ਹੈਦਰਾਬਾਦ: ਦੱਖਣ ਫ਼ਿਲਮ ਇੰਡਸਟਰੀ ਦੇ ਦਿੱਗਜ ਫ਼ਿਲਮ ਨਿਰਦੇਸ਼ਕ ਮਣੀ ਰਤਨਮ ਦੀ ਬਹੁਤ ਉਡੀਕੀ ਜਾ ਰਹੀ ਫ਼ਿਲਮ ‘ਪੋਨੀਅਨ ਸੇਲਵਨ ਪਾਰਟ-1’ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਸਮੇਤ ਸਾਰੇ ਕਿਰਦਾਰਾਂ ਦੇ ਨਵੇਂ ਲੁੱਕ ਪੋਸਟਰ ਸਾਹਮਣੇ ਆਏ ਸਨ।
1.21 ਦੇ ਟੀਜ਼ਰ 'ਚ ਨਿਰਦੇਸ਼ਕ ਮਣੀ ਰਤਨਮ ਨੇ ਫਿਲਮ ਦੇ ਹਰ ਕਿਰਦਾਰ ਨੂੰ ਬਹੁਤ ਖੂਬਸੂਰਤੀ ਨਾਲ ਪੇਸ਼ ਕੀਤਾ ਹੈ। ਵਿਕਰਮ, ਜੈਮ ਰਵੀ, ਤ੍ਰਿਸ਼ਾ, ਕਾਰਤੀ ਅਤੇ ਐਸ਼ਵਰਿਆ ਰਾਏ ਆਪੋ-ਆਪਣੇ ਲੁੱਕ 'ਚ ਸ਼ਾਨਦਾਰ ਲੱਗ ਰਹੇ ਹਨ। ਫਿਲਮ ਦੀ ਕਹਾਣੀ ਚੋਲ ਸਾਮਰਾਜ 'ਤੇ ਆਧਾਰਿਤ ਹੈ। ਟੀਜ਼ਰ ਅੰਤ ਤੱਕ ਦਰਸ਼ਕਾਂ ਨੂੰ ਆਪਣੇ ਨਾਲ ਬੰਨ੍ਹ ਕੇ ਰੱਖਣ ਵਾਲਾ ਹੈ।
- " class="align-text-top noRightClick twitterSection" data="">
ਇਸ ਤੋਂ ਪਹਿਲਾਂ ਫਿਲਮ 'ਪੋਨੀਅਨ ਸੇਲਵਨ ਪਾਰਟ-1' ਦੇ ਨਿਰਮਾਤਾਵਾਂ ਨੇ ਬੁੱਧਵਾਰ (6 ਜੁਲਾਈ) ਨੂੰ ਫਿਲਮ ਤੋਂ ਐਸ਼ਵਰਿਆ ਰਾਏ ਦਾ ਨਵਾਂ ਪੋਸਟਰ ਰਿਲੀਜ਼ ਕੀਤਾ ਸੀ। ਇਸ ਪੋਸਟਰ ਨਾਲ ਐਸ਼ਵਰਿਆ ਦੇ ਕਿਰਦਾਰ ਤੋਂ ਵੀ ਪਰਦਾ ਉਠ ਗਿਆ ਹੈ। ਐਸ਼ਵਰਿਆ ਫਿਲਮ 'ਚ ਰਾਣੀ ਨੰਦਨੀ ਦਾ ਕਿਰਦਾਰ ਨਿਭਾਏਗੀ। ਪੋਸਟਰ 'ਚ ਐਸ਼ਵਰਿਆ ਦੇ ਲੁੱਕ ਦੀ ਗੱਲ ਕਰੀਏ ਤਾਂ ਉਹ ਖੂਬਸੂਰਤ ਸਾੜੀ ਅਤੇ ਲੰਬੇ ਵਾਲਾਂ 'ਚ ਨਜ਼ਰ ਆ ਰਹੀ ਸੀ।
ਨਿਰਮਾਤਾਵਾਂ ਨੇ ਫਿਲਮ ਦੇ ਐਸ਼ਵਰਿਆ ਰਾਏ ਦਾ ਪੋਸਟਰ ਸਾਂਝਾ ਕੀਤਾ ਅਤੇ ਲਿਖਿਆ 'ਬਦਲਾ ਹੈ ਇੱਕ ਸੁੰਦਰ ਚਿਹਰਾ, ਪਜ਼ੂਵੂਰ ਦੀ ਰਾਣੀ ਨੰਦਿਨੀ ਨੂੰ ਮਿਲੋ'। ਇਹ ਫਿਲਮ ਤਾਮਿਲ, ਹਿੰਦੀ, ਤੇਲਗੂ, ਮਲਿਆਲਮ ਅਤੇ ਕੰਨੜ ਭਾਸ਼ਾਵਾਂ 'ਚ ਰਿਲੀਜ਼ ਹੋਵੇਗੀ।
ਮੈਗਨਮ ਓਪਸ 'ਪੋਨੀਅਨ ਸੇਲਵਨ ਪਾਰਟ-1' 'ਚ ਸਾਊਥ ਸੁਪਰਸਟਾਰ ਵਿਕਰਮ, ਜੈਮ ਰਵੀ, ਕਾਰਤੀ ਤ੍ਰਿਸ਼ਾ, ਸਰਥ ਕੁਮਾਰ, ਪ੍ਰਕਾਸ਼ ਰਾਜ, ਸੋਭਿਤਾ ਧੂਲੀਪਾਲਾ, ਵਿਕਰਮ ਪ੍ਰਭੂ ਅਤੇ ਐਸ਼ਵਰਿਆ ਰਾਏ ਬੱਚਨ ਮੁੱਖ ਭੂਮਿਕਾਵਾਂ 'ਚ ਹਨ। ਫਿਲਮ ਦੀ ਸ਼ੂਟਿੰਗ ਹੈਦਰਾਬਾਦ ਅਤੇ ਮੱਧ ਪ੍ਰਦੇਸ਼ ਸਮੇਤ ਦੇਸ਼ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਕੀਤੀ ਗਈ ਹੈ। ਮਣੀ ਰਤਨਮ ਲੰਬੇ ਸਮੇਂ ਤੋਂ ਫਿਲਮ ਦੀ ਤਿਆਰੀ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਫਿਲਮ 30 ਸਤੰਬਰ ਨੂੰ ਦੁਨੀਆ ਭਰ 'ਚ ਰਿਲੀਜ਼ ਹੋਵੇਗੀ।
ਇਹ ਵੀ ਪੜ੍ਹੋ:ਅੱਛਾ ਤਾਂ... ਹੁਣ ਦਸਤਾਰ ਪਹਿਨੇ ਕਿਰਦਾਰ 'ਚ ਨਜ਼ਰ ਆਉਣਗੇ ਅਕਸ਼ੈ, ਬਿਨਾਂ ਸਿਰਲੇਖ ਵਾਲੀ ਫਿਲਮ ਦੀ ਪਹਿਲੀ ਦਿੱਖ ਹੋਈ ਲੀਕ
