ਚੰਡੀਗੜ੍ਹ: ਪੰਜਾਬ ਵਿੱਚ ਲਟਕਵੀ ਵਿਧਾਨ ਸਭਾ ਦੀਆਂ ਸੰਭਾਵਨਾਵਾਂ ਨੇ ਲੋਕਾਂ ਦੀ ਨਜ਼ਰ ਭਾਜਪਾ ਵੱਲ ਹੋ ਗਈ ਹੈ। ਹੁਣ ਤਕ ਭਾਜਪਾ ਨੂੰ ਪੰਜਾਬ ਵਿੱਚ ਕਮਜ਼ੋਰ ਪਾਰਟੀ ਵਜੋਂ ਮੰਨਿਆ ਜਾ ਰਿਹਾ ਸੀ, ਪਰ ਪੰਜਾਬ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਦੌਰਿਆ ਤੋਂ ਬਾਅਦ ਰਾਜਨੀਤਕ ਹਾਲਾਤ ਬਦਲੇ ਹਨ, ਹਾਲਾਂਕਿ ਚੋਣ ਨਤੀਜੇ ਹੀ ਭਾਜਪਾ ਦੇ ਪ੍ਰਦਰਸ਼ਨ ਦਾ ਖੁਲਾਸਾ ਕਰਨਗੇ।
ਭਾਜਪਾ ਦਾ ਦਾਅਵਾ
ਭਾਜਪਾ ਦੇ ਪੰਜਾਬ ਆਗੂਆਂ ਦਾ ਦਾਅਵਾ ਹੈ ਕਿ ਪ੍ਰਧਾਨ ਮੰਤਰੀ ਮੋਦੀ ਦੇ ਪੰਜਾਬ ਦੌਰੇ ਦੌਰਾਨ ਐਨਡੀਏ ਦੇ ਉਮੀਦਵਾਰਾਂ ਦਾ ਹੌਸਲਾ ਵਧਿਆ ਅਤੇ ਪਾਰਟੀ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਚੰਗਾ ਪ੍ਰਦਰਸ਼ਨ ਕਰਕੇ ਦਿਖਾਏਗੀ। ਹਾਲਾਂਕਿ ਭਾਜਪਾ ਵਿਰੋਧ ਦੇ ਕਾਰਨ ਦੂਜੀਆਂ ਪਾਰਟੀਆਂ ਇਹ ਦਾਅਵਾ ਕਰਦੀਆਂ ਹਨ ਕਿ ਭਾਜਪਾ ਦਾ ਪੰਜਾਬ ਵਿੱਚ ਵਜੂਦ ਜ਼ਿਆਦਾ ਨਹੀਂ ਹੈ, ਪਰ ਲਟਕਵੀਂ ਵਿਧਾਨ ਸਭਾ ’ਤੇ ਭਾਜਪਾ ਦਾ ਖ਼ੌਫ਼ ਕੁਝ ਹੋਰ ਹੀ ਸੰਦੇਸ਼ ਦੇ ਰਿਹਾ ਹੈ।
ਇਹ ਵੀ ਪੜੋ: ਚੰਡੀਗੜ੍ਹ 'ਚ ਬਿਜਲੀ ਕਾਮਿਆਂ ਦੀ ਹੜਤਾਲ: ਸ਼ਹਿਰ 'ਚ ਛਾਇਆ ਹਨੇਰਾ, ਪੀਜੀਆਈ 'ਚ ਜਨਰੇਟਰ ਸੈੱਟ ਤਿਆਰ
ਭਾਜਪਾ ’ਤੇ ਟੇਕ
