ਮੁੰਬਈ: ਸਾਰੀਆਂ ਆਲੋਚਨਾਵਾਂ ਦੇ ਬਾਵਜੂਦ ਪ੍ਰਭਾਸ ਅਤੇ ਕ੍ਰਿਤੀ ਸੈਨਨ ਸਟਾਰਰ ਫਿਲਮ ਆਦਿਪੁਰਸ਼ ਨੇ ਤੀਜੇ ਦਿਨ ਆਪਣੇ ਬਾਕਸ ਆਫਿਸ ਕਲੈਕਸ਼ਨ ਵਿੱਚ ਵੱਡੀ ਛਾਲ ਮਾਰੀ ਹੈ। ਫਿਲਮ ਨੇ ਪਹਿਲੇ ਦਿਨ ਧਮਾਕੇਦਾਰ ਕਮਾਈ ਕਰਨ ਤੋਂ ਬਾਅਦ ਰਿਲੀਜ਼ ਦੇ ਦੂਜੇ ਦਿਨ ਘੱਟ ਕਲੈਕਸ਼ਨ ਕੀਤੀ ਸੀ। ਹੁਣ ਇਸ ਫਿਲਮ ਨੇ ਆਪਣੇ ਪਹਿਲੇ ਵੀਕੈਂਡ 'ਤੇ ਬਾਕਸ ਆਫਿਸ 'ਤੇ ਵੱਡੀ ਕਮਾਈ ਕਰਕੇ ਸ਼ਾਹਰੁਖ ਖਾਨ ਦੀ ਹਜ਼ਾਰ ਕਰੋੜ ਦੀ ਫਿਲਮ ਪਠਾਨ ਦਾ ਰਿਕਾਰਡ ਤੋੜ ਦਿੱਤਾ ਹੈ।
ਆਓ ਇੱਕ ਨਜ਼ਰ ਮਾਰਦੇ ਹਾਂ ਫਿਲਮ ਨੇ ਆਪਣੇ ਪਹਿਲੇ ਵੀਕੈਂਡ ਵਿੱਚ ਕਿੰਨੀ ਕਮਾਈ ਕੀਤੀ ਅਤੇ ਇਨ੍ਹਾਂ ਤਿੰਨ ਦਿਨਾਂ ਵਿੱਚ ਫਿਲਮ ਨੇ ਕਿੰਨੀ ਕਮਾਈ ਕੀਤੀ। ਤੁਹਾਨੂੰ ਦੱਸ ਦੇਈਏ ਆਦਿਪੁਰਸ਼ 16 ਜੂਨ ਨੂੰ ਦੇਸ਼ ਅਤੇ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ ਅਤੇ ਹੁਣ 19 ਜੂਨ ਨੂੰ ਰਿਲੀਜ਼ ਦੇ ਚੌਥੇ ਦਿਨ ਚੱਲ ਰਹੀ ਹੈ। ਯਾਨੀ ਫਿਲਮ ਪਹਿਲੇ ਸੋਮਵਾਰ ਨੂੰ ਕਿੰਨਾ ਧਮਾਕਾ ਕਰਦੀ ਹੈ।
- Adipurush Controversy: ਗਾਇਕ ਸੋਨੂੰ ਨਿਗਮ ਨੇ 'ਆਦਿਪੁਰਸ਼' ਵਿਵਾਦ ਨੂੰ ਲੈ ਕੇ ਕੀਤਾ ਟਵੀਟ, ਇਨ੍ਹਾਂ ਦੋ ਭਾਈਚਾਰਿਆਂ ਤੋਂ ਦੇਸ਼ ਨੂੰ ਦੱਸਿਆ ਖਤਰਾ
- Asees Kaur Wedding: ਮਸ਼ਹੂਰ ਗਾਇਕਾ ਅਸੀਸ ਕੌਰ ਨੇ ਆਪਣੇ ਬੁਆਏਫ੍ਰੈਂਡ ਗੋਲਡੀ ਸੋਹੇਲ ਨਾਲ ਕੀਤਾ ਵਿਆਹ, ਦੇਖੋ ਖੂਬਸੂਰਤ ਤਸਵੀਰਾਂ
- Karan Deol Wedding: ਇੱਕ ਦੂਜੇ ਦੇ ਹੋਏ ਕਰਨ ਦਿਓਲ ਅਤੇ ਦ੍ਰਿਸ਼ਾ, ਦੇਖੋ ਵਿਆਹ ਦੀਆਂ ਤਸਵੀਰਾਂ
