ਝਾਰਖੰਡ/ਰਾਂਚੀ: ਕੇਰਲ ਪੁਲਿਸ ਨੇ ਰਾਂਚੀ ਦੇ ਸੁਖਦੇਵਨਗਰ ਤੋਂ ਚਾਰ ਸਾਈਬਰ ਅਪਰਾਧੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫਤਾਰ ਕੀਤੇ ਗਏ ਚਾਰ ਦੋਸ਼ੀਆਂ ਨੇ ਲਾਟਰੀ ਦੇ ਨਾਂ 'ਤੇ 1.12 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਹੈ। ਕੇਰਲ ਪੁਲਿਸ ਸਾਰੇ ਗ੍ਰਿਫਤਾਰ ਕੀਤੇ ਅਪਰਾਧੀਆਂ ਨੂੰ ਆਪਣੇ ਨਾਲ ਲੈ ਕਿ ਜਾਵੇਗੀ।
4 ਸਾਈਬਰ ਅਪਰਾਧੀ ਗ੍ਰਿਫਤਾਰ: ਤੁਹਾਨੂੰ ਦੱਸ ਦੇਈਏ ਕਿ ਕੇਰਲ ਦੇ ਏਰਨਾਕੁਲਮ ਥਾਣੇ ਦੀ ਪੁਲਿਸ ਰਾਂਚੀ ਪਹੁੰਚੀ। ਇੱਥੇ ਸੁਖਦੇਵਨਗਰ ਪੁਲਿਸ ਦੀ ਮਦਦ ਨਾਲ ਚਾਰ ਸਾਈਬਰ ਅਪਰਾਧੀਆਂ ਨੂੰ ਫੜਿਆ ਗਿਆ। ਗ੍ਰਿਫਤਾਰ ਕੀਤੇ ਗਏ ਦੋਸ਼ੀਆਂ 'ਚ ਬਿਹਾਰ ਦੇ ਨਵਾਦਾ ਜ਼ਿਲੇ ਦੇ ਵਾਰਿਸਲੀਗੰਜ ਨਿਵਾਸੀ ਜੋਤਿਸ਼ ਕੁਮਾਰ, ਮੋਹਨ ਕੁਮਾਰ, ਅਜੀਤ ਕੁਮਾਰ ਅਤੇ ਰਾਂਚੀ ਦੇ ਸੁਖਦੇਵਨਗਰ ਥਾਣਾ ਖੇਤਰ ਦੇ ਇਰਗੁ ਟੋਲੀ ਨਿਵਾਸੀ ਨੀਰਜ ਕੁਮਾਰ ਸ਼ਾਮਲ ਹਨ। ਪੁਲਿਸ ਨੇ ਇਨ੍ਹਾਂ ਮੁਲਜ਼ਮਾਂ ਕੋਲੋਂ 45 ਏਟੀਐਮ ਕਾਰਡ, 23 ਸਮਾਰਟ ਫ਼ੋਨ, 30 ਬੈਂਕ ਪਾਸਬੁੱਕ, 1 ਲੱਖ ਰੁਪਏ ਨਕਦ ਅਤੇ ਇੱਕ ਮਹਿੰਗੀ ਬਾਈਕ ਅਤੇ ਕਾਰ ਬਰਾਮਦ ਕੀਤੀ ਹੈ।
ਪੁੱਛਗਿੱਛ ਦੌਰਾਨ ਹੋਇਆ ਖੁਲਾਸਾ: ਪੁਲਿਸ ਨੇ ਚਾਰਾਂ ਸਾਈਬਰ ਅਪਰਾਧੀਆਂ ਤੋਂ ਪੁੱਛਗਿੱਛ ਕੀਤੀ। ਮੁਲਜ਼ਮਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਇੱਕ ਸਾਲ ਤੋਂ ਇਰਗੁ ਟੋਲੀ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਹੇ ਹਨ। ਪੁੱਛਗਿੱਛ ਦੌਰਾਨ ਮੁਲਜ਼ਮਾਂ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੇ ਗਿਰੋਹ ਦੇ ਮੈਂਬਰ ਝਾਰਖੰਡ ਸਮੇਤ ਪੂਰੇ ਦੇਸ਼ ਵਿੱਚ ਹਨ। ਥਾਣਾ ਇੰਚਾਰਜ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਏਰਨਾਕੁਲਮ ਪੁਲਸ ਚਾਰਾਂ ਮੁਲਜ਼ਮਾਂ ਨੂੰ ਆਪਣੇ ਨਾਲ ਲੈ ਕਿ ਜਾਵੇਗੀ।