ਇਸ ਵਿਧਾਨ ਸਭਾ ਚੋਣ (Punjab Assembly Election 2022) ਤੋਂ ਪਹਿਲਾਂ ਤਕ ਭਾਰਤੀ ਜਨਤਾ ਪਾਰਟੀ, ਅਕਾਲੀ ਦਲ ਦੀ ਛੋਟੀ ਸਹਿਯੋਗੀ ਪਾਰਟੀ ਵਜੋਂ ਚੋਣ ਲੜਦੀ ਆ ਰਹੀ ਸੀ। ਵਿਧਾਨ ਸਭਾ ਦੀਆਂ ਕੁੱਲ 117 ਸੀਟਾਂ ਵਿੱਚੋਂ ਭਾਜਪਾ ਨੂੰ ਹਿੱਸੇ ਵਿੱਚ ਸਿਰਫ਼ 23 ਸੀਟਾਂ ਮਿਲਦੀਆਂ ਰਹੀਆਂ ਹਨ। ਸ਼ਾਇਦ ਇਸੇ ਕਰਕੇ ਹੀ ਪੰਜਾਬ ਵਿੱਚ ਭਾਜਪਾ ਦਾ ਵੋਟ ਫ਼ੀਸਦੀ ਕਦੇ ਵੀ 11 ਫ਼ੀਸਦੀ ਤੋਂ ਉੱਪਰ ਨਹੀਂ ਗਿਆ। 20 ਫਰਵਰੀ ਨੂੰ ਪੰਜਾਬ ਵਿਧਾਨ ਸਭਾ ਲਈ ਹੋਏ ਮਤਦਾਨ ਵਿੱਚ ਘੱਟ ਮਤਦਾਨ ਨੂੰ ਲੈ ਕੇ ਭੰਬਲਭੂਸੇ ਵਾਲੀ ਸਥਿਤੀ ਬਣੀ ਹੋਈ ਹੈ, ਕੋਈ ਵੀ ਪਾਰਟੀ ਇਸ ਗੱਲ ਨੂੰ ਮੰਨ ਨਹੀਂ ਰਹੀ ਕਿ ਘੱਟ ਮਤਦਾਨ ਉਸ ਦੇ ਖਿਲਾਫ਼ ਫ਼ਤਵਾ ਹੈ।
ਹਾਲਾਂਕਿ ਪੰਜਾਬ ਵਿੱਚ ਪਿਛਲੀਆਂ 2017 ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਮੁਕਾਬਲੇ ਇਸ ਵਾਰ ਦੀਆਂ ਚੋਣਾਂ ਵਿੱਚ ਮਤਦਾਨ ਦਾ ਫੀਸਦੀ ਘਟਿਆ ਹੈ। ਪਾਰਟੀਆਂ ਦੇ ਕੇਂਦਰੀ ਅਤੇ ਵੱਡੇ ਆਗੂ ਜਿੱਥੇ ਵੀ ਗਏ ਹਨ, 2 ਕੁ ਥਾਵਾਂ ਨੂੰ ਛੱਡ ਕੇ ਬਾਕੀ ਹਰ ਥਾਂ ਤੇ ਮਤਦਾਨ ਦਾ ਫੀਸਦੀ ਘੱਟ ਰਿਹਾ ਹੈ।
ਮੋਦੀ ਦੀ ਫੇਰੀ ਦਾ ਅਸਰ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 14 , 16 ਅਤੇ 17 ਫਰਵਰੀ ਨੂੰ ਪੰਜਾਬ ਵਿੱਚ ਚੋਣ ਰੈਲੀਆਂ ਨੂੰ ਸੰਬੋਧਿਤ ਕੀਤਾ ਸੀ। 14 ਫਰਵਰੀ ਨੂੰ ਪ੍ਰਧਾਨ ਮੰਤਰੀ ਦੀ ਜਲੰਧਰ ਵਿਖੇ ਹੋਈ ਚੋਣ ਰੈਲੀ ਨੂੰ ਭਰਵਾਂ ਹੁੰਗਾਰਾ ਮਿਲਿਆ ਸੀ, ਪਰ ਜਲੰਧਰ ਜ਼ਿਲ੍ਹੇ ਵਿੱਚ ਵੀ ਮਤਦਾਨ ਦਾ ਫੀਸਦੀ ਘੱਟ ਰਿਹਾ ਹੈ।