ਪਹਿਲੇ ਵੀਕੈਂਡ 'ਚ ਫਿਲਮ ਦੀ ਕਮਾਈ: ਤੁਹਾਨੂੰ ਦੱਸ ਦਈਏ ਓਪਨਿੰਗ ਡੇ 'ਤੇ ਦੁਨੀਆ ਭਰ 'ਚ 86.75 ਕਰੋੜ ਰੁਪਏ ਦੀ ਕਮਾਈ ਕਰਨ ਵਾਲੀ ਫਿਲਮ 'ਆਦਿਪੁਰਸ਼' ਨੇ ਤਿੰਨ ਦਿਨਾਂ 'ਚ ਦੁਨੀਆ ਭਰ 'ਚ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਫਿਲਮ ਨੇ ਦੂਜੇ ਦਿਨ 65.25 ਕਰੋੜ ਦੀ ਕਮਾਈ ਕੀਤੀ ਸੀ ਅਤੇ ਤੀਜੇ ਦਿਨ ਫਿਲਮ ਨੇ 67 ਕਰੋੜ ਦੀ ਕਮਾਈ ਕੀਤੀ ਹੈ। ਅਜਿਹੇ 'ਚ ਕਿਹਾ ਜਾ ਰਿਹਾ ਹੈ ਕਿ ਫਿਲਮ ਘਰੇਲੂ ਸਿਨੇਮਾ 'ਚ 200 ਕਰੋੜ ਅਤੇ ਦੁਨੀਆ ਭਰ 'ਚ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ। ਫਿਲਮ ਦੀ ਕਮਾਈ ਦਾ ਅਸਲ ਅੰਕੜਾ ਅਜੇ ਆਉਣਾ ਬਾਕੀ ਹੈ।
ਇਸ ਦੇ ਨਾਲ ਹੀ ਟ੍ਰੇਡ ਐਨਾਲਿਸਟ ਦੇ ਅਨੁਸਾਰ ਆਦਿਪੁਰਸ਼ ਨੇ ਆਪਣੀ ਪਹਿਲੇ ਵੀਕੈਂਡ ਦੀ ਕਮਾਈ ਨਾਲ ਸ਼ਾਹਰੁਖ ਖਾਨ ਦੀ ਮੈਗਾ-ਬਲਾਕਬਸਟਰ ਫਿਲਮ ਪਠਾਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਠਾਨ ਨੇ ਵੀ ਆਪਣੇ ਪਹਿਲੇ ਵੀਕੈਂਡ 'ਤੇ 300 ਕਰੋੜ ਰੁਪਏ ਇਕੱਠੇ ਕੀਤੇ ਪਰ ਕਮਾਈ ਦੇ ਮਾਮਲੇ 'ਚ ਆਦਿਪੁਰਸ਼ ਪਠਾਨ ਤੋਂ ਅੱਗੇ ਚੱਲ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਭਾਸ, ਕ੍ਰਿਤੀ ਸੈਨਨ, ਸੈਫ ਅਲੀ ਖਾਨ, ਸੰਨੀ ਸਿੰਘ ਅਤੇ ਦੇਵਦੱਤ ਨਾਗੇ ਸਟਾਰਰ ਫਿਲਮ ਆਦਿਪੁਰਸ਼ ਦੇ ਡਾਇਲਾਗ ਰਾਈਟਰ ਮਨੋਜ ਮੁੰਤਸ਼ੀਰ ਨੂੰ ਖਰਾਬ ਡਾਇਲਾਗ ਲਿਖਣ ਲਈ ਕਾਫੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
