ਮੁੰਬਈ (ਬਿਊਰੋ): ਸ਼ਾਹਰੁਖ ਖਾਨ ਦੀ ਫਿਲਮ 'ਡੰਕੀ' ਦੀ ਟੀਮ ਨੇ 5 ਦਸੰਬਰ ਨੂੰ ਫਿਲਮ ਦਾ ਹਿੰਦੀ ਟ੍ਰੇਲਰ ਰਿਲੀਜ਼ ਕੀਤਾ ਸੀ ਅਤੇ ਹੁਣ ਇਸ ਨੇ ਯੂਟਿਊਬ 'ਤੇ 24 ਘੰਟਿਆਂ 'ਚ ਸਭ ਤੋਂ ਵੱਧ ਦੇਖੇ ਜਾਣ ਵਾਲੇ ਹਿੰਦੀ ਟ੍ਰੇਲਰ ਦਾ ਰਿਕਾਰਡ ਬਣਾ ਲਿਆ ਹੈ। ਸ਼ਾਹਰੁਖ ਖਾਨ ਨੇ ਇਸ ਸਾਲ ਨੂੰ ਹਿੰਦੀ ਸਿਨੇਮਾ ਪ੍ਰੇਮੀਆਂ ਲਈ ਖਾਸ ਬਣਾਇਆ ਹੈ। ਅਦਾਕਾਰ ਨੇ ਦੋ ਦਮਦਾਰ ਮੰਨੋਰੰਜਕ ਫਿਲਮਾਂ ਦਿੱਤੀਆਂ ਹਨ ਅਤੇ ਤੀਜੀ ਦੀ ਤਿਆਰੀ ਕਰ ਰਿਹਾ ਹੈ।
ਰਾਜਕੁਮਾਰ ਹਿਰਾਨੀ ਦੁਆਰਾ ਨਿਰਦੇਸ਼ਤ ਡੰਕੀ ਇਸ ਸਾਲ ਕ੍ਰਿਸਮਸ ਉਤੇ ਰਿਲੀਜ਼ ਹੋਣ ਲਈ ਤਿਆਰ ਹੈ ਅਤੇ ਪ੍ਰਸ਼ੰਸਕ ਛੁੱਟੀਆਂ ਦੇ ਸੀਜ਼ਨ ਵਿੱਚ ਸ਼ਾਹਰੁਖ ਦੀ ਡੰਕੀ ਨੂੰ ਦੇਖਣ ਲਈ ਉਤਸ਼ਾਹਿਤ ਹਨ। ਫਿਲਮ ਦੀ ਚਰਚਾ ਇੰਨੀ ਜ਼ਬਰਦਸਤ ਚੱਲ਼ ਰਹੀ ਹੈ ਕਿ ਟ੍ਰੇਲਰ ਖੁਦ ਨਵੇਂ ਰਿਕਾਰਡ ਬਣਾ ਰਿਹਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ 'ਡੰਕੀ' ਦਾ ਟ੍ਰੇਲਰ 24 ਘੰਟਿਆਂ 'ਚ ਯੂਟਿਊਬ 'ਤੇ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਹਿੰਦੀ ਫਿਲਮ ਦਾ ਟ੍ਰੇਲਰ ਬਣ ਗਿਆ ਹੈ। ਟ੍ਰੇਲਰ ਮੰਗਲਵਾਰ 5 ਦਸੰਬਰ ਨੂੰ ਸਵੇਰੇ 10 ਵਜੇ ਪਲੇਟਫਾਰਮ 'ਤੇ ਰਿਲੀਜ਼ ਕੀਤਾ ਗਿਆ ਸੀ ਅਤੇ 6 ਦਸੰਬਰ ਨੂੰ ਦੁਪਹਿਰ 1 ਵਜੇ ਤੱਕ ਇਸ ਨੂੰ ਯੂਟਿਊਬ 'ਤੇ 62 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਸਨ। ਜੋ ਕਿ ਬਾਲੀਵੁੱਡ ਫਿਲਮ ਦੇ ਟ੍ਰੇਲਰ ਲਈ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ ਸੀ।
- " class="align-text-top noRightClick twitterSection" data="">
