ਚੰਡੀਗੜ੍ਹ: ਪੰਜਾਬ ਸਰਕਾਰ ਨੇ ਸਕੂਲਾਂ ਵਿੱਚ ਖੇਡ ਬੁਨਿਆਦੀ ਢਾਂਚੇ ਦਾ ਪੱਧਰ ਸੁਧਰਨ ਲਈ ਸੂਬੇ ਦੇ 45 ਸਕੂਲਾਂ ਵਾਸਤੇ 2 ਕਰੋੜ 64 ਲੱਖ ਰੁਪਏ ਤੋਂ ਵੱਧ ਦੀ ਰਾਸ਼ੀ ਜਾਰੀ ਕਰ ਦਿੱਤੀ ਹੈ ਤਾਂ ਜੋ ਸਕੂਲਾਂ ਵਿੱਚ ਨਵੇਂ ਉਭਰ ਰਹੇ ਖਿਡਾਰੀ ਵਧੀਆ ਤਰੀਕੇ ਨਾਲ ਆਪਣੀ ਪ੍ਰੈਕਟਿਸ ਜਾਰੀ ਰੱਖ ਸਕਣ।
ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਸਕੂਲ ਸਿੱਖਿਆ ਵਿਭਾਗ ਦੇ ਇੱਕ ਬੁਲਰੇ ਨੇ ਦੱਸਿਆ ਕਿ ਸਿੱਖਿਆ ਮੰਤਰੀ ਵਿਜੈ ਇੰਦਰ ਸਿੰਗਲਾ ਦੇ ਨਿਰਦੇਸ਼ਾਂ ਤੋਂ ਬਾਅਦ 10 ਜ਼ਿਲ੍ਹਿਆਂ ਦੇ 45 ਸਕੂਲਾਂ ਦੇ ਜਿਮਨੇਜੀਅਮ ਹਾਲਾਂ ਦੀ ਮੁਰੰਮਤ ਲਈ 2, 64,50,113 ਰੁਪਏ ਜਾਰੀ ਕੀਤੇ ਗਏ ਹਨ।
-
#PunjabGovernment released more than ₹ 2.64 Cr to improve sports infrastructure of 45 schools in the state so that the budding players in the schools could continue their practice in a better way.....(1)
— Government of Punjab (@PunjabGovtIndia) December 15, 2020 " class="align-text-top noRightClick twitterSection" data="
">#PunjabGovernment released more than ₹ 2.64 Cr to improve sports infrastructure of 45 schools in the state so that the budding players in the schools could continue their practice in a better way.....(1)
— Government of Punjab (@PunjabGovtIndia) December 15, 2020#PunjabGovernment released more than ₹ 2.64 Cr to improve sports infrastructure of 45 schools in the state so that the budding players in the schools could continue their practice in a better way.....(1)
— Government of Punjab (@PunjabGovtIndia) December 15, 2020
ਬੁਲਾਰੇ ਦੇ ਅਨੁਸਾਰ ਅੰਮ੍ਰਿਤਸਰ ਜ਼ਿਲ੍ਹੇ ਦੇ 6 ਸਕੂਲਾਂ ਲਈ 81,45,000 ਰੁਪਏ, ਫਾਜ਼ਿਲਕਾ ਦੇ ਦੋ ਸਕੂਲਾਂ ਲਈ 9,57,000 ਰੁਪਏ, ਫਿਰੋਜ਼ਪੁਰ ਦੇ 7 ਸਕੂਲਾਂ ਲਈ 52,02,113 ਰੁਪਏ, ਗੁਰਦਾਸਪੁਰ ਦੇ 4 ਸਕੂਲਾਂ ਲਈ 11,76,000 ਰੁਪਏ, ਹੁਸ਼ਿਆਰਪੁਰ ਦੇ 3 ਸਕੂਲਾਂ ਲਈ 17,50,000 ਰੁਪਏ, ਪਟਿਆਲਾ ਦੇ 2 ਸਕੂਲਾਂ ਲਈ 13,23,000 ਰੁਪਏ, ਪਠਾਨਕੋਟ ਦੇ 3 ਸਕੂਲਾਂ ਲਈ 13,70,000 ਰੁਪਏ, ਤਰਨ ਤਾਰਨ ਦੇ 8 ਸਕੂਲਾਂ ਲਈ 43,50,000, ਰੂਪ ਨਗਰ ਦੇ ਇੱਕ ਸਕੂਲ ਲਈ 7,77,000 ਰੁਪਏ, ਜਲੰਧਰ ਦੇ 9 ਸਕੂਲਾਂ ਲਈ 14,00,000 ਰੁਪਏ ਦੀ ਵਿਵਸਥਾ ਕੀਤੀ ਗਈ ਹੈ।
ਬੁਲਾਰੇ ਅਨੁਸਾਰ ਜਿਮਨੇਜੀਅਮਾਂ ਦੀ ਮੁਰੰਮਤ ਦੇ ਕੰਮ ਨੂੰ ਸੁਚੱਜੇ ਢੰਗ ਨਾਲ ਨੇਪਰੇ ਚਾੜ੍ਹਨ ਲਈ ਸਕੂਲਾਂ ਨੂੰ ਪੰਜ ਮੈਂਬਰੀ ਕਮੇਟੀ ਬਨਾਉਣ ਅਤੇ ਸਾਰਾ ਕਾਰਜ ਨਿਰਧਾਰਤ ਨਿਯਮਾਂ ਦੇ ਅਨੁਸਾਰ ਕਰਨ ਲਈ ਆਖਿਆ ਗਿਆ ਹੈ। ਅਧਿਕਾਰੀ ਨੇ ਇਹ ਵੀ ਦੱਸਿਆ ਕਿ ਇਸ ਦਾ ਉਦੇਸ਼ ਸਕੂਲੀ ਖਿਡਾਰੀਆਂ ਨੂੰ ਪ੍ਰੈਕਟਿਸ ਕਰਨ ਲਈ ਵਧੀਆ ਮਹੌਲ ਦੇਣਾ ਹੈ ਤਾਂ ਜੋ ਉਹ ਖੇਡਾਂ ਵਿੱਚ ਆਪਣੀ ਕਾਰਗੁਜਾਰੀ ਨੂੰ ਸੁਧਾਰ ਸਕਣ।