- 20 YEARS OF IMPRISONMENT: ਹੈਦਰਾਬਾਦ 'ਚ ਧੀ ਦਾ ਜਿਨਸੀ ਸੋਸ਼ਣ ਕਰਨ ਵਾਲੇ ਪਿਤਾ ਨੂੰ ਅਦਾਲਤ ਨੇ ਸੁਣਾਈ 20 ਸਾਲ ਦੀ ਸਜ਼ਾ
- Lover Attcak On Girl : ਬੇਵਫਾਈ ਦੇ ਇਲਜ਼ਾਮ ਲਾਉਂਦੇ ਪ੍ਰੇਮੀ ਨੇ ਨਰਸਿੰਗ ਵਿਦਿਆਰਥਣ ਦਾ ਵੱਢਿਆ ਗਲਾ, ਵੀਡੀਓ ਵਾਇਰਲ
- Female Constables Permission Change Gender: ਯੂਪੀ ਦੀਆਂ ਪੰਜ ਮਹਿਲਾ ਕਾਂਸਟੇਬਲਾਂ ਨੇ ਡੀਜੀਪੀ ਤੋਂ ਲਿੰਗ ਬਦਲਣ ਦੀ ਮੰਗੀ ਇਜਾਜ਼ਤ
ਜਾਅਲੀ ਦਸਤਾਵੇਜ਼ਾਂ ਨਾਲ ਖੋਲ੍ਹਦੇ ਸਨ ਖਾਤੇ: ਸਾਈਬਰ ਠੱਗ ਗਿਰੋਹ ਦੇ ਮੈਂਬਰ ਫਰਜ਼ੀ ਦਸਤਾਵੇਜ਼ਾਂ ਦੇ ਆਧਾਰ 'ਤੇ ਵੱਖ-ਵੱਖ ਬੈਂਕਾਂ 'ਚ ਖਾਤੇ ਖੋਲ੍ਹਦੇ ਹਨ। ਇਸ ਦੇ ਬਦਲੇ ਉਨ੍ਹਾਂ ਨੂੰ ਗਿਰੋਹ ਤੋਂ 20 ਹਜ਼ਾਰ ਰੁਪਏ ਮਿਲਦੇ ਹਨ। ਇਸ ਤੋਂ ਬਾਅਦ ਗਿਰੋਹ ਦੇ ਮੈਂਬਰ ਲੋਕਾਂ ਨੂੰ ਲਾਟਰੀ ਸਮੇਤ ਹੋਰ ਕਈ ਤਰ੍ਹਾਂ ਦਾ ਝਾਂਸਾ ਦੇ ਕੇ ਠੱਗੀ ਦੀ ਰਕਮ ਉਸ ਖਾਤੇ ਵਿੱਚ ਜਮ੍ਹਾਂ ਕਰਵਾ ਦਿੰਦੇ ਸਨ। ਏਟੀਐਮ ਕਾਰਡ ਰਾਹੀਂ ਪੈਸੇ ਕਢਵਾਉਣ ਤੋਂ ਬਾਅਦ ਉਹ ਸਬੰਧਤ ਸਾਈਬਰ ਠੱਗ ਨੂੰ ਭੇਜ ਦਿੰਦੇ ਹਨ। ਇਸ ਦੇ ਬਦਲੇ ਉਨ੍ਹਾਂ ਨੂੰ ਵੱਖਰਾ ਕਮਿਸ਼ਨ ਵੀ ਮਿਲਦਾ ਹੈ।
1.12 ਕਰੋੜ ਦੀ ਠੱਗੀ: ਏਰਨਾਕੁਲਮ ਦੀ ਰਹਿਣ ਵਾਲੀ ਸ਼ੋਭਾ ਮੈਨਨ ਨੂੰ ਸਾਈਬਰ ਅਪਰਾਧੀਆਂ ਨੇ ਡੇਢ ਕਰੋੜ ਰੁਪਏ ਦੀ ਲਾਟਰੀ ਜਿੱਤਣ ਦਾ ਝਾਂਸਾ ਦਿੱਤਾ। ਬਦਲੇ 'ਚ ਸਾਈਬਰ ਠੱਗਾਂ ਨੇ ਉਸ ਦੇ ਖਾਤੇ 'ਚੋਂ ਵੱਖ-ਵੱਖ ਤਰੀਕਿਆਂ ਨਾਲ 1.12 ਕਰੋੜ ਰੁਪਏ ਚੋਰੀ ਕਰ ਲਏ। ਇਸ ਸਬੰਧ ਵਿੱਚ ਸ਼ੋਭਾ ਨੇ 26 ਜੁਲਾਈ 2023 ਨੂੰ ਏਰਨਾਕੁਲਮ ਥਾਣੇ ਵਿੱਚ ਐਫਆਈਆਰ ਦਰਜ ਕਰਵਾਈ ਸੀ। ਦਰਜ ਕਰਵਾਈ ਗਈ ਐਫਆਈਆਰ ਦੇ ਆਧਾਰ 'ਤੇ ