੱਤੀਆਂ ਗਈਆਂ ਅਤੇ ਪ੍ਰੇਸ਼ਾਨ ਕੀਤਾ ਗਿਆ।
ਕਰੀਬ 25 ਕਰੋੜ ਰੁਪਏ ਦਾ ਮੁਆਵਜ਼ਾ ਦੇਣ ਦੇ ਹੁਕਮ: 'ਦਿ ਡੇਲੀ ਟੈਲੀਗ੍ਰਾਫ' ਦੀ ਖ਼ਬਰ ਮੁਤਾਬਕ ਟ੍ਰਿਬਿਊਨਲ ਨੇ ਪਾਇਆ ਕਿ ਮਹਿਲਾ ਕਰਮਚਾਰੀ ਪ੍ਰਤੀ ਬੌਸ ਦੇ ਉਕਤ ਵਿਵਹਾਰ ਦਾ ਉਸ 'ਤੇ 'ਵਿਨਾਸ਼ਕਾਰੀ ਪ੍ਰਭਾਵ' ਪਿਆ ਹੈ। ਇਸ ਹਫ਼ਤੇ ਕੇਸ ਵਿੱਚ ਜੋੜੇ ਗਏ ਹੁਕਮਾਂ ਅਨੁਸਾਰ, 'ਟ੍ਰਿਬਿਊਨਲ ਨੇ ਮੁਦਈ ਨੂੰ 23,65,614.13 ਪੌਂਡ (ਕਰੀਬ 25 ਕਰੋੜ ਰੁਪਏ) ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਹੈ।'
ਹਾਲਾਂਕਿ, ਟ੍ਰਿਬਿਊਨਲ ਨੇ ਆਪਣੇ ਫੈਸਲੇ ਦੇ ਖਿਲਾਫ ਅਪੀਲੀ ਅਦਾਲਤ ਦੇ ਫੈਸਲੇ ਤੱਕ ਭੁਗਤਾਨ 'ਤੇ ਰੋਕ ਲਗਾ ਦਿੱਤੀ, ਮੁਆਵਜ਼ੇ ਦੀ ਰਕਮ ਦੇ ਵੇਰਵੇ 3 ਅਕਤੂਬਰ 2022 ਨੂੰ ਪਾਰਟੀਆਂ ਨੂੰ ਭੇਜੇ ਗਏ ਸਨ ਅਤੇ ਦੋਵਾਂ ਧਿਰਾਂ ਨੂੰ ਸਟੇਅ ਦੇ ਖਿਲਾਫ ਅਪੀਲ ਕਰਨ ਦਾ ਅਧਿਕਾਰ ਸੀ।
14 ਦਿਨਾਂ ਅੰਦਰ ਦੇਣੇ ਪੈਣਗੇ ਪੈਸੇ: ਫੈਸਲੇ ਵਿੱਚ ਕਿਹਾ ਗਿਆ ਹੈ, 'ਕੁੱਲ ਭੁਗਤਾਨ ਯੋਗ ਰਕਮ ਵਿਚੋਂ, ਪ੍ਰਤੀਵਾਦੀ (ਰਾਇਲ ਮੇਲ) ਮੁਦਈ ਨੂੰ 2.5 ਮਿਲੀਅਨ ਪੌਂਡ ਦੀ ਰਕਮ ਅਦਾ ਕਰੇਗਾ ਕਿਉਂਕਿ ਇਸ ਰਕਮ 'ਤੇ ਰੋਕ ਨਹੀਂ ਹੈ। ਧਿਰਾਂ ਨੇ ਸਹਿਮਤੀ ਜਤਾਈ ਹੈ ਕਿ ਸੁਣਵਾਈ ਦੇ 14 ਦਿਨਾਂ ਦੇ ਅੰਦਰ ਮੁਦਈ ਨੂੰ ਇਹ ਰਕਮ ਅਦਾ ਕੀਤੀ ਜਾਵੇਗੀ। (ਪੀਟੀਆਈ-ਭਾਸ਼ਾ)