ਇਸ ਵਾਰ ਪੰਜਾਬ ਦੇ ਜਲੰਧਰ ਵਿਧਾਨ ਸਭਾ ਹਲਕੇ ਦੀਆਂ 9 ਸੀਟਾਂ 'ਤੇ 8 ਫੀਸਦੀ ਘੱਟ ਵੋਟਿੰਗ ਹੋਈ ਹੈ। 2017 'ਚ 73.16 ਫੀਸਦੀ ਵੋਟਾਂ ਪਈਆਂ ਸਨ, ਪਰ ਇਸ ਵਾਰ ਸਿਰਫ 66.95 ਫੀਸਦੀ ਵੋਟਿੰਗ ਹੋਈ। ਪ੍ਰਸ਼ਾਸਨ ਨੇ ਇਸ ਵਾਰ ਵੋਟਰਾਂ ਨੂੰ ਲੁਭਾਉਣ ਲਈ ਜਿਸ ਤਰ੍ਹਾਂ ਦੀਆਂ ਤਿਆਰੀਆਂ ਕੀਤੀਆਂ ਸਨ, ਨਤੀਜੇ ਉਸ ਮੁਤਾਬਕ ਨਹੀਂ ਆਏ। ਪਿਛਲੀਆਂ ਚੋਣਾਂ ਦੇ ਮੁਕਾਬਲੇ ਇਸ ਵਾਰ ਵਿਧਾਨ ਸਭਾ ਚੋਣਾਂ ਵਿੱਚ ਲੋਕਾਂ ਨੇ ਘੱਟ ਦਿਲਚਸਪੀ ਦਿਖਾਈ ਹੈ।
| ਜ਼ਿਲ੍ਹਾ | 2017 | 2022 |
| ਜਲੰਧਰ | 73.16 ਫੀਸਦ | 66.95 ਫੀਸਦ |
ਇਸੇ ਤਰ੍ਹਾਂ ਪ੍ਰਧਾਨ ਮੰਤਰੀ ਵੱਲੋਂ 16 ਫਰਵਰੀ ਨੂੰ ਪਠਾਨਕੋਟ ਵਿਖੇ ਚੋਣ ਰੈਲੀ ਨੂੰ ਸੰਬੋਧਿਤ ਕੀਤਾ ਗਿਆ। ਪਠਾਨਕੋਟ ਜ਼ਿਲ੍ਹੇ ਦੀਆਂ ਤਿੰਨੋਂ ਸੀਟਾਂ 'ਤੇ 2017 ਤੋਂ ਬਾਅਦ ਮਤਦਾਨ 3 ਫੀਸਦੀ ਤੋਂ ਵੀ ਘੱਟ ਰਿਹਾ ਹੈ। ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੇ ਮੁਕਾਬਲੇ ਘੱਟ ਵੋਟਿੰਗ ਅਤੇ ਲੋਕਾਂ ਦੇ ਰਵੱਈਏ ਕਾਰਨ ਅਜੇ ਸਥਿਤੀ ਸਪੱਸ਼ਟ ਨਹੀਂ ਹੈ।
ਸਿਆਸੀ ਮਾਹਿਰਾਂ ਦਾ ਮੰਨਣਾ ਹੈ ਕਿ ਜ਼ਿਲ੍ਹੇ ਵਿੱਚ ਵੋਟਿੰਗ ਦਾ ਰੁਝਾਨ ਲਗਭਗ ਹਰ ਚੋਣ ਵਿੱਚ ਇੱਕੋ ਜਿਹਾ ਰਹਿੰਦਾ ਹੈ। ਹੋਏ ਮਤਦਾਨ ਜ਼ਿਲ੍ਹੇ ਦੇ 74.69 ਫੀਸਦੀ ਵੋਟਰਾਂ ਨੇ ਆਪਣੀ ਵੋਟ ਪਾਈ, ਜਦਕਿ 25.32 ਫੀਸਦੀ ਵੋਟਰ ਵੋਟਿੰਗ ਤੋਂ ਗੈਰਹਾਜ਼ਰ ਰਹੇ। ਇਸ ਵਾਰ ਜ਼ਿਲ੍ਹੇ ਵਿੱਚ 74.69 ਫ਼ੀਸਦੀ ਮਤਦਾਨ ਦਰਜ ਕੀਤਾ ਗਿਆ ਹੈ ਜਦੋਂ ਕਿ 2017 ਦੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਜ਼ਿਲ੍ਹੇ ਵਿੱਚ 77.61 ਫ਼ੀਸਦੀ ਮਤਦਾਨ ਦਰਜ ਕੀਤਾ ਗਿਆ ਸੀ।
ਵਿਧਾਨ ਸਭਾ ਹਲਕਾ ਪਠਾਨਕੋਟ ਵਿੱਚ 2017 ਵਿੱਚ ਜਿੱਥੇ 76.49 ਫੀਸਦੀ ਵੋਟਾਂ ਪਈਆਂ ਸਨ, ਉਥੇ ਇਸ ਵਾਰ ਹੋਏ ਮਤਦਾਨ ਵਿੱਚ 73.82 ਫੀਸਦੀ ਵੋਟਾਂ ਪਈਆਂ ਸਨ। ਸੁਜਾਨਪੁਰ ਵਿੱਚ 2017 ਵਿੱਚ 79.85 ਫੀਸਦੀ ਵੋਟਾਂ ਪਈਆਂ ਸਨ ਜਦਕਿ ਇਸ ਵਾਰ 76.33 ਫੀਸਦੀ ਵੋਟਾਂ ਪਈਆਂ ਹਨ। ਜਦੋਂ ਕਿ ਭੋਆ ਵਿੱਚ 2017 ਵਿੱਚ 76.52 ਫੀਸਦੀ ਵੋਟਾਂ ਪਈਆਂ ਸਨ ਅਤੇ ਇਸ ਵਾਰ ਸਿਰਫ 73.91 ਫੀਸਦੀ ਵੋਟਾਂ ਹੀ ਪਈਆਂ ਹਨ।
| ਹਲਕਾ | 2017 | 2022 |
| ਪਠਾਨਕੋਟ | 76.49 ਫੀਸਦ | 73.82 ਫੀਸਦ |
| ਸੁਜਾਨਪੁਰ | 79.85 ਫੀਸਦ | 76.33 ਫੀਸਦ |
| ਭੋਆ | 76.52 ਫੀਸਦ | 73.91 ਫੀਸਦ |
ਪ੍ਰਧਾਨਮੰਤਰੀ ਦੀ ਤੀਜੀ ਰੈਲੀ 17 ਫਰਵਰੀ ਨੂੰ ਰਾਜਸਥਾਨ ਦੇ ਨਾਲ ਲੱਗਦੇ ਹਲਕੇ ਅਬੋਹਰ ਵਿੱਚ ਸੀ। ਇੱਥੇ ਵੀ ਮਤਦਾਨ ਦਾ ਫੀਸਦੀ 4.61 ਘੱਟ ਰਿਹਾ ਹੈ। ਪ੍ਰਧਾਨ ਮੰਤਰੀ ਵੱਲੋਂ ਅੱਠ ਫਰਵਰੀ ਨੂੰ ਇਕ ਡਿਜੀਟਲ ਰੈਲੀ ਨੂੰ ਵੀ ਸੰਬੋਧਿਤ ਕੀਤਾ ਗਿਆ ਸੀ।
ਸ਼ਾਹ ਦੀਆਂ ਰੈਲੀਆਂ ਦਾ ਅਸਰ
