ਮੁੰਬਈ (ਬਿਊਰੋ): ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਸਟਾਰਰ ਫਿਲਮ 'ਬਵਾਲ' ਦਾ ਟੀਜ਼ਰ ਅੱਜ 5 ਜੁਲਾਈ ਨੂੰ ਰਿਲੀਜ਼ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਵਰੁਣ ਧਵਨ ਨੇ ਦੱਸਿਆ ਸੀ ਕਿ ਫਿਲਮ ਦਾ ਪਹਿਲਾ ਟੀਜ਼ਰ 5 ਜੁਲਾਈ ਨੂੰ ਦੁਪਹਿਰ 12 ਵਜੇ ਰਿਲੀਜ਼ ਹੋਵੇਗਾ। ਵਰੁਣ ਅਤੇ ਫਿਲਮ ਨਿਰਮਾਤਾਵਾਂ ਦੇ ਵਾਅਦੇ ਮੁਤਾਬਕ ਫਿਲਮ ਦਾ ਪਹਿਲਾ ਟੀਜ਼ਰ 5 ਜੁਲਾਈ ਨੂੰ ਦੁਪਹਿਰ 12 ਵਜੇ ਰਿਲੀਜ਼ ਕੀਤਾ ਗਿਆ ਹੈ।
ਇਸ ਫਿਲਮ ਦਾ ਨਿਰਦੇਸ਼ਨ ਨਿਤੇਸ਼ ਤਿਵਾਰੀ ਨੇ ਕੀਤਾ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ 'ਚ ਕੀਤੀ ਗਈ ਹੈ। ਬਵਾਲ ਭਾਰਤੀ ਸਿਨੇਮਾ ਦੀ ਪਹਿਲੀ ਅਜਿਹੀ ਫਿਲਮ ਬਣਨ ਜਾ ਰਹੀ ਹੈ, ਜਿਸ ਦਾ ਪ੍ਰੀਮੀਅਰ ਪੈਰਿਸ ਦੇ ਆਈਫਲ ਟਾਵਰ ਵਿਖੇ ਹੋਵੇਗਾ। ਇਸ ਦੇ ਨਾਲ ਹੀ ਇਹ ਫਿਲਮ ਸਿਨੇਮਾਘਰਾਂ 'ਚ ਰਿਲੀਜ਼ ਨਹੀਂ ਹੋਵੇਗੀ ਸਗੋਂ 200 ਤੋਂ ਵੱਧ ਦੇਸ਼ਾਂ 'ਚ OTT ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ। ਇਸ ਦੇ ਨਾਲ ਹੀ ਫਿਲਮ ਦੇ ਅੰਤ 'ਚ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਦੱਸ ਦਈਏ ਕਿ ਸਾਜਿਦ ਨਾਡਿਆਡਵਾਲਾ ਦੁਆਰਾ ਬਣਾਈ ਗਈ ਬਵਾਲ ਨੂੰ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਨੇ ਡਾਇਰੈਕਟ ਕੀਤਾ ਹੈ, ਜਿਨ੍ਹਾਂ ਨੇ ਦੰਗਲ ਅਤੇ ਛੀਛੋਰੇ ਵਰਗੀਆਂ ਦਮਦਾਰ ਫਿਲਮਾਂ ਬਣਾਈਆਂ ਹਨ। ਬਵਾਲ ਦੇ ਟੀਜ਼ਰ ਦੀ ਗੱਲ ਕਰੀਏ ਤਾਂ ਨਿਤੇਸ਼ ਨੇ ਇਕ ਵਾਰ ਫਿਰ ਆਪਣੇ ਨਿਰਦੇਸ਼ਨ ਨਾਲ ਦਿਲ ਜਿੱਤ ਲਿਆ ਹੈ। ਬਵਾਲ ਦਾ ਟੀਜ਼ਰ ਵਰੁਣ ਅਤੇ ਜਾਹਨਵੀ ਦੇ ਪਿਆਰ ਨਾਲ ਸ਼ੁਰੂ ਹੁੰਦਾ ਹੈ ਅਤੇ ਲੜਾਈ ਅਤੇ ਵਿਛੋੜੇ 'ਤੇ ਖਤਮ ਹੁੰਦਾ ਹੈ।