ਇਹ ਉਪਲਬਧੀ ਹਾਸਲ ਕਰਕੇ 'ਡੰਕੀ' ਨੇ 'ਸਾਲਾਰ' ਦੇ ਹਿੰਦੀ ਟ੍ਰੇਲਰ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਬਾਕਸ ਆਫਿਸ 'ਤੇ ਡੰਕੀ ਨਾਲ ਟੱਕਰ ਲੈ ਰਹੀ ਪ੍ਰਭਾਸ ਸਟਾਰਰ ਫਿਲਮ ਨੂੰ ਯੂਟਿਊਬ 'ਤੇ 24 ਘੰਟਿਆਂ 'ਚ 53.75 ਮਿਲੀਅਨ ਵਿਊਜ਼ ਮਿਲ ਚੁੱਕੇ ਹਨ। ਆਦਿਪੁਰਸ਼ 24 ਘੰਟਿਆਂ ਵਿੱਚ ਯੂਟਿਊਬ 'ਤੇ ਸਭ ਤੋਂ ਵੱਧ ਵਿਊਜ਼ ਦੇ ਨਾਲ ਸਿਖਰ ਦਾ ਤੀਜਾ ਹਿੰਦੀ ਟ੍ਰੇਲਰ ਹੈ।
- Dunki Trailer OUT: ਇੰਤਜ਼ਾਰ ਖਤਮ...ਰਿਲੀਜ਼ ਹੋਇਆ ਸ਼ਾਹਰੁਖ ਖਾਨ ਦੀ ਫਿਲਮ 'ਡੰਕੀ' ਦਾ ਮਜ਼ੇਦਾਰ ਟ੍ਰੇਲਰ, ਦੇਖੋ
- Dunki Trailer X Reactions: 'ਡੰਕੀ' ਦਾ ਟ੍ਰੇਲਰ ਦੇਖ ਕੇ ਗਦਗਦ ਹੋਏ ਫੈਨਜ਼, ਬੋਲੇ-ਇਸ ਸਾਲ ਸ਼ਾਹਰੁਖ ਦੀ ਤੀਜੀ ਬਲਾਕਬਸਟਰ
- ਰਾਜਕੁਮਾਰ ਹਿਰਾਨੀ ਦੀਆਂ ਫਿਲਮਾਂ ਦੇ ਪ੍ਰਸ਼ੰਸਕ ਹੋ ਤਾਂ ਜ਼ਰੂਰ ਦੇਖੋ 'ਡੰਕੀ', ਟ੍ਰੇਲਰ ਦੇ ਇਹ 5 ਸੀਨ ਫਿਲਮ ਨੂੰ ਬਣਾਉਂਦੇ ਨੇ ਸਭ ਤੋਂ ਵਿਲੱਖਣ
ਦਿਲਚਸਪ ਗੱਲ ਇਹ ਹੈ ਕਿ ਚੋਟੀ ਦੇ ਪੰਜ ਸਭ ਤੋਂ ਵੱਧ ਦੇਖੇ ਜਾਣ ਵਾਲੇ ਹਿੰਦੀ ਟ੍ਰੇਲਰ 2023 ਵਿੱਚ ਰਿਲੀਜ਼ ਹੋਈਆਂ ਫਿਲਮਾਂ ਦੇ ਹਨ, ਜਿਸ ਵਿੱਚ ਦੋ ਸਟਾਰ ਪ੍ਰਭਾਸ ਦੇ ਅਤੇ ਦੋ ਸਟਾਰ ਰਣਬੀਰ ਕਪੂਰ ਦੇ ਹਨ।
ਉਲੇਖਯੋਗ ਹੈ ਕਿ 'ਡੰਕੀ' ਵਿੱਚ ਤਾਪਸੀ ਪੰਨੂ, ਵਿੱਕੀ ਕੌਸ਼ਲ, ਵਿਕਰਮ ਕੋਚਰ, ਅਨਿਲ ਗਰੋਵਰ ਅਤੇ ਬੋਮਨ ਇਰਾਨੀ ਵੀ ਹਨ, ਫਿਲਮ ਉਹਨਾਂ ਦੋਸਤਾਂ ਦੀ ਕਹਾਣੀ ਦੱਸਦੀ ਹੈ ਜੋ ਲੰਡਨ ਜਾਣਾ ਚਾਹੁੰਦੇ ਹਨ। ਟ੍ਰੇਲਰ ਇੱਕ ਨਰਮ ਅਤੇ ਦਿਲ ਨੂੰ ਛੂਹ ਲੈਣ ਵਾਲੀ ਕਹਾਣੀ ਨੂੰ ਦਰਸਾਉਂਦਾ ਹੈ। ਦਰਸ਼ਕ ਰਾਜਕੁਮਾਰ ਹਿਰਾਨੀ ਤੋਂ ਇਸੇ ਤਰ੍ਹਾਂ ਦੇ ਸਿਨੇਮਾ ਦੀ ਉਮੀਦ ਕਰਦੇ ਹਨ। ਇਹ ਫਿਲਮ 22 ਦਸੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