ਪ੍ਰਧਾਨ ਮੰਤਰੀ ਤੋਂ ਇਲਾਵਾ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀ ਅੰਮ੍ਰਿਤਸਰ, ਲੁਧਿਆਣਾ ਅਤੇ ਪਟਿਆਲਾ ਵਿਖੇ ਚੋਣ ਰੈਲੀਆਂ ਨੂੰ ਸੰਬੋਧਿਤ ਕੀਤਾ ਸੀ। ਅੰਮ੍ਰਿਤਸਰ ਵਿਖੇ ਪੰਜਾਬ ਦੀ ਹਾਟ ਸੀਟ ਮੰਨੀ ਗਈ ਅੰਮ੍ਰਿਤਸਰ ਈਸਟ ‘ਤੇ ਵੀ ਕਰੀਬ 7 ਫ਼ੀਸਦੀ ਮਤਦਾਨ ਪਿਛਲੀ ਚੋਣ ਦੇ ਮੁਕਾਬਲੇ ਘੱਟ ਰਿਹਾ ਹੈ। ਅੰਮ੍ਰਿਤਸਰ ਸੈਂਟਰਲ, ਰਾਜਾਸਾਂਸੀ, ਅੰਮ੍ਰਿਤਸਰ ਵੈਸਟ ਇਨ੍ਹਾਂ ਸਾਰੀਆਂ ਥਾਵਾਂ ’ਤੇ ਹੀ ਮਤਦਾਨ ਦਾ ਫੀਸਦੀ ਘੱਟ ਰਿਹਾ ਹੈ।
ਪਟਿਆਲਾ ਜ਼ਿਲ੍ਹੇ ਵਿੱਚ ਵੀ ਸਥਿਤੀ ਅਜਿਹੀ ਰਹੀ ਜਿੱਥੇ ਕਿ ਪਿਛਲੀ ਵਾਰ ਦੀ ਵਿਧਾਨ ਸਭਾ ਚੋਣ ਦੇ ਮੁਕਾਬਲੇ ਇਸ ਵਾਰ ਮਤਦਾਨ ਦਾ ਫੀਸਦੀ ਕਰੀਬ ਸਾਢੇ ਪੰਜ ਫੀਸਦੀ ਘੱਟ ਰਿਹਾ ਹੈ। ਪਟਿਆਲਾ ਵਿਚ ਇਸ ਵਾਰ 73.1 ਫ਼ੀਸਦੀ ਵੋਟਰਾਂ ਨੇ ਮਤਦਾਨ ਕੀਤਾ ਹੈ।
2017 ਨਾਲੋਂ ਹੋਈ ਘੱਟ ਵੋਟਿੰਗ
ਜੇਕਰ ਅਤੀਤ ਦੀਆਂ ਚੋਣਾਂ ਤੇ ਨਜ਼ਰ ਮਾਰੀ ਜਾਵੇ ਤਾਂ ਅਕਸਰ ਹੀ ਘੱਟ ਮਤਦਾਨ ਦਾ ਅਸਰ ਸੱਤਾ ਵਿਚ ਮੌਜੂਦ ਪਾਰਟੀ ਵਿਰੁੱਧ ਹੁੰਦਾ ਰਿਹਾ ਹੈ, ਪਰ ਜਿਸ ਤਰ੍ਹਾਂ ਦੀਆਂ ਚਰਚਾਵਾਂ ਸਨ ਕਿ ਚੋਣਾਂ ਤੋਂ ਇਕ ਦਿਨ ਪਹਿਲਾਂ ਪੰਜਾਬ ਦੇ ਦੋ ਪ੍ਰਮੁੱਖ ਡੇਰਿਆਂ ਨੇ ਭਾਜਪਾ ਦੀ ਹਮਾਇਤ ਵਿੱਚ ਮਤਦਾਨ ਕਰਨ ਦਾ ਫ਼ੈਸਲਾ ਲਿਆ ਸੀ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਸ ਫ਼ੈਸਲੇ ਨਾਲ ਵੀ ਮਤਦਾਨ ਦਾ ਫੀਸਦੀ ਵਧਿਆ ਅਤੇ ਇਹ ਭਾਜਪਾ ਦੇ ਹੱਕ ਵਿੱਚ ਜ਼ਿਆਦਾ ਗਿਆ।
