ਮਾਛੀਵਾੜਾ ਸਾਹਿਬ: ਰੋਪੜ ਰੋਡ਼ 'ਤੇ ਸਥਿਤ ਪੁਰਾਤਨ ਸ਼ਿਵਾਲਾ ਬ੍ਰਹਮਚਾਰੀ ਮੰਦਿਰ, ਜਿਸ ਨੂੰ ਕੁਟੀਆ ਮੰਦਿਰ ਵੀ ਕਿਹਾ ਜਾਂਦਾ ਹੈ। ਜਿਸ ਬਾਰੇ ਮਾਨਤਾ ਹੈ ਕਿ ਪਾਂਡਵਾਂ ਨੇ ਆਪਣੇ ਬਨਵਾਸ ਕਾਲ ਦੇ ਸਮੇਂ ਕੁਝ ਸਮਾਂ ਇਸ ਥਾਂ 'ਤੇ ਬਤੀਤ ਕੀਤਾ ਸੀ। ਉਨ੍ਹਾਂ ਨੇ ਹੀ ਇੱਥੇ ਪੰਜਮੁਖੀ ਸ਼ਿਵਲਿੰਗ ਦੀ ਸਥਾਪਨਾ ਵੀ ਕੀਤੀ। ਇਸੇ ਸਥਾਨ 'ਤੇ ਉਨ੍ਹਾਂ ਨੂੰ ਮਿਲੇ ਵਰਦਾਨ ਮੁਤਾਬਕ ਹਰ ਰੋਜ਼ ਢਾਈ ਪੱਲ ਲਈ ਗੰਗਾ ਆਉਂਦੀ ਸੀ ।
ਕੁਝ ਸਾਲ ਪਹਿਲਾਂ ਤੱਕ ਜਦੋਂ ਅਜੇ ਮਾਛੀਵਾੜਾ ਸਾਹਿਬ ਦੀ ਤਰੱਕੀ ਨੇ ਇਸ ਦੇ ਪਵਿੱਤਰ ਪਾਣੀ ਨੂੰ ਪਲੀਤ ਨਹੀਂ ਕੀਤਾ ਸੀ। ਇੱਥੇ ਆਪਣੇ ਸਗੇ ਸਬੰਧੀਆਂ ਦੀਆਂ ਅਸਥੀਆਂ ਵੀ ਜਲ ਪਰਵਾਹ ਕਰਦੇ ਰਹੇ ਸਨ। ਇਸ ਸਬੰਧੀ ਪ੍ਰਬੰਧਕ ਕਮੇਟੀ ਅਤੇ ਹੋਰ ਲੋਕਾਂ ਨੇ ਜਾਣਕਾਰੀ ਦਿੰਦਿਆਂ ਹੋਇਆਂ ਕਿਹਾ ਕਿ ਇਸ ਪਵਿੱਤਰ ਨਾਲੇ ਵਿੱਚ ਬਣੇ ਸਰੋਵਰ ਵਿੱਚ ਢਾਈ ਪੌੜੀਆਂ ਤੋਂ ਵੱਧ ਦਾ ਨਿਰਮਾਣ ਨਹੀਂ ਹੁੰਦਾ।
ਬੈਂਸ ਨੇ ਡੀਸੀ ਨਾਲ ਬਹਿਸ ਕਰਨ ਦੇ ਮਾਮਲੇ 'ਤੇ ਦਿੱਤੀ ਸਫਾਈ
ਮਹਾਸ਼ਿਵਰਾਤਰੀ ਨੂੰ ਤੇ ਸਾਉਣ ਦੇ ਮਹੀਨੇ ਦੇ 40 ਦਿਨ ਇਸ ਮੰਦਿਰ ਵਿੱਚ ਖ਼ੂਬ ਰੌਣਕ ਰਹਿੰਦੀ ਹੈ। ਸਮੇਂ ਦੀ ਤਬਦੀਲੀ ਨਾਲ ਜਿਸ ਥਾਂ ਗੰਗਾ ਦਾ ਪਵਿੱਤਰ ਜਲ ਵਗਦਾ ਸੀ, ਉਸ ਜਗ੍ਹਾ ਹੁਣ ਸ਼ਹਿਰ ਦਾ ਗੰਦਾ ਪਾਣੀ ਵਗ ਰਿਹਾ ਹੈ। ਸ਼ਹਿਰ ਵਾਸੀਆਂ ਨੇ ਕਿਹਾ ਕਿ ਅਸੀਂ ਕਈ ਵਾਰ ਨਗਰ ਕੌਂਸਲ ਅਤੇ ਸਬੰਧਤ ਅਧਿਕਾਰੀਆਂ ਨੂੰ ਇਸ ਸਬੰਧੀ ਕਹਿ ਚੁੱਕੇ ਹਾਂ ਪਰ ਅਜੇ ਤੱਕ ਕੁਝ ਵੀ ਨਹੀਂ ਹੋਇਆ।
