ਨਵੀਂ ਦਿੱਲੀ: ਫਿਉਚਰ ਰਿਟੇਲ ਨੇ ਬੁੱਧਵਾਰ ਨੂੰ ਕਿਹਾ ਕਿ ਅਮੇਜ਼ਨ ਨੇ ਦਿੱਲੀ ਹਾਈਕੋਰਟ ਦੇ ਉਸ ਹੁਕਮ ਵਿਰੁੱਧ ਸੁਪਰੀਮ ਕੋਰਟ ਵਿੱਚ ਅਰਜੀ ਲਗਾਈ ਹੈ ਜਿਸ ਵਿੱਚ ਸਿੰਗਲ ਜੱਜ ਦੇ ਉਸ ਹੁਕਮ ਤੇ ਰੋਕ ਲਗਾ ਦਿੱਤੀ ਗਈ ਹੈ। ਸਿੰਗਲ ਜੱਜ ਦੇ ਹੁਕਮ ਵਿੱਚ ਫਿਉਚਰ ਰਿਟੇਲ ਲਿ. ਨੂੰ ਆਪਣੇ ਕਾਰੋਬਾਰ 24,713 ਕਰੋੜ ਰੁਪਏ ਵਿੱਚ ਰਿਲਾਇੰਸ ਰਿਟੇਲ ਨੂੰ ਵੇਚਣ ਦੇ ਸੌਦੇ ਤੇ ਕਦਮ ਅੱਗੇ ਵਧਾਉਣ ਤੋਂ ਰੋਕਿਆ ਗਿਆ ਸੀ।
ਫਿਊਚਰ ਰਿਟੇਲ ਨੇ ਸ਼ੇਅਰ ਬਾਜਾਰ ਨੂੰ ਦਿੱਤੀ ਸੂਚਨਾ ਵਿੱਚ ਕਿਹਾ ਕਿ ਕੰਪਨੀ ਦੇ ਵਕੀਲਾਂ ਨੂੰ 13 ਅਪ੍ਰੈਲ,2021 ਨੂੰ ਅਮੈਜ਼ਨ ਡਾਟ ਕਾਮ ਦੇ ਵਕੀਲ ਐਨਵੀ ਇੰਨਵੈਸਟੀਮੈਂਟ ਹੋਲਡਿੰਗਜ ਐਲਐਲਸੀ ਤੋਂ ਸੂਚਨਾ ਮਿਲੀ ਹੈ ਕਿ ਉਸਨੇ ਦਿੱਲੀ ਹਾਈਕੋਰਟ ਦੇ ਬੈਂਚ ਦੇ 22 ਮਾਰਚ,2021 ਨੂੰ ਜਾਰੀ ਕੀਤੇ ਗਏ ਹੁਕਮ ਦੇ ਵਿਰੁੱਧ ਪਟੀਸ਼ਨ ਦਾਇਰ ਕੀਤੀ ਹੈ। ਫਿਊਚਰ ਰਿਟੇਲ ਨੇ ਕਿਹਾ ਕਿ ਉਹ ਆਪਣੇ ਵਕੀਲਾਂ ਰਾਹੀਂ ਕੇਸ ਲੜਨਗੇ ਅਤੇ ਆਪਣਾ ਕੇਸ ਪੇਸ਼ ਕਰਨਗੇ।
ਧਿਆਨਯੋਗ ਹੈ ਕਿ ਹਾਈਕੋਰਟ ਨੇ 22 ਮਾਰਚ ਨੂੰ ਸਿੰਗਲ ਜੱਜ ਨੂੰ ਆਦੇਸ਼ ਤੇ ਰੋਕ ਲਗਾ ਦਿੱਤੀ ਸੀ। ਅਦੇਸ਼ ਵਿੱਚ ਫਿਊਚਰ ਰਿਟੇਲ ਨੂੰ ਰਿਲਾਇੰਸ ਰਿਟੇਲ ਨਾਲ ਆਪਣਾ ਕਾਰੋਬਾਰ ਵੇਚਣ ਦੇ ਸਮਝੋਤੇ ਤੇ ਕਦਮ ਚੁੱਕਣ ਤੋਂ ਮਨ੍ਹਾਂ ਕਰ ਦਿੱਤਾ ਸੀ। ਸਮਝੋਤੇ ਨੂੰ ਲੈ ਕੇ ਅਮਰੀਕਾ ਦੀ ਈ-ਕਾਮਰਸ ਕੰਪਨੀ ਨੇ ਅਮੈਜ਼ਾਨ ਤੇ ਇਤਰਾਜ ਜਤਾਇਆ।ਸਿੰਗਲ ਜੱਜ ਨੇ ਅਮੇਜ਼ਨ ਦੀ ਪਟੀਸ਼ਨ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ। ਪਟੀਸ਼ਨ ਵਿੱਚ ਸਿੰਗਾਪੁਰ ਐਮਰਜੈਂਸੀ ਦੀ ਅਦਾਲਤ ਦੇ ਫੈਸਲੇ ਨੂੰ ਲਾਗੂ ਕਰਨ ਲਈ ਇੱਕ ਨਿਰਦੇਸ਼ ਦੀ ਮੰਗ ਕੀਤੀ ਗਈ ਸੀ।ਐਮਰਜੈਂਸੀ ਦੀ ਅਦਾਲਤ ਨੇ 25 ਅਕਤੂਬਰ 2020 ਨੂੰ ਆਪਣੇ ਫੈਸਲੇ ਵਿੱਚ ਫਿਊਚਰ ਰਿਟੇਲ ਨੂੰ ਰਿਲਾਇੰਸ ਰਿਟੇਲ ਨਾਲ 24,713 ਕਰੋੜ ਰੁਪਏ ਦਾ ਸੌਦਾ ਕਰਨ ਦੀ ਆਗਿਆ ਨਹੀਂ ਦਿੱਤੀ ਸੀ।