- Kriti Sanon: 'ਪਰਮ ਸੁੰਦਰੀ' ਕ੍ਰਿਤੀ ਸੈਨਨ ਨੇ ਭਰੀ ਉਡਾਨ, 9 ਸਾਲ ਦੇ ਕਰੀਅਰ ਤੋਂ ਬਾਅਦ ਖੋਲ੍ਹਿਆ ਆਪਣਾ ਪ੍ਰੋਡਕਸ਼ਨ ਹਾਊਸ
- Most Followed Punjabi Celebrities on Instagram: ਇੰਸਟਾਗ੍ਰਾਮ 'ਤੇ ਸਭ ਤੋਂ ਵੱਧ ਫਾਲੋ ਕੀਤੇ ਜਾਣ ਵਾਲੇ ਪੰਜਾਬੀ ਸਿਤਾਰੇ, ਦੇਖੋ ਪੂਰੀ ਲਿਸਟ
- 'ਗੱਡੀ ਜਾਂਦੀ ਏ ਚਲਾਂਗਾਂ ਮਾਰਦੀ' ਦਾ ਪਹਿਲਾਂ ਪੋਸਟਰ ਰਿਲੀਜ਼, ਫਿਲਮ ਇਸ ਅਕਤੂਬਰ 'ਚ ਹੋਵੇਗੀ ਰਿਲੀਜ਼
ਟੀਜ਼ਰ ਦੇਖਣ ਤੋਂ ਬਾਅਦ ਯਕੀਨ ਹੈ ਕਿ ਤੁਸੀਂ ਫਿਲਮ ਦੀ ਰਿਲੀਜ਼ ਡੇਟ ਦਾ ਇੰਤਜ਼ਾਰ ਕਰੋਗੇ। ਟੀਜ਼ਰ ਦੇ ਹਰ ਸੀਨ ਦੀ ਪਿੱਠਭੂਮੀ 'ਚ ਚੱਲ ਰਿਹਾ ਗੀਤ 'ਪਿਆਰ ਕਰਨੇ ਦੇਤੇ' ਤੁਹਾਡੇ 'ਚ ਪਿਆਰ ਜਗਾਉਣ ਦਾ ਕੰਮ ਕਰੇਗਾ। ਫਿਲਮ 'ਭੇੜੀਆ' ਤੋਂ ਬਾਅਦ ਵਰੁਣ ਨੇ ਫਿਰ ਤੋਂ ਆਪਣੀ ਅਦਾਕਾਰੀ ਨਾਲ ਦਿਲ ਜਿੱਤ ਲਿਆ ਹੈ।
- " class="align-text-top noRightClick twitterSection" data="">
ਫਿਲਮ ਕਦੋਂ ਅਤੇ ਕਿੱਥੇ ਰਿਲੀਜ਼ ਹੋਵੇਗੀ: ਤੁਹਾਨੂੰ ਦੱਸ ਦਈਏ ਜੇਕਰ 'ਬਵਾਲ' ਸਿਨੇਮਾਘਰਾਂ 'ਚ ਰਿਲੀਜ਼ ਹੁੰਦੀ ਹੈ ਤਾਂ ਨਿਤੇਸ਼ ਆਪਣੀ ਫਿਲਮ ਨਾਲ ਅਸਲ 'ਚ ਹੰਗਾਮਾ ਕਰ ਸਕਦੇ ਹਨ। ਪਰ ਇਹ ਫਿਲਮ 21 ਜੁਲਾਈ ਨੂੰ ਅਮੈਜ਼ਨ ਪ੍ਰਾਈਮ 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ।
ਜਾਹਨਵੀ ਨੂੰ ਪਿਛਲੇ ਸਾਲ ਰਿਲੀਜ਼ ਹੋਈ ਫਿਲਮ 'ਮਿਲੀ' ਅਤੇ 'ਗੁੱਡਲੱਕ ਜੈਰੀ' ਵਿੱਚ ਦੇਖਿਆ ਗਿਆ ਸੀ, ਜਾਹਨਵੀ ਆਉਣ ਵਾਲੇ ਦਿਨਾਂ ਵਿੱਚ ਮਿਸਟਰ ਐਂਡ ਮਿਸਿਜ਼ ਮਾਹੀ ਵਿੱਚ ਵੀ ਨਜ਼ਰ ਆਵੇਗੀ ਅਤੇ ਐਨਟੀਆਰ ਜੂਨੀਅਰ-ਸਟਾਰਰ ਦੇਵਰਾ ਵਿੱਚ ਆਪਣੀ ਟਾਲੀਵੁੱਡ ਦੀ ਸ਼ੁਰੂਆਤ ਕਰੇਗੀ, ਜਿਸਦਾ ਨਿਰਦੇਸ਼ਨ ਕੋਰਤਾਲਾ ਸਿਵਾ ਦੁਆਰਾ ਕੀਤਾ ਗਿਆ ਹੈ।
