ਹੈਦਰਾਬਾਦ: ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਦੇ ਰਾਜਸਥਾਨ ਦੇ ਉਦੈਪੁਰ ਦੇ ਲੀਲਾ ਪੈਲੇਸ ਵਿੱਚ ਹੋਏ ਸੁਪਨਮਈ ਵਿਆਹ ਦੀਆਂ ਪਹਿਲੀਆਂ ਤਸਵੀਰਾਂ ਸਾਹਮਣੇ (Parineeti Chopra and Raghav Chadha first pictures) ਆਈਆਂ ਹਨ। ਨਵੇਂ ਵਿਆਹੇ ਜੋੜੇ ਨੇ ਆਪਣੇ ਖਾਸ ਦਿਨ ਦੀਆਂ ਤਸਵੀਰਾਂ ਦੀ ਇੱਕ ਲੜੀ ਸਾਂਝੀ ਕਰਨ ਲਈ ਸੋਸ਼ਲ ਮੀਡੀਆ ਦਾ ਸਹਾਰਾ ਲਿਆ। ਜੋੜਾ ਆਪਣੇ ਵਿਆਹ ਦੀਆਂ ਤਸਵੀਰਾਂ 'ਚ ਖੁਸ਼ੀ ਨਾਲ ਝੂਮਦਾ ਨਜ਼ਰ ਰਿਹਾ ਹੈ।
ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਪਰਿਣੀਤੀ (Parineeti Chopra and Raghav Chadha first pictures) ਨੇ ਦਿਲ ਨੂੰ ਛੂਹ ਲੈਣ ਵਾਲਾ ਨੋਟ ਲਿਖਿਆ ਹੈ, "ਨਾਸ਼ਤੇ ਦੇ ਮੇਜ਼ 'ਤੇ ਸ਼ੁਰੂ ਹੋਈ ਸਾਡੀ ਪਹਿਲੀ ਗੱਲਬਾਤ ਤੋਂ ਸਾਡੇ ਦਿਲਾਂ ਨੂੰ ਪਤਾ ਸੀ, ਅਸੀਂ ਲੰਬੇ ਸਮੇਂ ਤੋਂ ਇਸ ਦਿਨ ਦੀ ਉਡੀਕ ਕਰ ਰਹੇ ਸੀ, ਆਖਰਕਾਰ ਅਸੀਂ ਮਿਸਟਰ ਅਤੇ ਮਿਸਿਜ਼ ਬਣ ਗਏ, ਅਸੀਂ ਇੱਕ ਦੂਜੇ ਤੋਂ ਬਿਨਾਂ ਨਹੀਂ ਰਹਿ ਸਕਦੇ ਸੀ, ਸਾਡੀ ਜ਼ਿੰਦਗੀ ਸ਼ੁਰੂ ਹੋ ਗਈ ਹੈ...।"
ਕ੍ਰੀਮ ਕਲਰ ਵਿੱਚ ਸਜੇ, ਨਵ-ਵਿਆਹੁਤਾ ਜੋੜੇ ਦੀਆਂ ਤਸਵੀਰਾਂ ਕਾਫੀ ਸ਼ਾਨਦਾਰ ਹਨ। ਪਰਿਣੀਤੀ ਦਾ ਨਵਾਂ ਮਹਿੰਦੀ ਡਿਜ਼ਾਈਨ ਅਤੇ ਸੁਨਹਿਰੀ ਕਲੀਰਾ ਸਭ ਦਾ ਧਿਆਨ ਖਿੱਚ ਰਹੇ ਹਨ। ਪਰਿਣੀਤੀ ਬਹੁਤ ਹੀ ਖੂਬਸੂਰਤ ਲੱਗ ਰਹੀ ਹੈ।
- Ragneeti Wedding: ਅੱਜ ਇੱਕ-ਦੂਜੇ ਦੇ ਹੋ ਜਾਣਗੇ ਪਰਿਣੀਤੀ-ਰਾਘਵ, ਇਹ ਹੈ ਵਿਆਹ ਦਾ ਸ਼ੈਡਿਊਲ
