ਵਾਸ਼ਿੰਗਟਨ: ਯੂਰਪ ਅਤੇ ਅਮਰੀਕੀ ਵਿੱਚ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਵਿੱਚ ਵਾਧੇ ਦੇ ਨਾਲ ਦੁਨੀਆ ਭਰ ਦੀ ਹਵਾਬਾਜ਼ੀ ਕੰਪਨੀਆਂ ਦੀ ਵਿੱਤੀ ਹਾਲਾਤ ਖ਼ਰਾਬ ਹੋ ਰਹੇ ਹਨ। ਹਵਾਬਾਜ਼ੀ ਕੰਪਨੀਆਂ ਦੇ ਇੱਕ ਸੰਗਠਨ ਨੇ ਕਿਹਾ ਕਿ ਮਹਾਂਮਾਰੀ ਕਾਰਨ ਇਸ ਸਾਲ ਅਤੇ ਆਉਣ ਵਾਲੇ ਸਾਲ ਵਿੱਚ ਉਦਯੋਗ ਨੂੰ 157 ਅਰਬ ਅਮਰੀਕੀ ਡਾਲਰ ਤੋਂ ਵਧ ਦਾ ਨੁਕਸਾਨ ਹੋਵੇਗਾ।
ਇੰਟਰਨੈਸ਼ਨਲ ਏਅਰ ਟਰਾਂਸਪੋਰਟ ਐਸੋਸੀਏਸ਼ਨ ਦਾ ਇਹ ਭਵਿੱਖਬਾਣੀ ਉਨ੍ਹਾਂ ਵੱਲੋਂ ਜੂਨ ਵਿੱਚ ਜਤਾਏ ਗਏ 100 ਅਰਬ ਡਾਲਰ ਦੇ ਨੁਕਸਾਨ ਦੇ ਮੁਤਾਬਕ ਤੋਂ ਵੱਧ ਹੈ। ਤਾਜ਼ਾ ਅਨੁਮਾਨਾਂ ਮੁਤਾਬਕ ਹਵਾਬਾਜ਼ੀ ਕੰਪਨੀਆਂ ਨੂੰ ਇਸ ਸਾਲ ਪ੍ਰਤੀ ਯਾਤਰੀ 66 ਡਾਲਰ ਤੋਂ ਵੱਧ ਦਾ ਘਾਟਾ ਹੋਵੇਗਾ।
ਹਾਲਾਕਿ ਵਪਾਰ ਸਮੂਹ ਨੂੰ ਅੱਗੇ ਤੇਜ਼ੀ ਨਾਲ ਸੁਧਾਰ ਹੋਣ ਦੀ ਉਮੀਦ ਹੈ। ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦਾ ਟੀਕਾ ਆਉਣ ਤੋਂ ਬਾਅਦ ਯਾਤਰਾ ਵਧੇਗੀ ਜਿਸ ਦੇ ਚਲਦੇ ਹਵਾਬਾਜ਼ੀ ਕੰਪਨੀਆਂ 2021 ਦੀ ਚੌਥਾਈ ਤਿਮਾਹੀ ਤੋਂ ਮੁਨਾਫੇ ਵਿੱਚ ਆਉਣ ਲੱਗੇਗੀ।
ਸੰਗਠਨ ਨੇ ਦੁਨੀਆ ਭਰ ਦੀ ਸਰਕਾਰਾਂ ਨੂੰ ਕਿਹਾ ਹੈ ਕਿ ਟੀਕਾ ਆਉਣ ਦਾ ਇੰਤਜ਼ਾਰ ਕਰਨ ਦੀ ਥਾਂ ਜੋ ਲੋਕ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਨਹੀਂ ਹਨ ਉਨ੍ਹਾਂ ਨੂੰ ਯਾਤਰਾ ਕਰਨ ਦੀ ਇਜ਼ਾਜਤ ਦਿੱਤੀ ਜਾਵੇ।
ਸੰਘ ਦੇ ਪ੍ਰਮੁੱਖ ਅਲੈਗਜ਼ੈਂਡਰੇ ਡੀ ਜੂਨੀਯਾਨ ਨੇ ਕਿਹਾ ਕਿ ਅਸੀ ਉਸ ਟੀਕੇ ਦਾ ਇੰਤਜ਼ਾਰ ਨਹੀਂ ਕਰ ਸਕਦੇ ਜੋ 2021 ਦੇ ਮੱਧ ਤੋਂ ਪਹਿਲਾਂ ਪੂਰੀ ਤਰ੍ਹਾਂ ਉਪੱਲਬਧ ਨਹੀਂ ਹੋਵੇਗਾ।"
ਉਨ੍ਹਾਂ ਕਿਹਾ ਕਿ ਯਾਤਰਿਆਂ ਦਾ ਕੋਵਿਡ-19 ਟੈਸਟਿੰਗ ਕਰਨ ਤੋਂ ਬਾਅਦ ਨੈਗੇਟਿਵ ਲੋਕਾਂ ਨੂੰ ਹਵਾਈ ਯਾਤਰਾ ਦੀ ਇਜ਼ਾਜਤ ਦੇਣੀ ਚਾਹੀਦਾ ਹੈ।
