ਮੁੰਬਈ (ਬਿਊਰੋ): ਫਿਲਮ ਇੰਡਸਟਰੀ ਨੂੰ ਕਈ ਬਲਾਕਬਸਟਰ ਫਿਲਮਾਂ ਦੇਣ ਵਾਲੇ ਸੁਪਰਸਟਾਰ ਸ਼ਾਹਰੁਖ ਖਾਨ ਨੇ 'ਬਾਦਸ਼ਾਹ' ਅਤੇ 'ਕਿੰਗ ਖਾਨ' ਸਮੇਤ ਕਈ ਮਹਾਨ ਖਿਤਾਬ ਜਿੱਤੇ ਹਨ ਅਤੇ ਇਸ 'ਚ ਕੋਈ ਸ਼ੱਕ ਨਹੀਂ ਹੈ ਕਿ ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਫਿਲਮਾਂ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। 'ਪਠਾਨ', 'ਜਵਾਨ', 'ਡੰਕੀ' ਸਮੇਤ ਕਈ ਹਿੱਟ ਫਿਲਮਾਂ ਦੇਣ ਵਾਲੇ ਸ਼ਾਹਰੁਖ ਖਾਨ ਨੇ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਕਈ ਹੈਰਾਨੀਜਨਕ ਗੱਲਾਂ ਵੀ ਕਹੀਆਂ।
ਰਿਪੋਰਟ ਮੁਤਾਬਕ ਸ਼ਾਹਰੁਖ ਖਾਨ ਹਰ ਇਵੈਂਟ ਅਤੇ ਪਾਰਟੀਆਂ 'ਚ ਸ਼ਾਮਲ ਹੁੰਦੇ ਹਨ ਪਰ ਉਨ੍ਹਾਂ ਨੇ ਪਿਛਲੇ 5 ਸਾਲਾਂ 'ਚ ਪ੍ਰਮੋਸ਼ਨਲ ਪ੍ਰੋਗਰਾਮਾਂ ਨੂੰ ਛੱਡ ਕੇ ਕੋਈ ਮੀਡੀਆ ਇੰਟਰਵਿਊ ਨਹੀਂ ਦਿੱਤਾ ਹੈ। ਹੁਣ ਇੱਕ ਇੰਟਰਵਿਊ ਦੌਰਾਨ ਕਿੰਗ ਖਾਨ ਨੇ ਆਪਣੇ ਪਰਿਵਾਰ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ।
ਇਸ ਦੌਰਾਨ ਸ਼ਾਹਰੁਖ ਖਾਨ ਨੇ ਪਿਛਲੇ ਕੁਝ ਸਾਲਾਂ 'ਚ ਆਪਣੇ ਪਰਿਵਾਰ 'ਤੇ ਆਏ ਔਖੇ ਸਮੇਂ ਅਤੇ ਇਸ ਤੋਂ ਸਿੱਖੇ ਸਬਕ ਬਾਰੇ ਵੀ ਖੁੱਲ੍ਹ ਕੇ ਗੱਲ ਕੀਤੀ। 'ਜਵਾਨ' ਅਦਾਕਾਰ ਨੇ ਕਿਹਾ, 'ਪਿਛਲੇ 4-5 ਸਾਲ ਮੇਰੇ ਅਤੇ ਮੇਰੇ ਪਰਿਵਾਰ ਲਈ ਥੋੜ੍ਹਾ ਮੁਸ਼ਕਲ ਰਹੇ ਹਨ। ਮੇਰੀਆਂ ਜ਼ਿਆਦਾਤਰ ਫਿਲਮਾਂ ਫਲਾਪ ਹੋ ਗਈਆਂ ਸਨ ਅਤੇ ਜਾਣਕਾਰ ਲੋਕ ਕਹਿ ਰਹੇ ਸਨ ਕਿ ਮੇਰਾ ਕਰੀਅਰ ਖਤਮ ਹੋ ਗਿਆ ਹੈ।'
ਸ਼ਾਹਰੁਖ ਖਾਨ ਨੇ ਅੱਗੇ ਕਿਹਾ ਕਿ 'ਨਿੱਜੀ ਪੱਧਰ 'ਤੇ ਕੁਝ ਪਰੇਸ਼ਾਨ ਕਰਨ ਵਾਲੀਆਂ ਅਤੇ ਅਣਸੁਖਾਵੀਂਆਂ ਗੱਲਾਂ ਵੀ ਹੋਈਆਂ, ਜਿਸ ਤੋਂ ਮੈਂ ਸਬਕ ਸਿੱਖਿਆ ਚੁੱਪ ਰਹੋ, ਸ਼ਾਂਤ ਰਹੋ ਅਤੇ ਇੱਜ਼ਤ ਨਾਲ ਮਿਹਨਤ ਕਰੋ।
ਸਾਲ 2021 'ਚ ਕਥਿਤ ਡਰੱਗ ਮਾਮਲੇ 'ਚ ਆਰੀਅਨ ਦੀ ਗ੍ਰਿਫਤਾਰੀ ਦਾ ਜ਼ਿਕਰ ਕਰਦੇ ਹੋਏ ਸ਼ਾਹਰੁਖ ਖਾਨ ਨੇ ਆਪਣੇ ਫਿਲਮੀ ਅੰਦਾਜ਼ 'ਚ ਕਿਹਾ ਕਿ 'ਅਚਾਨਕ ਕਿਤੇ ਵੀ ਕੋਈ ਤੁਹਾਡੀ ਜ਼ਿੰਦਗੀ 'ਚ ਆ ਕੇ ਉਸ 'ਤੇ ਹਮਲਾ ਕਰ ਸਕਦਾ ਹੈ। ਪਰ ਇਹ ਸਮਾਂ ਤੁਹਾਨੂੰ ਦੱਸਦਾ ਹੈ ਕਿ ਤੁਹਾਨੂੰ ਆਸ਼ਾਵਾਦੀ, ਖੁਸ਼, ਇਮਾਨਦਾਰ ਬਣਨ ਦੀ ਲੋੜ ਹੈ ਅਤੇ ਜੋ ਵੀ ਤੁਸੀਂ ਕਰ ਰਹੇ ਹੋ ਉਸਨੂੰ ਜਾਰੀ ਰੱਖਣ ਦੀ ਲੋੜ ਹੈ ਅਤੇ ਇਹ ਸੋਚਣਾ ਚਾਹੀਦਾ ਹੈ ਕਿ ਇਹ ਇੱਕ ਗੰਦਾ ਕਥਾਨਕ ਹੈ, ਇਹ ਉਹ ਕਹਾਣੀ ਨਹੀਂ ਹੈ ਜੋ ਤੁਸੀਂ ਜੀਅ ਰਹੇ ਹੋ ਅਤੇ 100% ਇਹ ਕਹਾਣੀ ਦਾ ਅੰਤ ਨਹੀਂ ਹੈ। ਕਿਉਂਕਿ ਮੈਨੂੰ ਕਿਤੇ ਕਿਸੇ ਨੇ ਦੱਸਿਆ ਸੀ ਕਿ ਫਿਲਮਾਂ ਵਾਂਗ ਜ਼ਿੰਦਗੀ ਵਿੱਚ ਵੀ ਦਰਦ ਅਖ਼ੀਰ ਵਿੱਚ ਠੀਕ ਹੋ ਜਾਂਦਾ ਹੈ ਅਤੇ ਜੇ ਠੀਕ ਨਾ ਹੋਵੇ ਤਾਂ ਅੰਤ ਨਹੀਂ ਹੁੰਦਾ...ਪਿਕਚਰ ਅਜੇ ਵੀ ਬਾਕੀ ਹੈ ਮੇਰੇ ਦੋਸਤ।' ਕਿੰਗ ਖਾਨ ਨੇ ਆਪਣੀ ਗੱਲ ਜਾਰੀ ਰੱਖਦੇ ਹੋਏ ਕਿਹਾ ਕਿ 'ਮੈਨੂੰ ਉਨ੍ਹਾਂ 'ਤੇ ਵਿਸ਼ਵਾਸ ਹੈ। ਕਿਉਂਕਿ ਮੇਰਾ ਮੰਨਣਾ ਹੈ ਕਿ ਚੰਗਿਆਈ ਤੋਂ ਹੀ ਚੰਗਿਆਈ ਦਾ ਜਨਮ ਹੁੰਦਾ ਹੈ।
ਬਲਾਕਬਸਟਰ ਫਿਲਮਾਂ ਦੇ ਕੇ ਬਾਕਸ ਆਫਿਸ 'ਤੇ ਬਾਲੀਵੁੱਡ ਦੇ ਸੋਕੇ ਨੂੰ ਖਤਮ ਕਰਨ ਵਾਲੇ ਬਹੁਮੁਖੀ ਅਦਾਕਾਰ ਨੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ 'ਮੈਂ ਇੱਥੇ ਮੌਜੂਦ ਸਾਰਿਆਂ ਦਾ ਅਤੇ ਉਨ੍ਹਾਂ ਲੋਕਾਂ ਦਾ ਧੰਨਵਾਦ ਕਰਦਾ ਹਾਂ ਜਿਨ੍ਹਾਂ ਨੇ ਮੈਨੂੰ ਟੀਵੀ 'ਤੇ ਦੇਖਿਆ। ਇਸ ਸਾਲ ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਮੇਰੀਆਂ ਫਿਲਮਾਂ ਦੇਖਣ ਆਏ, ਤੁਹਾਡੇ ਵਿੱਚੋਂ ਕਈਆਂ ਨੂੰ ਸ਼ਾਇਦ ਉਹ ਪਸੰਦ ਨਾ ਆਈਆਂ ਹੋਣ। ਪਰ ਮੈਂ ਜਾਣਦਾ ਹਾਂ ਕਿ ਤੁਸੀਂ ਮੇਰਾ ਅਤੇ ਮੇਰੇ ਪਰਿਵਾਰ ਦਾ ਸਮਰਥਨ ਕਰਨ ਲਈ ਆਏ ਹੋ। ਮੈਂ ਤੁਹਾਨੂੰ ਸਲਾਮ ਕਰਦਾ ਹਾਂ ਅਤੇ ਮੈਨੂੰ ਇੱਕ ਵਾਰ ਫਿਰ ਸਟਾਰ ਬਣਾਉਣ ਲਈ, ਮੇਰੇ ਪਰਿਵਾਰ, ਮੇਰੇ ਬੱਚਿਆਂ, ਮੇਰੇ ਪਿਆਰਿਆਂ ਨੂੰ ਖੁਸ਼ੀਆਂ ਦੇਣ ਲਈ ਤੁਹਾਡਾ ਧੰਨਵਾਦ ਕਰਦਾ ਹਾਂ।'
