ਹੈਦਰਾਬਾਦ: ਸਲਮਾਨ ਖਾਨ ਦੇ ਰਿਐਲਿਟੀ ਸ਼ੋਅ ਬਿੱਗ ਬੌਸ ਓਟੀਟੀ 2 ਦੇ ਜੇਤੂ ਐਲਵਿਸ਼ ਯਾਦਵ ਇਨ੍ਹੀਂ ਦਿਨੀਂ ਮੁਸੀਬਤ ਵਿੱਚ ਹਨ। ਐਲਵਿਸ਼ ਯਾਦਵ ਉਰਫ਼ ਸਿਸਟਮ 'ਤੇ ਸੱਪਾਂ ਦੀ ਤਸਕਰੀ ਅਤੇ ਰੇਵ ਪਾਰਟੀਆਂ ਆਯੋਜਿਤ ਕਰਨ ਦਾ ਇਲਜ਼ਾਮ ਹੈ। ਇਸ ਦੌਰਾਨ ਐਲਵਿਸ਼ ਯਾਦਵ ਨੇ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਨਾਲ ਆਪਣੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਨੂੰ ਸਿਸਟਮ ਦੇ 21 ਲੱਖ ਤੋਂ ਵੱਧ ਪ੍ਰਸ਼ੰਸਕਾਂ ਨੇ ਪਸੰਦ ਕੀਤਾ ਹੈ। ਐਲਵਿਸ਼ ਯਾਦਵ ਨੇ ਸਲਮਾਨ ਖਾਨ ਨਾਲ ਜੋ ਤਸਵੀਰ ਸ਼ੇਅਰ ਕੀਤੀ ਹੈ, ਉਹ ਬਿੱਗ ਬੌਸ ਦੇ ਮੌਜੂਦਾ ਸੀਜ਼ਨ 17 ਦੀ ਹੈ।
ਬੀਤੀ ਰਾਤ ਆਪਣੇ ਇੰਸਟਾਗ੍ਰਾਮ (Salman Khan And Elvish Yadav Photo) ਪੋਸਟ 'ਤੇ ਇਸ ਤਸਵੀਰ ਨੂੰ ਸ਼ੇਅਰ ਕਰਨ ਤੋਂ ਬਾਅਦ ਐਲਵਿਸ਼ ਨੇ ਲਿਖਿਆ, 'ਵਖਤ ਅਜੀਬ ਚੀਜ਼ ਹੈ ਇਸਕੇ ਸਾਥ ਢਲ ਗਏ, ਤੁਮ ਭੀ ਬਹੁਤ ਕਰੀਬ ਥੇ ਅਬ ਬਹੁਤ ਬਦਲ ਗਏ'। ਇਸ ਤਸਵੀਰ 'ਚ ਐਲਵਿਸ਼ ਬਿੱਗ ਬੌਸ 17 ਦੇ ਸੈੱਟ 'ਤੇ ਸਲਮਾਨ ਖਾਨ ਨਾਲ ਖੜ੍ਹਿਆ ਮੁਸਕਰਾ ਰਿਹਾ ਹੈ।
ਇਸ ਦੇ ਨਾਲ ਹੀ ਹੁਣ ਐਲਵਿਸ਼ ਦੇ 15 ਮਿਲੀਅਨ ਤੋਂ ਵੱਧ ਪ੍ਰਸ਼ੰਸਕ ਇਸ ਪੋਸਟ ਕਾਰਨ ਉਲਝਣ ਵਿੱਚ ਹਨ। ਹੁਣ ਉਹ ਇਸ ਪੋਸਟ 'ਤੇ ਸਿਸਟਮ ਸਵਾਲ ਉਠਾ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, 'ਭਾਈਜਾਨ ਦੇ ਸਾਹਮਣੇ ਕੋਈ ਕੁਝ ਨਹੀਂ ਕਹਿ ਸਕਦਾ।' ਇਸ ਦੇ ਨਾਲ ਹੀ ਐਲਵਿਸ਼ ਦਾ ਇੱਕ ਫੈਨ ਲਿਖਦਾ ਹੈ, 'ਕੀ ਸਿਸਟਮ ਭਾਈ ਦੇ ਸਾਹਮਣੇ ਕੋਈ ਕੁੱਝ ਬੋਲ ਸਕਦਾ ਹੈ?'
- What Is Rave Party: ਆਖੀਰ ਕੀ ਹਨ ਇਹ ਰੇਵ ਪਾਰਟੀਆਂ, ਜਿਸ ਨਾਲ ਜੁੜਿਆ ਹੈ ਐਲਵਿਸ਼ ਯਾਦਵ ਦਾ ਨਾਂ? ਜਾਣੋ ਕਿੱਥੋਂ ਆਇਆ ਹੈ ਰੇਵ ਕਲਚਰ
- ਕਿਸੇ ਵੀ ਸੱਪ 'ਚ ਨਹੀਂ ਮਿਲੀ ਜ਼ਹਿਰ ਦੀ ਗ੍ਰੰਥੀ, ਐਲਵਿਸ਼ ਯਾਦਵ ਮਾਮਲੇ 'ਚ ਮੈਡੀਕਲ ਰਿਪੋਰਟ ਆਈ ਸਾਹਮਣੇ
- Elvish Yadav: ਰੇਵ ਪਾਰਟੀ ਵਿਵਾਦ ਦੇ ਵਿਚਕਾਰ ਐਲਵਿਸ਼ ਯਾਦਵ ਨੇ ਸਾਂਝੀ ਕੀਤੀ ਨਵੀਂ ਪੋਸਟ, ਕਿਹਾ-ਮੈਨੂੰ ਸ਼੍ਰੀ ਰਾਮ ਜੀ ਉਤੇ ਵਿਸ਼ਵਾਸ ਹੈ
ਦੱਸ ਦੇਈਏ ਕਿ ਹਾਲ ਹੀ 'ਚ ਐਲਵਿਸ਼ ਯਾਦਵ 'ਤੇ ਰੇਵ ਪਾਰਟੀ ਆਯੋਜਿਤ ਕਰਨ ਅਤੇ ਕੋਬਰਾ ਸੱਪਾਂ ਦੀ ਤਸਕਰੀ ਕਰਨ ਦੇ ਇਲਜ਼ਾਮ ਲੱਗੇ ਹਨ। ਇਸ ਸੰਬੰਧ ਵਿੱਚ ਨੋਇਡਾ ਪੁਲਿਸ ਨੇ ਐਲਵਿਸ਼ ਦੇ ਖਿਲਾਫ ਐਫਆਈਆਰ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਇਲਜ਼ਾਮਾਂ ਤੋਂ ਬਾਅਦ ਐਲਵਿਸ਼ ਨੇ ਤੁਰੰਤ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕਰਕੇ ਖੁਦ ਨੂੰ ਬੇਕਸੂਰ ਦੱਸਿਆ ਅਤੇ ਕਿਹਾ ਕਿ ਉਹ ਜਾਂਚ ਲਈ ਤਿਆਰ ਹਨ।