- Parineeti Chopra and Raghav Chadha are married : ਵਿਆਹ ਦੇ ਬੰਧਨ 'ਚ ਬੱਝੇ ਪਰਿਣੀਤੀ ਚੋਪੜਾ ਤੇ ਰਾਘਵ ਚੱਢਾ, ਵਿਆਹ ਦੀ ਪਹਿਲੀ ਤਸਵੀਰ ਦਾ ਇੰਤਜ਼ਾਰ
- Parineeti Chopra and Raghav Chadha: ਇੱਕ ਦੂਜੇ ਦੇ ਹੋਏ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ, ਤਸਵੀਰਾਂ ਆਈਆਂ ਸਾਹਮਣੇ
ਇਸ ਦੌਰਾਨ ਰਾਘਵ ਮੈਚਿੰਗ ਸ਼ੇਰਵਾਨੀ 'ਚ ਦਿਖ ਰਹੇ ਹਨ। ਪਰਿਣੀਤੀ ਦੇ ਵਿਆਹ ਦੇ ਕੱਪੜਿਆਂ ਨੂੰ ਮਸ਼ਹੂਰ ਕਾਊਟਰੀਅਰ ਮਨੀਸ਼ ਮਲਹੋਤਰਾ ਨੇ ਤਿਆਰ ਕੀਤਾ ਸੀ। ਰਾਘਵ ਦੇ ਮਾਮਾ ਅਤੇ ਫੈਸ਼ਨ ਡਿਜ਼ਾਈਨਰ ਪਵਨ ਸਚਦੇਵਾ ਨੇ ਰਾਘਵ ਦੇ ਇਸ ਵੱਡੇ ਦਿਨ ਲਈ ਖਾਸ ਸ਼ੇਰਵਾਨੀ ਤਿਆਰ ਕੀਤੀ ਸੀ।
ਪਰਿਣੀਤੀ ਰਾਘਵ ਨੂੰ ਉਨ੍ਹਾਂ ਦੇ ਵਿਆਹ ਦੀ ਵਧਾਈ ਦਿੰਦੇ ਹੋਏ ਪ੍ਰਿਅੰਕਾ ਚੋਪੜਾ ਨੇ ਲਿਖਿਆ, 'ਤੁਹਾਨੂੰ ਹਮੇਸ਼ਾ ਮੇਰਾ ਆਸ਼ੀਰਵਾਦ ਮਿਲਦਾ ਰਹੇ'। ਵਰੁਣ ਧਵਨ, ਰੈਪਰ ਬਾਦਸ਼ਾਹ, ਸਾਬਕਾ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ, ਅਦਾਕਾਰ ਅਨੁਪਮ ਖੇਰ, ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ, ਨੀਨਾ ਗੁਪਤਾ, ਈਸ਼ਾ ਦਿਓਲ, ਨੇਹਾ ਧੂਪੀਆ, ਮਨੀਸ਼ ਮਲਹੋਤਰਾ, ਪਰਿਣੀਤੀ ਦੇ ਭਰਾ ਸ਼ਿਵਾਂਗ ਚੋਪੜਾ ਆਦਿ ਨੇ ਜੋੜੀ ਨੂੰ ਵਿਆਹ ਦੀਆਂ ਵਧਾਈਆਂ ਦਿੱਤੀਆਂ ਹਨ।
ਇਹ ਜੋੜਾ 24 ਸਤੰਬਰ ਨੂੰ ਰਾਜਸਥਾਨ ਦੇ ਉਦੈਪੁਰ 'ਚ ਕਰੀਬੀ ਪਰਿਵਾਰ ਅਤੇ ਦੋਸਤਾਂ ਦੀ ਮੌਜੂਦਗੀ 'ਚ ਵਿਆਹ ਦੇ ਬੰਧਨ 'ਚ ਬੱਝ ਗਿਆ ਸੀ। ਪਰਿਣੀਤੀ ਅਤੇ ਰਾਘਵ ਲੰਡਨ ਵਿੱਚ ਇਕੱਠੇ ਪੜ੍ਹੇ ਸਨ, ਕਿਹਾ ਜਾਂਦਾ ਹੈ ਕਿ ਉਹ ਬਹੁਤ ਬਾਅਦ ਵਿੱਚ ਪਿਆਰ ਵਿੱਚ ਪੈ ਗਏ, ਜਦੋਂ ਉਹ ਇੱਕ ਪੰਜਾਬੀ ਫਿਲਮ ਦੇ ਸੈੱਟ 'ਤੇ ਮਿਲੇ ਸਨ।
