ਹੈਦਰਾਬਾਦ : ਅਸਮਾਨ ਨੂੰ ਛੂਹਣ ਵਾਲੀਆਂ ਤੇ ਉੱਚੀਆਂ ਇਮਾਰਤਾਂ ਦੀਆਂ ਉਪਰਲੀਆਂ ਮੰਜ਼ਲਾਂ ਵਿੱਚ ਜਾਣਾ ਤੇ ਜ਼ਮੀਨ ਵੱਲ ਵੇਖਣਾ ਆਪਣੇ ਆਪ ਵਿੱਚ ਇੱਕ ਬਹੁਤ ਹੀ ਰੋਮਾਂਚਕ ਅਨੁਭਵ ਹੈ। ਕਈ ਸੌ ਮੀਟਰ ਦੀ ਉਚਾਈ ਤੋਂ ਹੇਠਾਂ ਵੇਖਣਾ ਵੀ ਜਿਨ੍ਹਾਂ ਡਰਾਵਨਾ ਹੁੰਦਾ ਹੈ, ਉਨ੍ਹਾਂ ਹੀ ਰੋਮਾਂਚਕਾਰੀ ਵੀ ਹੁੰਦਾ ਹੈ। ਅਜਿਹੀਆਂ ਉੱਚੀਆਂ ਇਮਾਰਤਾਂ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ। ਦਸ ਮੰਜ਼ਿਲਾਂ ਤੋਂ ਉੱਚੀਆਂ ਇਮਾਰਤਾਂ ਨੂੰ ਸਕਾਈਸਕ੍ਰੈਪਰ ਕਿਹਾ ਜਾਂਦਾ ਹੈ।
3 ਸਤੰਬਰ ਨੂੰ ਵਿਸ਼ਵ ਭਰ 'ਚ ਸਕਾਈਸਕ੍ਰੈਪਰਸ ਡੇਅ ਮਨਾਇਆ ਜਾਂਦਾ ਹੈ। ਦੁਨੀਆ ਦੀ ਪਹਿਲੀ ਸਕਾਈ ਸਕ੍ਰੈਪਰ ਬਿਲਡਿੰਗ ਸ਼ਿਕਾਗੋ ਹੋਮ ਇੰਸ਼ੋਰੈਂਸ ਬਿਲਡਿੰਗ ਸੀ. ਇਸ ਗਗਨਚੁੰਬੀ ਇਮਾਰਤ ਦਿਵਸ 'ਤੇ, ਅਸੀਂ ਤੁਹਾਨੂੰ ਦੁਨੀਆ ਦੀਆਂ ਕੁਝ ਵਿਸ਼ੇਸ਼ ਉੱਚੀਆਂ ਇਮਾਰਤਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਆਪਣੇ ਆਪ ਵਿੱਚ ਬਹੁਤ ਖ਼ਾਸ ਹਨ ਤੇ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹਨ।
ਬੁਰਜ ਖਲੀਫਾ
