ਚੰਡੀਗੜ੍ਹ: ਮੁੱਖ ਮੰਤਰੀ ਪੰਜਾਬ ਨੇ ਉੱਘੇ ਪੰਜਾਬੀ ਨਾਵਲਕਾਰ ਜਸਵੰਤ ਸਿੰਘ ਕੰਵਲ ਲਈ 5 ਲੱਖ ਦੀ ਵਿੱਤੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ। ਵਡੇਰੀ ਉਮਰ ਕਰ ਕੇ ਜਸਵੰਤ ਸਿੰਘ ਦੀ ਸਿਹਤ ਨਾਸਾਜ਼ ਚੱਲ ਰਹੀ ਹੈ।
ਮੁੱਖ ਮੰਤਰੀ ਦਫ਼ਤਰ ਦੇ ਬੁਲਾਰੇ ਨੇ ਦੱਸਿਆ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਮੋਗਾ ਦੇ ਡਿਪਟੀ ਕਮਿਸ਼ਨਰ ਨੂੰ ਖ਼ਾਸ ਤੌਰ 'ਤੇ ਹਿਦਾਇਤ ਦਿੱਤੀ ਹੈ ਕਿ ਉਹ ਜਸਵੰਤ ਸਿੰਘ ਦੇ ਪਿੰਡ ਢੁੱਡੀਕੇ ਜਾ ਕੇ ਖ਼ੁਦ ਉਨ੍ਹਾਂ ਨੂੰ ਇਮਦਾਦ ਦੇਣ। ਇਸ ਦੇ ਨਾਲ ਹੀ ਕਿਹਾ ਕਿ ਜਸਵੰਤ ਸਿੰਘ ਨੂੰ ਲੌਂੜੀਦੀ ਮੈਡੀਕਲ ਸਹਾਇਤਾ ਦਿੱਤੀ ਜਾਵੇ।
-
.@capt_amarinder announces assistance of Rs. 5 lakh for ailing eminent Punjabi novelist Jaswant Singh Kanwal, who is suffering from age related illness. pic.twitter.com/GrSrLdARBv
— RaveenMediaAdvPunCM (@RT_MediaAdvPbCM) July 2, 2019 " class="align-text-top noRightClick twitterSection" data="
">.@capt_amarinder announces assistance of Rs. 5 lakh for ailing eminent Punjabi novelist Jaswant Singh Kanwal, who is suffering from age related illness. pic.twitter.com/GrSrLdARBv
— RaveenMediaAdvPunCM (@RT_MediaAdvPbCM) July 2, 2019.@capt_amarinder announces assistance of Rs. 5 lakh for ailing eminent Punjabi novelist Jaswant Singh Kanwal, who is suffering from age related illness. pic.twitter.com/GrSrLdARBv
— RaveenMediaAdvPunCM (@RT_MediaAdvPbCM) July 2, 2019
ਕੌਣ ਹੈ ਜਸਵੰਤ ਸਿੰਘ ਕੰਵਲ ?
ਲੰਬੀ ਉਮਰ ਹੰਢਾਉਣ ਵਾਲੇ ਜਸਵੰਤ ਸਿੰਘ ਦਾ ਜਨਮ 27 ਜੂਨ 1919 ਨੂੰ ਮੋਗਾ ਜ਼ਿਲ੍ਹੇ ਦੇ ਪਿੰਡ ਢੁੱਡੀਕੇ ਵਿੱਚ ਹੋਇਆ ਸੀ। ਜਸਵੰਤ ਕੰਵਲ ਨੇ ਅੰਗਰੇਜ਼ ਸਾਸ਼ਨ ਦੌਰਾਨ ਹੀ ਲਿਖਣਾ ਸ਼ੁਰੂ ਕਰ ਦਿੱਤਾ ਸੀ ਜਿਸ ਕਰਕੇ ਉਸ ਨੇ ਅੰਗਰੇਜ਼ ਰਾਜ ਤੋਂ ਇਲਾਵਾ ਆਜ਼ਾਦੀ ਤੋਂ ਬਾਅਦ ਆਈਆਂ ਸਰਕਾਰਾਂ ਨੂੰ ਵੀ ਬੜੇ ਨੇੜੇ ਤੋਂ ਵੇਖਿਆ ਹੈ।
ਕੰਵਲ ਆਪਣੀਆਂ ਕਹਾਣੀਆਂ ਤੇ ਨਾਵਲਾਂ ਵਿੱਚ ਪੰਜਾਬ ਦੇ ਕਿਸਾਨਾਂ ਦੀ ਗਾਥਾ ਸਹੀ ਜਜ਼ਬਾਤੀ ਰੂਪ ਵਿੱਚ ਬਿਆਨ ਕੀਤੀ ਹੈ। ਕੰਵਲ ਦੀ ਜ਼ਿੰਦਗੀ ਦਾ ਦਿਲਚਸਪ ਪੱਖ ਇਹ ਹੈ ਕਿ ਉਨ੍ਹਾਂ ਦਾ ਸਮੁੱਚਾ ਸਾਹਿਤ ਬੇਹੱਦ ਹਰਮਨਪਿਆਰਾ ਹੋਇਆ ਹੈ। ਜਸਵੰਤ ਸਿੰਘ ਦਾ ਪਹਿਲਾ ਨਾਵਲ ਸੱਚ ਨੂੰ ਫ਼ਾਂਸੀ ਸੀ ਜੋ ਬਹੁਤ ਹਰਮਨ ਪਿਆਰਾ ਹੋਇਆ। ਇਸ ਤੋਂ ਇਲਾਵਾ ਪੂਰਨਮਾਸ਼ੀ, ਲੋਕ ਧਾਰਾ ,ਹਾਣੀ, ਮਨੁੱਖਤਾ ਅਤੇ ਲਹੂ ਦੀ ਲੋਹ ਵਰਗੇ ਨਾਵਲ ਵੀ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣੇ।
ਇੱਥੇ ਇਹ ਜ਼ਿਕਰ ਕਰਨਾ ਬਣਦਾ ਹੈ ਕਿ ਜਸਵੰਤ ਸਿੰਘ ਦੀ ਉਮਰ ਸੈਕੜਾਂ ਪਾਰ ਕਰ ਚੁੱਕੀ ਹੈ ਇਸ ਦੌਰਾਨ ਜਸਵੰਤ ਸਿੰਘ ਨੇ 100 ਤੋਂ ਵੱਧ ਕਿਤਾਬਾਂ ਲਿਖ ਕੇ ਅਮੀਰ ਪੰਜਾਬੀ ਵਿਰਸੇ ਨੂੰ ਹੋਰ ਅਮੀਰ ਕਰਨ 'ਚ ਵਡਮੁੱਲਾ ਯੋਗਦਾਨ ਪਾਇਆ ਹੈ।
