ਮੁੰਬਈ: ਅਕਸ਼ੈ ਕੁਮਾਰ ਨੇ 1 ਅਗਸਤ ਨੂੰ ਐਲਾਨ ਕੀਤਾ ਸੀ ਕਿ ਉਹ ਆਪਣੀ ਆਉਣ ਵਾਲੀ ਫਿਲਮ OMG 2 ਦਾ ਟ੍ਰੇਲਰ ਅੱਜ 2 ਅਗਸਤ ਨੂੰ ਰਿਲੀਜ਼ ਕਰਨਗੇ। ਪਰ 2 ਅਗਸਤ ਨੂੰ ਹਿੰਦੀ ਸਿਨੇਮਾ ਦੇ ਦਿੱਗਜ਼ ਆਰਟ ਨਿਰਦੇਸ਼ਕ ਨਿਤਿਨ ਦੇਸਾਈ ਦਾ ਦੇਹਾਂਤ ਹੋ ਗਿਆ ਹੈ। ਜਿਸ ਨਾਲ ਬਾਲੀਵੁੱਡ ਵਿੱਚ ਸੋਗ ਦੀ ਲਹਿਰ ਹੈ।
OMG 2 ਦਾ ਟ੍ਰੇਲਰ ਕੀਤਾ ਮੁਲਤਵੀ: ਪੂਰੀ ਫਿਲਮ ਇੰਡਸਟਰੀ ਵਿੱਚ ਨਿਤਿਨ ਦੇਸਾਈ ਦੇ ਦੇਹਾਂਤ ਦਾ ਸੋਗ ਮਨਾਇਆ ਜਾ ਰਿਹਾ ਹੈ। ਦੂਜੇ ਪਾਸੇ ਹੁਣ ਅਕਸ਼ੈ ਕੁਮਾਰ ਨੇ ਵੀ ਨਿਤਿਨ ਦੇਸਾਈ ਦੇ ਦੇਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕਰਦੇ ਹੋਏ ਜਾਣਕਾਰੀ ਦਿੱਤੀ ਹੈ ਕਿ 2 ਅਗਸਤ ਨੂੰ ਰਿਲੀਜ਼ ਹੋਣ ਵਾਲਾ ਉਨ੍ਹਾਂ ਦੀ ਫਿਲਮ OMG 2 ਦਾ ਟ੍ਰੇਲਰ ਅੱਜ ਰਿਲੀਜ਼ ਨਹੀਂ ਹੋਵੇਗਾ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੀ ਫਿਲਮ ਦੇ ਟ੍ਰੇਲਰ ਦੀ ਨਵੀਂ ਤਰੀਕ ਅਤੇ ਸਮੇਂ ਦੀ ਜਾਣਕਾਰੀ ਵੀ ਦਿੱਤੀ ਹੈ।
ਅਕਸ਼ੈ ਕੁਮਾਰ ਨੇ OMG 2 ਦੇ ਟ੍ਰੇਲਰ ਦੀ ਨਵੀਂ ਤਰੀਕ ਅਤੇ ਸਮੇਂ ਦਾ ਕੀਤਾ ਐਲਾਨ: ਅਕਸ਼ੈ ਕੁਮਾਰ ਨੇ ਲਿਖਿਆ, "ਵਿਸ਼ਵਾਸ ਨਹੀਂ ਹੁੰਦਾ, ਨਿਤਿਨ ਦੇਸਾਈ ਦੇ ਦੇਹਾਂਤ ਬਾਰੇ ਸੁਣ ਕੇ ਦੁੱਖ ਹੋਇਆ। ਉਹ ਸਾਡੇ ਸਿਨੇਮਾ ਵਿੱਚ ਪ੍ਰੋਡਕਸ਼ਨ ਡਿਜ਼ਾਈਨ ਦੇ ਨਾਲ-ਨਾਲ ਅਹਿਮ ਮੈਂਬਰ ਵੀ ਸੀ। ਉਨ੍ਹਾਂ ਨੇ ਮੇਰੀਆਂ ਕਈ ਫਿਲਮਾਂ ਲਈ ਕੰਮ ਕੀਤਾ ਹੈ। ਇਹ ਸਾਡੇ ਲਈ ਬਹੁਤ ਵੱਡਾ ਘਾਟਾ ਹੈ, ਆਊਟ ਆਫ਼ ਰਿਸਪੈਕਟ।" ਇਸਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਆਪਣੀ ਫ਼ਿਲਮ OMG 2 ਦਾ ਟ੍ਰੇਲਰ ਅੱਜ ਰਿਲੀਜ਼ ਨਹੀਂ ਕਰ ਰਹੇ ਹਾਂ। ਫਿਲਮ ਦਾ ਟ੍ਰੇਲਰ ਕੱਲ ਸਵੇਰੇ 11 ਵਜੇ ਰਿਲੀਜ਼ ਹੋਵੇਗਾ।
- Nitin C Desai Passes Away: ਇਸ ਮਸ਼ਹੂਰ ਆਰਟ ਨਿਰਦੇਸ਼ਕ ਨੇ ਕੀਤੀ ਖੁਦਕੁਸ਼ੀ, ਬਾਲੀਵੁੱਡ ਦੇ ਇਨ੍ਹਾਂ ਸਿਤਾਰਿਆਂ ਨਾਲ ਕਰ ਚੁੱਕੇ ਸੀ ਕੰਮ
- Karmo Ka Fal: ਅਦਾਕਾਰਾ ਕਰਮ ਕੌਰ ਹਿੰਦੀ ਫ਼ਿਲਮ ‘ਕਰਮੋ ਕਾ ਫ਼ਲ’ 'ਚ ਇਨ੍ਹਾਂ ਸਿਤਾਰਿਆਂ ਨਾਲ ਸਕ੍ਰੀਨ ਸਾਂਝੀ ਕਰਦੀ ਆਵੇਗੀ ਨਜ਼ਰ
- 'ਕੈਰੀ ਆਨ ਜੱਟਾ 3’ ਦੀ ਸਫ਼ਲਤਾ ਨੇ ਪੰਜਾਬੀ ਸਿਨੇਮਾਂ ’ਚ ਵਧਾਈ ਰੌਣਕ, ਨਵੀਆਂ ਫ਼ਿਲਮਾਂ ਰਿਲੀਜ਼ ਹੋਣ ਅਤੇ ਸ਼ੂਟਿੰਗਾਂ ਸ਼ੁਰੂ ਹੋਣ ਦਾ ਵਧਿਆ ਸਿਲਸਿਲਾ
ਨਿਤਿਨ ਦੇਸਾਈ ਨੇ ਕੀਤੀ ਖੁਦਕੁਸ਼ੀ: ਇੱਥੇ ਇਹ ਦੱਸਣਯੋਗ ਹੈ ਕਿ ਨਿਤਿਨ ਦੇਸਾਈ ਨੇ ਅੱਜ 2 ਅਗਸਤ ਨੂੰ ਸਵੇਰੇ 4.30 ਵਜੇ ਕਜਾਰਤ 'ਚ ਐਨਡੀ ਸਟੂਡੀਓ ਵਿੱਚ ਇੱਕ ਪੱਖੇ ਨਾਲ ਲਟਕ ਕੇ ਆਪਣੀ ਜਾਨ ਦੇ ਦਿੱਤੀ। ਉਨ੍ਹਾਂ ਦੇ ਖੁਦਕੁਸ਼ੀ ਕਰਨ ਦਾ ਕਾਰਨ ਆਰਥਿਕ ਤੰਗੀ ਦੇ ਕਾਰਨ ਚਲ ਰਹੇ ਤਣਾਅ ਨੂੰ ਦੱਸਿਆ ਜਾ ਰਿਹਾ ਹੈ। ਨਿਤਿਨ ਚੰਦਰਕਾਂਤ ਦੇਸਾਈ ਸ਼ਾਹਰੁਖ ਖਾਨ ਦੀ ਬਾਦਸ਼ਾਹ (1999) ਅਤੇ ਦੇਵਦਾਸ (2002), ਆਮਿਰ ਖਾਨ ਦੀ ਇਕੱਲੇ ਹਮ ਇਕੱਲੇ ਤੁਮ (1995) ਅਤੇ ਮੇਲਾ (2000) ਅਤੇ ਸਲਮਾਨ ਖਾਨ ਦੀ ਫਿਲਮ ਖਾਮੋਸ਼ੀ ਮਿਊਜੀਕਲ (1995) ਅਤੇ ਹਮ ਦਿਲ ਦੇ ਚੁੱਕੇ ਸਨਮ (1999) ਵਿੱਚ ਬਤੌਰ ਆਰਟ ਨਿਰਦੇਸ਼ਕ ਕੰਮ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦੋਸਤਾਨਾ, ਗਾੱਡ ਤੁਸੀਂ ਗ੍ਰੇਟ ਹੋ, ਧਨ ਧਨਾ ਧਨ ਗੋਲ, ਗਾਂਧੀ ਮਾਈ ਫਾਦਰ, ਲਗੇ ਰਹੋ ਮੁਨਾਭਾਈ, ਮੁਨਾਭਾਈ ਐਮਬੀਬੀਐਸ ਅਤੇ ਦ ਲੀਜੈਂਡ ਆਫ਼ ਭਗਤ ਸਿੰਘ ਵਰਗੀਆਂ ਕਈ ਹਿੱਟ ਫਿਲਮਾਂ ਵਿੱਚ ਆਰਟ ਨਿਰਦੇਸ਼ਕ ਦੇ ਤੌਰ 'ਤੇ ਕੰਮ ਕੀਤਾ ਸੀ। ਦੱਸ ਦਈਏ ਕਿ ਫਿਲਮਾਂ ਦੇ ਸੈੱਟ ਨਿਤਿਨ ਚੰਦਰਕਾਂਤ ਦੇਸਾਈ ਨੇ ਆਪਣੇ ਐਨਡੀ ਸਟੂਡੀਓ 'ਚ ਸੈੱਟ ਕੀਤੇ ਸੀ।