ਬੁਰਜ ਖਲੀਫਾ, ਦੁਬਈ ਵਿੱਚ 2010 ਵਿੱਚ ਬਣਾਇਆ ਗਿਆ ਸੀ। ਇਹ ਦੁਨੀਆ ਦੀ ਸਭ ਤੋਂ ਉੱਚੀਆਂ ਇਮਾਰਤਾਂ ਚੋਂ ਇੱਕ ਹੈ। ਇਹ ਇਮਾਰਤ ਦੂਰਦਰਸ਼ੀ ਵਿਚਾਰ ਤੇ ਵਿਗਿਆਨ ਦਾ ਸੰਪੂਰਨ ਸੁਮੇਲ ਹੈ। ਬੁਰਜ ਖਲੀਫਾ ਦਾ ਨਾਂਅ ਸਭ ਤੋਂ ਉੱਚੀ ਫ੍ਰੀਸਟੈਂਡਿੰਗ ਇਮਾਰਤ, ਸਭ ਤੋਂ ਤੇਜ਼ ਤੇ ਸਭ ਤੋਂ ਲੰਬੀ ਲਿਫਟ, ਸਭ ਤੋਂ ਉੱਚੀ ਮਸਜਿਦ, ਸਭ ਤੋਂ ਉੱਚਾ ਸਵੀਮਿੰਗ ਪੂਲ ਅਤੇ ਸਭ ਤੋਂ ਉੱਚਾ ਰੈਸਟੋਰੈਂਟ ਦੇ ਲਈ ਵੀ ਜਾਣਿਆ ਜਾਂਦਾ ਹੈ। ਇਸ ਦੀ ਲੰਬਾਈ 828 ਮੀਟਰ ਹੈ। ਇਸ ਦੀਆਂ 163 ਮੰਜ਼ਿਲਾਂ ਹਨ। ਘਰ ਦੇ ਦਫਤਰ, ਸ਼ਾਪਿੰਗ ਮਾਲ, ਹੋਟਲ ਤੋਂ ਇਲਾਵਾ, 30 ਏਕੜ ਵਿੱਚ ਬਣੀ ਇੱਕ ਝੀਲ ਵੀ ਹੈ। ਇਸ ਇਮਾਰਤ ਦੇ ਨਿਰਮਾਣ 'ਤੇ ਲਗਭਗ 97 ਅਰਬ ਰੁਪਏ ਖਰਚ ਹੋਏ ਹਨ। ਇਮਾਰਤ ਦਾ ਨਿਰਮਾਣ 2004 ਵਿੱਚ ਸ਼ੁਰੂ ਹੋਇਆ ਸੀ। ਇਸ ਦਾ ਉਦਘਾਟਨ 2010 ਵਿੱਚ ਕੀਤਾ ਗਿਆ ਸੀ। ਦੁਬਈ ਦੇ ਡਾਊਨ ਟਾਊਨ ਵਿੱਚ ਸਥਿਤ ਇਮਾਰਤ ਨੂੰ 2010 ਵਿੱਚ ਜਨਤਾ ਲਈ ਖੋਲ੍ਹਿਆ ਗਿਆ ਸੀ। ਇਸ ਦਾ ਨਾਂਅ ਯੂਏਈ ਦੇ ਰਾਸ਼ਟਰਪਤੀ, ਖਲੀਫਾ ਬਿਨ ਜਾਇਦ ਅਲ ਨਾਹਯਾਨ ਦੇ ਨਾਮ 'ਤੇ ਰੱਖਿਆ ਗਿਆ ਹੈ। ਇਹ ਇਮਾਰਤ ਇਸਲਾਮਿਕ ਆਰਕੀਟੈਕਚਰ ਦੀ ਵਧੀਆ ਉਦਾਹਰਣ ਪੇਸ਼ ਕਰਦਾ ਹੈ।
ਸ਼ੰਘਾਈ ਟਾਵਰ
ਚੀਨ ਦੇ ਸ਼ੰਘਾਈ ਵਿੱਚ 2015 ਵਿੱਚ ਬਣੀ ਇਹ ਇਮਾਰਤ 632 ਮੀਟਰ ਲੰਬੀ ਹੈ। ਇਸ ਦੀਆਂ 128 ਮੰਜ਼ਿਲਾਂ ਹਨ।