ਹੈਦਰਾਬਾਦ: ਭਾਰਤੀ ਸੰਸਦ ਦੇ ਮਾਨਸੂਨ ਸੈਸ਼ਨ ਦੀ ਸ਼ੁਰੂਆਤ ਸੋਮਵਾਰ ਨੂੰ ਭਾਰੀ ਹੰਗਾਮੇ ਨਾਲ ਹੋਈ। ਇਜਲਾਸ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਪੈਗਾਸਸ ਰਾਹੀਂ ਜਾਸੂਸੀ ਦਾ ਅਜਿਹਾ ਮੁੱਦਾ ਸਾਹਮਣੇ ਆਇਆ ਹੈ। ਜਿਸ ਨੇ ਰਾਜਨੀਤਿਕ ਭੁਚਾਲ ਪੈਦਾ ਕਰ ਦਿੱਤਾ ਹੈ। ਵਿਰੋਧੀ ਧਿਰ ਸੰਸਦ ਵਿੱਚ ਇਸ ਮੁੱਦੇ ‘ਤੇ ਵਿਚਾਰ ਵਟਾਂਦਰੇ 'ਤੇ ਅੜੀ ਹੈ। ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ ਸਰਕਾਰ 'ਤੇ ਚੁਟਕੀ ਲੈਂਦਿਆਂ ਕਿਹਾ ਕਿ ਸਾਨੂੰ ਪਤਾ ਹੈ, ਕਿ ਉਹ ਤੁਹਾਡੇ ਫੋਨ ਤੋਂ ਸਭ ਕੁਝ ਪੜ੍ਹ ਰਹੇ ਹਨ। ਦਰਅਸਲ ਉਸ ਦਾ ਨਿਸ਼ਾਨਾ ਪੇਗਾਸਸ ਦੁਆਰਾ ਜਾਸੂਸੀ ਕਰਨ ਦੇ ਇਲਜ਼ਾਮਾਂ 'ਤੇ ਸੀ।
ਦਰਅਸਲ ਇੱਕ ਅੰਤਰਰਾਸ਼ਟਰੀ ਮੀਡੀਆ ਸੰਗਠਨ ਨੇ ਖੁਲਾਸਾ ਕੀਤਾ ਹੈ, ਕਿ ਇਜ਼ਰਾਈਲ ਦੇ ਖੁਫੀਆ ਸਾਫਟਵੇਅਰ ਪੈਗਾਸਸ ਦੇ ਜ਼ਰੀਏ, ਭਾਰਤ ਦੇ ਦੋ ਕੇਂਦਰੀ ਮੰਤਰੀਆਂ, 40 ਤੋਂ ਵੱਧ ਪੱਤਰਕਾਰਾਂ, ਤਿੰਨ ਵਿਰੋਧੀ ਲੀਡਰਾਂ ਅਤੇ ਇੱਕ ਜੱਜ ਸਣੇ 300 ਲੋਕਾਂ ਦੀ ਜਾਸੂਸੀ ਕੀਤੀ ਗਈ ਸੀ। ਪੇਗਾਸਸ ਸਪਾਈਵੇਅਰ ਨੂੰ ਵਿਕਸਤ ਕਰਨ ਵਾਲੀ ਇੱਕ ਕੰਪਨੀ ਐੱਨ.ਐੱਸ.ਓ. ਇਜ਼ਰਾਈਲ ਦੀ ਹੈ। ਕੰਪਨੀ ਦਾ ਦਾਅਵਾ ਹੈ, ਕਿ ਉਹ ਸਿਰਫ਼ ਇਹ ਸੌਫਟਵੇਅਰ ਸਰਕਾਰੀ ਤੌਰ 'ਤੇ ਸਰਕਾਰਾਂ ਨੂੰ ਵੇਚਦਾ ਹੈ।
ਇਸ ਦਾ ਉਦੇਸ਼ ਅੱਤਵਾਦ ਅਤੇ ਅਪਰਾਧ ਨੂੰ ਰੋਕਣਾ ਹੈ। ਸਵਾਲ ਇਹ ਹੈ, ਕਿ ਭਾਰਤ ਸਰਕਾਰ ਨੇ ਇਹ ਸੌਫਟਵੇਅਰ ਐੱਨ.ਐੱਸ.ਓ. ਤੋਂ ਖਰੀਦਿਆ ਸੀ ਕਿ ਨਹੀਂ। ਹਾਲਾਂਕਿ ਗਾਰਡੀਅਨ ਅਖਬਾਰ ਦਾ ਕਹਿਣਾ ਹੈ, ਕਿ ਐੱਨ.ਐੱਸ.ਓ. ਨੇ ਇਹ ਸਾਫਟਵੇਅਰ ਕਈ ਦੇਸ਼ਾਂ ਦੀਆਂ ਸਰਕਾਰਾਂ ਨੂੰ ਵੇਚ ਦਿੱਤਾ ਹੈ। ਇਸ ਸੌਫਟਵੇਅਰ ਰਾਹੀਂ 50 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਜਾਸੂਸੀ ਕੀਤੀ ਜਾ ਰਹੀ ਹੈ।
