ਪ੍ਰਯਾਗਰਾਜ/ਉੱਤਰ ਪ੍ਰਦੇਸ਼: ਅਤੀਕ ਅਹਿਮਦ ਗੈਂਗ ਨਾਲ ਜੁੜੇ ਖੌਫਨਾਕ ਮੁਲਜ਼ਮ ਅਸਦ ਕਾਲੀਆ ਨੂੰ ਪੁਲਿਸ ਟੀਮ ਨੇ ਬੁੱਧਵਾਰ ਨੂੰ ਗ੍ਰਿਫਤਾਰ ਕਰ ਲਿਆ। ਮੁਹੰਮਦ ਅਸਦ ਉਰਫ਼ ਅਸਦ ਕਾਲੀਆ ਵਜੋਂ ਜਾਣੇ ਜਾਂਦੇ ਇਸ ਬਦਮਾਸ਼ ਦੀ ਪੁਲਿਸ ਕਾਫੀ ਸਮੇਂ ਤੋਂ ਭਾਲ ਕਰ ਰਹੀ ਸੀ। ਅਸਦ ਵੀ ਅਤੀਕ ਗੈਂਗ ਨਾਲ ਜੁੜਿਆ ਰਿਹਾ ਹੈ। ਉਹ ਦੋ ਮਾਮਲਿਆਂ ਵਿੱਚ ਲੋੜੀਂਦਾ ਹੋਣ ਤੋਂ ਬਾਅਦ ਫ਼ਰਾਰ ਸੀ। ਉਸ ਨੂੰ ਪੁਲਿਸ ਨੇ ਲੋੜੀਂਦਾ ਐਲਾਨ ਕਰ ਕੇ ਉਸ ’ਤੇ 25 ਹਜ਼ਾਰ ਦਾ ਇਨਾਮ ਰੱਖਿਆ ਸੀ। ਇਸ ਦੇ ਨਾਲ ਹੀ, ਉਸ 'ਤੇ ਐਲਾਨੇ ਗਏ ਇਨਾਮ ਦੀ ਰਕਮ ਵਧਾ ਕੇ 50 ਹਜ਼ਾਰ ਕਰ ਦਿੱਤੀ ਗਈ। ਅਸਦ ਕਾਲੀਆ ਨੂੰ ਬੁੱਧਵਾਰ ਨੂੰ ਕਰੇਲੀ ਥਾਣਾ ਖੇਤਰ 'ਚ ਪੁਲਿਸ ਨੇ ਘੇਰ ਕੇ ਕਾਬੂ ਕਰ ਲਿਆ। ਸਹੀ ਸੂਚਨਾ ਮਿਲਣ ਤੋਂ ਬਾਅਦ ਹੀ ਪੁਲਿਸ ਟੀਮ ਅਸਦ ਕਾਲੀਆ ਨੂੰ ਘੇਰਨ ਲਈ ਪਹੁੰਚ ਗਈ ਸੀ। ਪੁਲਿਸ ਨੇ ਅਸਦ ਨੂੰ ਫੜਨ ਤੋਂ ਬਾਅਦ ਉਸ ਦੇ ਕਬਜ਼ੇ 'ਚੋਂ ਇਕ ਪਿਸਤੌਲ ਅਤੇ ਕਈ ਕਾਰਤੂਸ ਬਰਾਮਦ ਕੀਤੇ।
ਕਾਲੀਆ ਨੂੰ ਭੇਜਿਆ ਜੇਲ੍ਹ: ਪੁਲਿਸ ਨੇ ਅਸਦ ਕਾਲੀਆ ਨੂੰ ਫੜਨ ਲਈ ਤਲਾਸ਼ ਤੇਜ਼ ਕਰ ਦਿੱਤੀ ਸੀ। ਪੁਲਿਸ ਦੇ ਨਾਲ ਐਸਟੀਐਫ ਦੀ ਟੀਮ ਨੇ ਵੀ ਅਸਦ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਅਸਦ ਕਾਲੀਆ ਕਾਫੀ ਸਮੇਂ ਤੋਂ ਫਰਾਰ ਸੀ। ਉਮੇਸ਼ ਪਾਲ ਕਤਲ ਕਾਂਡ ਤੋਂ ਬਾਅਦ ਇਸ ਵਾਰਦਾਤ ਨੂੰ ਅੰਜਾਮ ਦੇਣ 'ਚ ਸਹਾਇਕ ਵਜੋਂ ਅਸਦ ਦਾ ਨਾਂ ਵੀ ਸਾਹਮਣੇ ਆਇਆ ਸੀ। ਉਦੋਂ ਤੋਂ ਪੁਲਿਸ ਲਗਾਤਾਰ ਉਸ ਦੀ ਭਾਲ ਕਰ ਰਹੀ ਸੀ। ਇੰਨਾ ਹੀ ਨਹੀਂ, ਪੁਲਿਸ ਦੇ ਨਾਲ-ਨਾਲ ਐਸਟੀਐਫ ਦੀ ਟੀਮ ਵੀ ਡੇਢ ਮਹੀਨੇ ਤੋਂ ਉਸ ਦੀ ਭਾਲ ਕਰ ਰਹੀ ਸੀ, ਪਰ ਲਗਾਤਾਰ ਆਪਣਾ ਟਿਕਾਣਾ ਬਦਲਣ ਕਾਰਨ ਉਹ ਪੁਲਿਸ ਦੇ ਹੱਥ ਨਹੀਂ ਆ ਰਿਹਾ ਸੀ। ਉਸੇ ਸਮੇਂ, ਪੁਲਿਸ ਟੀਮ ਨੂੰ ਬੁੱਧਵਾਰ ਨੂੰ ਸਹੀ ਸੂਚਨਾ ਮਿਲੀ ਸੀ ਕਿ ਅਸਦ ਕਾਲੀਆ ਪ੍ਰਯਾਗਰਾਜ ਪਹੁੰਚਿਆ ਹੈ। ਇਸ ਤੋਂ ਬਾਅਦ ਪੁਲਿਸ ਨੇ ਘੇਰਾਬੰਦੀ ਕਰ ਕੇ ਛਾਪਾ ਮਾਰਿਆ ਅਤੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਨੇ ਉਸ ਨੂੰ ਕਾਨੂੰਨੀ ਕਾਰਵਾਈ ਕਰਨ ਤੋਂ ਬਾਅਦ ਜੇਲ੍ਹ ਭੇਜ ਦਿੱਤਾ ਹੈ।
ਕਾਲੀਆ ਅਤੀਕ ਦਾ ਕਰੀਬੀ: ਡੀਸੀਪੀ ਸਿਟੀ ਦੀਪਕ ਭੁਕਰ ਦਾ ਕਹਿਣਾ ਹੈ ਕਿ ਗ੍ਰਿਫ਼ਤਾਰ ਕੀਤਾ ਗਿਆ ਮੁਲਜ਼ਮ ਖ਼ੌਫ਼ਨਾਕ ਅਪਰਾਧੀ ਹੈ ਅਤੇ ਉਸ ਖ਼ਿਲਾਫ਼ ਕਰਨਲਗੰਜ ਦੇ ਨਾਲ-ਨਾਲ ਧੂਮਨਗੰਜ ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ, ਉਸ 'ਤੇ 50 ਹਜ਼ਾਰ ਰੁਪਏ ਦਾ ਇਨਾਮ ਵੀ ਐਲਾਨਿਆ ਗਿਆ ਸੀ। ਸੂਤਰਾਂ ਤੋਂ ਪਤਾ ਲੱਗਾ ਕਿ ਅਸਦ ਕਾਲੀਆ ਨੂੰ ਅਤੀਕ ਅਹਿਮਦ ਕਾਫੀ ਮੰਨਦਾ ਸੀ। ਲੋਕ ਅਤੀਕ ਅਤੇ ਅਸਦ ਤੋਂ ਬਹੁਤ ਡਰਦੇ ਸਨ। ਪੁਲਿਸ ਉਮੇਸ਼ ਪਾਲ ਕਤਲ ਕਾਂਡ ਦੇ ਫਰਾਰ ਸ਼ੂਟਰਾਂ ਸਾਬਿਰ, ਅਰਮਾਨ ਅਤੇ ਗੁੱਡੂ ਬੰਬਾਜ਼ ਨੂੰ ਅਸਦ ਕਾਲੀਆ ਰਾਹੀਂ ਲੱਭਣ ਦੀ ਕੋਸ਼ਿਸ਼ ਕਰੇਗੀ। ਜਦੋਂ ਪੁਲਿਸ ਅਸਦ ਕਾਲੀਆ ਨੂੰ ਰਿਮਾਂਡ 'ਤੇ ਲੈ ਕੇ ਉਸ ਤੋਂ ਉਮੇਸ਼ ਪਾਲ ਕਤਲ ਕਾਂਡ ਬਾਰੇ ਜਾਣਕਾਰੀ ਹਾਸਲ ਕਰੇਗੀ। ਘਟਨਾ ਵਿੱਚ ਉਸ ਦੀ ਕੀ ਭੂਮਿਕਾ ਸੀ। ਪੁਲਿਸ ਇਸ ਗੱਲ ਦੀ ਜਾਣਕਾਰੀ ਹਾਸਲ ਕਰਨ ਦੀ ਕੋਸ਼ਿਸ਼ ਕਰੇਗੀ ਕਿ ਉਸ ਨੇ ਇਸ ਘਟਨਾ ਵਿੱਚ ਗਿਰੋਹ ਦੀ ਮਦਦ ਕਰਨ ਦੀ ਭੂਮਿਕਾ ਕਿਵੇਂ ਨਿਭਾਈ।
ਇਹ ਵੀ ਪੜ੍ਹੋ: Naroda Patiya Massacre Case: ਨਰੋਦਾ ਦੰਗਿਆਂ 'ਤੇ 21 ਸਾਲ ਬਾਅਦ ਵਿਸ਼ੇਸ਼ ਅਦਾਲਤ ਅੱਜ ਸੁਣਾ ਸਕਦੀ ਐ ਫੈਸਲਾ