ਸ਼ੰਘਾਈ ਟਾਵਰ ਨੂੰ ਬਣਾਉਣ ਵਿੱਚ ਲਗਭਗ 2.4 ਬਿਲੀਅਨ ਡਾਲਰ ਦੀ ਲਾਗਤ ਆਈ ਹੈ। ਇਸ ਇਮਾਰਤ ਦਾ ਨਿਰਮਾਣ 2008 ਵਿੱਚ ਸ਼ੁਰੂ ਹੋਇਆ ਸੀ। ਇਸ ਦਾ ਡਿਜ਼ਾਈਨ ਅਮਰੀਕੀ ਕੰਪਨੀ ਗੇਂਸਲਰ ਨੇ ਤਿਆਰ ਕੀਤਾ ਹੈ। ਚੀਨ ਦਾ ਸ਼ੰਘਾਈ ਟਾਵਰ ਦੁਬਈ ਦੀ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ਤੋਂ ਲਗਭਗ 200 ਮੀਟਰ ਛੋਟਾ ਹੈ। ਪਿਛਲੇ ਸਾਲ, ਇਮਾਰਤ ਦੇ ਨਾਲ ਲੱਗਦੀ ਜ਼ਮੀਨ 'ਤੇ ਦਰਾਰਾਂ ਦੇਖਣ ਤੋਂ ਬਾਅਦ ਇਸ ਦੇ ਢਹਿ ਜਾਣ ਬਾਰੇ ਚਿੰਤਾ ਪ੍ਰਗਟ ਕੀਤੀ ਗਈ ਸੀ। ਇਹ ਇਮਾਰਤ ਵਿਗਿਆਨ ਦਾ ਸ਼ਾਨਦਾਰ ਨਮੂਨਾ ਹੈ।
ਮੱਕਾ ਰਾਇਲ ਕਲਾਕ ਟਾਵਰ
ਇਹ ਟਾਵਰ ਸਾਊਦੀ ਅਰਬ ਦੇ ਵਿਸ਼ਵ ਪ੍ਰਸਿੱਧ ਮੱਕਾ ਸ਼ਹਿਰ ਵਿੱਚ ਹੈ। 1,972 ਫੁੱਟ ਉੱਚਾ ਇਹ ਟਾਵਰ ਸਾਲ 2012 ਵਿੱਚ ਬਣਾਇਆ ਗਿਆ ਸੀ। ਇੱਕ ਜਰਮਨ ਆਰਕੀਟੈਕ ਕੰਪਨੀ ਨੇ ਇਸ ਇਮਾਰਤ ਦੇ ਉੱਪਰ 120 ਵੀਂ ਮੰਜ਼ਲ ਉੱਤੇ ਇੱਕ ਕਲਾਕ ਟਾਵਰ ਬਣਾਇਆ ਹੈ, ਜੋ ਕਿ ਰਾਤ ਨੂੰ ਕਈ ਕਿਲੋਮੀਟਰ ਦੂਰ ਤੋਂ ਵੀ ਅਸਾਨੀ ਨਾਲ ਦਿਖਾਈ ਦਿੰਦਾ ਹੈ। ਇਹ ਹਰੇ ਰੰਗ ਦਾ ਬੁਰਜ ਤੁਹਾਨੂੰ ਰਾਤ ਨੂੰ ਇੱਕ ਰੋਮਾਂਚਕ ਅਨੁਭਵ ਦਿੰਦਾ ਹੈ।
ਵਨ ਵਰਲਡ ਟ੍ਰੇਡ ਸੈਂਟਰ
ਅਮਰੀਕੀ ਇਤਿਹਾਸ 'ਚ ਸਭ ਤੋਂ ਵੱਡਾ ਅੱਤਵਾਦੀ ਹਮਲਾ ਝੱਲਣ ਵਾਲੇ ਵਨ ਵਰਲਡ ਟ੍ਰੇਡ ਸੈਂਟਰ ਦਾ ਸਥਾਨ 'ਤੇ ਵਨ ਵਰਲਡ ਟ੍ਰੇਡ ਸੈਂਟਰ ਦਾ ਆਬਸਰਵੇਸ਼ ਡੈਕ ਮੀਡੀਆ ਦੇ ਲਈ ਖੋਲ੍ਹਿਆ ਗਿਆ ਹੈ। ਵਨ ਵਰਲਡ ਟ੍ਰੇਡ ਸੈਂਟਰ104 ਮੰਜ਼ਿਲਾ ਉੱਚੀ ਇਮਾਰਤ ਹੈ।