ਇਸ ਵਾਰ ਕਿਸ ਦੀ ਹਵਾ ਚੱਲ ਰਹੀ ਹੈ ਅਤੇ ਕਿਸ ਦਿਸ਼ਾ ਵਿੱਚ ਚੱਲ ਰਹੀ ਹੈ, ਸਾਰਾ ਦਿਨ ਲੋਕ ਸਮਝ ਨਹੀਂ ਸਕੇ। ਸ਼ਾਮ ਨੂੰ ਜਦੋਂ ਵੋਟਿੰਗ ਪ੍ਰਤੀਸ਼ਤ ਦੇਖੀ ਗਈ ਤਾਂ ਪਿਛਲੀ ਵਾਰ ਦੇ ਮੁਕਾਬਲੇ 6.12 ਫੀਸਦੀ ਘੱਟ ਰਹੀ।
ਸਿਆਸੀ ਆਗੂਆਂ ਦੀ ਰਾਏ
ਪੰਜਾਬ ਭਾਜਪਾ ਦੇ ਪ੍ਰਧਾਨ ਅਸ਼ਵਨੀ ਸ਼ਰਮਾ ਦਾ ਕਹਿਣਾ ਸੀ ਕਿ ਮਤਦਾਨ ਘਟ ਹੋਇਆ ਜਾਂ ਵੱਧ, ਪਰ ਲੋਕਾਂ ਨੇ ਕਾਂਗਰਸ ਅਤੇ ਹੋਰ ਪਾਰਟੀਆਂ ਵਿਰੁਧ ਮਤਦਾਨ ਕੀਤਾ ਹੈ। ਉਹਨਾਂ ਦਾ ਕਹਿਣਾ ਸੀ ਕਿ ਵੋਟਰਾਂ ਨੇ ਅਖੀਰ ਤਕ ਆਪਣੇ ਮਤਦਾਨ ਬਾਰੇ ਭੇਦ ਨਹੀਂ ਖੋਲ੍ਹਿਆ।
ਇਹ ਵੀ ਪੜੋ: Bikram Majithia Drug case: ਮਜੀਠੀਆ ਨੂੰ ਮਿਲੀ ਰਾਹਤ ਅੱਜ ਖ਼ਤਮ, ਕਰਨਾ ਪਵੇਗਾ ਸਰੰਡਰ !
ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਵਿਧਾਇਕ ਹਰਪਾਲ ਸਿੰਘ ਚੀਮਾ ਦਾ ਦਾਅਵਾ ਸੀ ਕਿ ਲੋਕਾਂ ਨੇ ਬਦਲਾਵ ਲਈ ਮਤਦਾਨ ਕੀਤਾ ਹੈ। ਉਹਨਾਂ ਦਾ ਇਹ ਕਹਿਣਾ ਸੀ ਕਿ ਆਮ ਆਦਮੀ ਪਾਰਟੀ ਨੇ ਦਿੱਲੀ ਵਿਚ ਵਧੀਆਂ ਰਾਜ ਦਾ ਉਦਾਹਰਣ ਲੋਕਾਂ ਨੂੰ ਦਿੱਤਾ, ਜਦਕਿ ਹੋਰਾਂ ਪਾਰਟੀਆਂ ਕੋਲ ਅਜਿਹਾ ਦਿਖਾਉਣ ਨੂੰ ਕੁਛ ਵੀ ਨਹੀਂ ਸੀ, ਪਰ ਸੀਨੀਅਰ ਪੱਤਰਕਾਰ ਗੁਰਉਪਦੇਸ਼ ਸਿੰਘ ਭੁੱਲਰ ਦਾ ਕਹਿਣਾ ਸੀ ਕਿ ਅਸਲ ਵਿਚ ਭਾਜਪਾ ਸਾਲ 2024 ਦੀਆਂ ਲੋਕ ਸਭਾ ਚੋਣਾਂ ਦੀ ਲੰਬੀ ਲੜਾਈ ਦੀ ਤਿਆਰੀ ਕਰ ਰਹੀ ਹੈ। ਇਸ ਲਈ ਵੋਟ ਬੈਂਕ ਵਿੱਚ ਵਾਧਾ ਉਸਦਾ ਮਕਸਦ ਹੈ, ਜਿਸ ਵਿਚ ਉਹ ਸਫਲ ਹੁੰਦੀ ਨਜ਼ਰ ਆ ਰਹੀ ਹੈ।
