ਮੁੰਬਈ: ਕਹਿੰਦੇ ਹਨ ਕਿ ਪਤੀ-ਪਤਨੀ ਦਾ ਪਿਆਰ ਅਤੇ ਜ਼ਿੰਦਗੀ ਸੱਤ ਜਨਮਾਂ ਦੇ ਬੰਧਨ 'ਚ ਬੱਝੀ ਰਹਿੰਦੀ ਹੈ। ਪਿਆਰ ਦੇ ਰਿਸ਼ਤੇ 'ਚ ਦੋਵੇਂ ਇਕ-ਦੂਜੇ ਦੇ ਸੁੱਖ-ਦੁੱਖ 'ਚ ਇਕੱਠੇ ਰਹਿੰਦੇ ਹਨ। ਇਸ ਦੀ ਤਾਜ਼ਾ ਮਿਸਾਲ ਦੇਖਣ ਨੂੰ ਮਿਲੀ, ਜਿੱਥੇ ਟੀਵੀ ਅਦਾਕਾਰਾ ਦੀਪਤੀ ਧਿਆਨੀ ਨੇ ਆਪਣੇ ਪਤੀ ਅਭਿਨੇਤਾ ਸੂਰਜ ਥਾਪਰ ਲਈ ਆਪਣਾ ਸਿਰ ਮੁੰਨਵਾਇਆ ਹੈ। ਦੱਸ ਦੇਈਏ ਕਿ ਦੀਪਤੀ ਧਿਆਨੀ ਨੇ ਤਿਰੂਪਤੀ ਬਾਲਾਜੀ ਮੰਦਰ ਵਿੱਚ ਆਪਣੇ ਪਤੀ ਲਈ ਸੁੱਖਣਾ ਸੁਖੀ ਸੀ।
ਦਰਅਸਲ, ਸੂਰਜ ਥਾਪਰ ਦੀ ਸਿਹਤ ਕੋਰੋਨਾ ਸੰਕਟ ਦੌਰਾਨ ਵਿਗੜ ਗਈ ਸੀ। ਇਸ ਕਾਰਨ ਉਨ੍ਹਾਂ ਨੂੰ ਆਈਸੀਯੂ ਵਿੱਚ ਦਾਖ਼ਲ ਕਰਵਾਉਣਾ ਪਿਆ। ਸਭ ਕੁੱਝ ਠੀਕ ਹੋਣ ਤੋਂ ਬਾਅਦ, ਦੀਪਤੀ ਤਿਰੂਪਤੀ ਮੰਦਰ ਗਈ ਅਤੇ ਆਪਣੇ ਵਾਲ ਕੱਟਵਾ ਦਿੱਤੇ। ਸੂਰਜ ਥਾਪਰ ਨੇ ਆਪਣੀ ਪਤਨੀ ਦੀਪਤੀ ਧਿਆਨੀ ਦੇ ਨਵੇਂ ਲੁੱਕ ਦੀ ਫੋਟੋ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਇਸ ਨਾਲ ਹੀ ਦੀਪਤੀ ਧਿਆਨੀ ਨੇ ਵੀ ਤਸਵੀਰ ਸ਼ੇਅਰ ਕਰਦੇ ਹੋਏ ਕਿਊਟ ਕੈਪਸ਼ਨ ਦਿੱਤਾ ਹੈ। ਉਨ੍ਹਾਂ ਲਿਖਿਆ, ‘ਤੇਰੇ ਨਾਮ ਸੂਰਜ ਥਾਪਰ’। ਇਸ ਨਾਲ ਹੀ ਆਪਣੀ ਪਤਨੀ ਦੇ ਇਸ ਪਿਆਰ ਬਾਰੇ ਸੂਰਜ ਨੇ ਕਿਹਾ, ਮੈਂ ਆਪਣੇ ਆਪ ਨੂੰ ਖੁਸ਼ਕਿਸਮਤ ਸਮਝਦਾ ਹਾਂ।
ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਸੂਰਜ ਥਾਪਰ ਨੇ ਕਿਹਾ, 'ਜਦੋਂ ਮੈਂ ਲੀਲਾਵਤੀ ਹਸਪਤਾਲ ਤੋਂ ਘਰ ਵਾਪਸ ਆਇਆ ਤਾਂ ਉਨ੍ਹਾਂ ਨੇ ਮੈਨੂੰ ਆਪਣੀ ਸੁੱਖਣਾ ਬਾਰੇ ਦੱਸਿਆ। ਮੈਂ ਆਪਣੀ ਪਤਨੀ ਦੇ ਸਿਰ ਮੁੰਨਣ ਵਾਲੀ ਗੱਲ ਸੁਣ ਕੇ ਹੈਰਾਨ ਰਹਿ ਗਿਆ। ਜੋ ਵੀ ਹੋਵੇ, ਦੀਪਤੀ ਦੀ ਤਰਜੀਹ ਮੈਨੂੰ ਆਪਣੇ ਪੈਰਾਂ 'ਤੇ ਖੜ੍ਹਾ ਕਰਨਾ ਸੀ। ਉਸ ਨੇ ਮੈਨੂੰ ਦੱਸਿਆ ਕਿ ਮੇਰੀ ਜ਼ਿੰਦਗੀ ਉਸ ਦੇ ਵਾਲਾਂ ਨਾਲੋਂ ਜ਼ਿਆਦਾ ਮਹੱਤਵਪੂਰਨ ਨਹੀਂ ਹੈ।
- " class="align-text-top noRightClick twitterSection" data="
">
ਪਤਨੀ ਬਾਰੇ ਗੱਲ ਕਰਦੇ ਹੋਏ ਅਦਾਕਾਰ ਨੇ ਅੱਗੇ ਕਿਹਾ, ਸੱਚ ਕਹਾਂ ਤਾਂ ਮੈਨੂੰ ਨਹੀਂ ਪਤਾ ਕਿ ਮੈਂ ਕਦੇ ਅਜਿਹਾ ਕਰ ਸਕਾਂਗਾ ਜਾਂ ਨਹੀਂ ਪਰ, ਉਹ ਮੁਸਕਰਾਈ ਅਤੇ ਮੰਦਰ ਵਿੱਚ ਬੈਠ ਗਈ ਅਤੇ ਭਗਵਾਨ ਦਾ ਨਾਮ ਜਪਣ ਲੱਗੀ। ਇਹ ਸਾਡੇ ਦੋਵਾਂ ਲਈ ਖਾਸ ਅਤੇ ਭਾਵੁਕ ਪਲ ਸੀ। ਸੂਰਜ ਨੇ ਅੱਗੇ ਕਿਹਾ, ਆਤਮਵਿਸ਼ਵਾਸ ਨਾਲ ਦੀਪਤੀ ਆਪਣੀ ਨਵੀਂ ਲੁੱਕ ਨੂੰ ਫਲਾਟ ਕਰ ਰਹੀ ਹੈ, ਉਹ ਇਸ ਨਵੇਂ ਲੁੱਕ ਵਿੱਚ ਬਹੁਤ ਖੂਬਸੂਰਤ ਲੱਗ ਰਹੀ ਹੈ।
ਇਹ ਵੀ ਪੜੋ: Last Ride : ਸਿੱਧੂ ਮੂਸੇਵਾਲਾ ਦੀ ਹਵੇਲੀ ਤੋਂ ਅੰਤਿਮ ਵਧਾਈ ਦਾ ਸਫ਼ਰ ਹੋਵੇਗਾ 5911 'ਤੇ