ਇਸ ਇਮਾਰਤ ਤੋਂ 80 ਕਿਲੋਮੀਟਰ ਤੱਕ ਦਾ ਦ੍ਰਿਸ਼ ਦਿਖਾਈ ਦਿੰਦਾ ਹੈ। ਡੈਕ 'ਤੇ ਇਕ ਵੱਡਾ ਵਿਸਤਾਰਕ ਗਲਾਸ ਹੈ। ਇਹ ਹੇਠਾਂ ਤੋਂ ਇੱਕ ਵਧੀਆ ਦ੍ਰਿਸ਼ ਦਿੰਦਾ ਹੈ। ਹਾਈ ਸਪੀਡ ਲਿਫਟ ਰਾਹੀਂ ਜ਼ਮੀਨੀ ਮੰਜ਼ਲ ਤੋਂ ਡੈਕ ਤੱਕ ਜਾਣ ਵਿੱਚ 47 ਸਕਿੰਟ ਲੱਗਦੇ ਹਨ। 2014 ਵਿੱਚ ਨਿਊਯਾਰਕ ਵਿੱਚ ਬਣਾਇਆ ਗਿਆ ਇਹ 541 ਮੀਟਰ ਉੱਚਾ ਵਪਾਰਕ ਕੇਂਦਰ ਅਮਰੀਕਾ ਦੀ ਸਭ ਤੋਂ ਉੱਚੀ ਇਮਾਰਤ ਹੈ। ਇਸ ਦੀ ਟਿਕਟ ਦੀ ਕੀਮਤ 2030 ਰੁਪਏ ਹੈ। ਇੱਥੋਂ ਤੁਸੀਂ ਨਿਊਯਾਰਕ, ਮੈਨਹਟਨ, ਸਟੈਚੂ ਆਫ਼ ਲਿਬਰਟੀ, ਬਰੁਕਲਿਨ ਬ੍ਰਿਜ, ਐਂਪਾਇਰ ਸਟੇਟ ਬਿਲਡਿੰਗ ਅਤੇ ਗਰਾਊਡ ਜ਼ੀਰੋ ਮੈਮੋਰੀਅਲ ਨੂੰ ਸਪਸ਼ਟ ਤੌਰ 'ਤੇ ਵੇਖ ਸਕਦੇ ਹੋ।
ਤਾਈਪੇ 101
ਨੀਲੀ-ਹਰੀ ਕੱਚ ਦੀਆਂ ਕੰਧਾਂ ਦੇ ਨਾਲ 509 ਮੀਟਰ ਦੀ ਉਚਾਈ ਦੇ ਨਾਲ, ਤਾਈਪੇਈ 101 ਦੁਨੀਆ ਦੀ ਸਭ ਤੋਂ ਉੱਚੀ ਹਰੀ ਇਮਾਰਤ ਹੈ। ਇਸ ਨੂੰ ਲੀਡਰਸ਼ਿਪ ਇਨ ਐਨਰਜੀ ਐਂਡ ਐਨਵਾਇਰਮੈਂਟਲ ਡਿਜ਼ਾਈਨ ਅਵਾਰਡ ਵੀ ਮਿਲਿਆ ਹੈ। 508 ਮੀਟਰ ਉੱਚੀ ਅਤੇ 101 ਮੰਜ਼ਲਾਂ ਦੀ ਇਸ ਇਮਾਰਤ ਵਿੱਚ ਜ਼ਿਆਦਾਤਰ ਦਫ਼ਤਰ ਹਨ। ਰਾਤ ਨੂੰ ਹਰੀ ਲਾਈਟ ਵਿੱਚ ਰੋਸ਼ਨ ਹੋਈ ਇਸ ਇਮਾਰਤ ਦੀ ਖੂਬਸੂਰਤੀ ਵੇਖਣਯੋਗ ਹੈ। ਕਈ ਕਿਲੋਮੀਟਰ ਦੂਰ ਤੋਂ, ਇਹ ਇਮਾਰਤ ਹਰੀ ਰੋਸ਼ਨੀ ਵਿੱਚ ਨਹਾਉਂਦੀ ਵਿਖਾਈ ਦਿੰਦੀ ਹੈ।
