ਮੁੰਬਈ: ਸ਼ੇਅਰ ਬਾਜ਼ਾਰ (Stock Market) ਅੱਜ ਤੇਜ਼ੀ ਨਾਲ ਖੁੱਲ੍ਹਿਆ ਅਤੇ ਮਜ਼ਬੂਤ ਗਲੋਬਲ ਸੰਕੇਤਾਂ ਕਾਰਨ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦੇਖਣ ਨੂੰ ਮਿਲੀ। ਸੈਂਸੈਕਸ ਅਤੇ ਨਿਫਟੀ (Sensex Nifty) ਦੋਵੇਂ ਅੱਜ ਅੱਧੇ ਫੀਸਦੀ ਤੋਂ ਜ਼ਿਆਦਾ ਵਾਧੇ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ।
ਕਿਵੇਂ ਖੁੱਲ੍ਹਿਆ ਬਾਜ਼ਾਰ: ਅੱਜ ਕਾਰੋਬਾਰ ਦੀ ਸ਼ੁਰੂਆਤ 'ਚ ਬੀਐਸਈ ਦਾ ਸੈਂਸੈਕਸ 299.76 ਅੰਕ ਭਾਵ 0.58 ਫੀਸਦੀ ਦੇ ਵਾਧੇ ਨਾਲ 51,897.60 'ਤੇ ਖੁੱਲ੍ਹਿਆ ਅਤੇ ਐਨਐਸਈ ਦਾ ਨਿਫਟੀ 105.80 ਅੰਕ ਜਾਂ 0.69 ਫੀਸਦੀ ਦੇ ਵਾਧੇ ਨਾਲ 15,455.95 'ਤੇ ਖੁੱਲ੍ਹਿਆ। ਬਾਜ਼ਾਰ ਖੁੱਲ੍ਹਦੇ ਹੀ ਸੈਂਸੈਕਸ ਸ਼ੁਰੂਆਤੀ ਮਿੰਟ 'ਚ ਹੀ 51900 ਨੂੰ ਪਾਰ ਕਰ ਗਿਆ ਹੈ।
ਨਿਫਟੀ ਦੀ ਚੰਗੀ ਸ਼ੁਰੂਆਤ: ਅੱਜ ਦੇ ਵਪਾਰ ਵਿੱਚ, ਨਿਫਟੀ ਦੇ 50 ਵਿੱਚੋਂ 49 ਸਟਾਕ ਹਰੇ ਨਿਸ਼ਾਨ ਦੇ ਨਾਲ ਵਪਾਰ ਕਰ ਰਹੇ ਹਨ ਅਤੇ ਸਿਰਫ ਐਚਯੂਐਲ ਸਟਾਕ 0.09 ਫੀਸਦ ਦੀ ਗਿਰਾਵਟ ਨਾਲ ਵਪਾਰ ਕਰ ਰਿਹਾ ਹੈ। ਅੱਜ ਦੇ ਕਾਰੋਬਾਰ 'ਚ ਬੈਂਕ ਨਿਫਟੀ 'ਚ ਵੀ ਜ਼ਬਰਦਸਤ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਬੈਂਕ ਨਿਫਟੀ 191.95 ਅੰਕ ਜਾਂ 0.59 ਫੀਸਦੀ ਦੇ ਵਾਧੇ ਨਾਲ 32876 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਇਹ ਵੀ ਪੜੋ: Gold and silver rates: ਜਾਣੋ ਪੰਜਾਬ ਵਿੱਚ ਸੋਨਾ-ਚਾਂਦੀ ਦੇ ਰੇਟ