28 ਨਵੰਬਰ 2019 ਨੂੰ ਦਿਗਵਿਜੇ ਸਿੰਘ ਨੇ ਰਾਜ ਸਭਾ ਵਿੱਚ ਸਰਕਾਰ ਤੋਂ ਪੈੱਗਸਸ ਬਾਰੇ ਪ੍ਰਸ਼ਨ ਪੁੱਛੇ ਸਨ। 18 ਜੁਲਾਈ ਨੂੰ ਵੀ ਉਸ ਨੇ ਇਸ ਬਾਰੇ ਟਵੀਟ ਕਰਕੇ ਸਰਕਾਰ ‘ਤੇ ਜਾਸੂਸੀ ਦਾ ਇਲਜ਼ਾਮ ਲਾਇਆ ਸੀ।
ਭਾਜਪਾ ਦੇ ਰਾਜ ਸਭਾ ਮੈਂਬਰ ਸੁਬਰਾਮਨੀਅਮ ਸਵਾਮੀ ਨੇ ਖ਼ੁਦ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਇਹ ਬੁੱਧੀਮਾਨ ਹੋਵੇਗਾ, ਜੇਕਰ ਗ੍ਰਹਿ ਮੰਤਰੀ ਨੇ ਸੰਸਦ ਨੂੰ ਦੱਸਿਆ, ਕਿ ਮੋਦੀ ਸਰਕਾਰ ਦਾ ਇਜ਼ਰਾਈਲੀ ਕੰਪਨੀ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ। ਜਿਸ ਨੇ ਸਾਡੇ ਟੈਲੀਫੋਨ ਟੈਪ ਕੀਤੇ। ਨਹੀਂ ਤਾਂ ਸੱਚ ਵਾਟਰ ਗੇਟ ਵਾਂਗ ਸਾਹਮਣੇ ਆਵੇਗਾ ਅਤੇ ਹਲਾਲ ਦੇ ਜ਼ਰੀਏ ਭਾਜਪਾ ਨੂੰ ਨੁਕਸਾਨ ਪਹੁੰਚਾਏਗਾ।
ਪੈਗਾਸਸ ਸਪਾਈਵੇਅਰ ਕੀ ਹੈ?
ਪੇਗਾਸਸ ਇੱਕ ਸ਼ਕਤੀਸ਼ਾਲੀ ਸਪਾਈਵੇਅਰ ਸਾਫਟਵੇਅਰ ਹੈ। ਜੋ ਮੋਬਾਈਲ ਅਤੇ ਕੰਪਿਊਟਰ ਤੋਂ ਗੁਪਤ ਅਤੇ ਨਿੱਜੀ ਜਾਣਕਾਰੀ ਚੋਰੀ ਕਰਦਾ ਹੈ। ਇਸ ਨੂੰ ਹੈਕਰਾਂ ਤੱਕ ਪਹੁੰਚਾਉਂਦਾ ਹੈ। ਇਸ ਨੂੰ ਸਪਾਈਵੇਅਰ ਕਿਹਾ ਜਾਂਦਾ ਹੈ।
ਇਹ ਸਾਫਟਵੇਅਰ ਤੁਹਾਡੇ ਫੋਨ ਰਾਹੀਂ ਤੁਹਾਡੇ 'ਤੇ ਜਾਸੂਸੀ ਕਰਦਾ ਹੈ। ਇਜ਼ਰਾਈਲੀ ਕੰਪਨੀ ਐੱਨ.ਐੱਸ.ਓ. ਸਮੂਹ ਦਾ ਦਾਅਵਾ ਹੈ, ਕਿ ਉਹ ਇਹ ਪੂਰੀ ਦੁਨੀਆ ਦੀਆਂ ਸਰਕਾਰਾਂ ਨੂੰ ਪ੍ਰਦਾਨ ਕਰਦਾ ਹੈ। ਇਸ ਨਾਲ ਆਈ.ਓ.ਐੱਸ ਜਾਂ ਐਂਡਰਾਇਡ ਓਪਰੇਟਿੰਗ ਸਿਸਟਮ ਨਾਲ ਚੱਲ ਰਹੇ ਫੋਨਾਂ ਨੂੰ ਹੈਕ ਕੀਤਾ ਜਾ ਸਕਦਾ ਹੈ। ਫਿਰ ਇਹ ਹਰ ਗਤੀਵਿਧੀ ਦਾ ਪਤਾ ਲਗਾਉਂਦਾ ਹੈ। ਜਿਸ ਵਿੱਚ ਫੋਨ ਡਾਟਾ, ਈ-ਮੇਲ, ਕੈਮਰਾ, ਕਾਲ ਰਿਕਾਰਡ ਅਤੇ ਫੋਟੋਆਂ ਸ਼ਾਮਲ ਹਨ।
ਇਹ ਵੀ ਪੜ੍ਹੋ:ਪੈਗਾਸਸ 'ਤੇ ਰਾਜਨੀਤੀ: ਕਾਂਗਰਸ ਨੇ ਸ਼ਾਹ ਦੇ ਅਸਤੀਫੇ ਦੀ ਕੀਤੀ ਮੰਗ ਕਿਹਾ, ਮੋਦੀ ਦੀ ਵੀ ਹੋਵੇ ਜਾਂਚ
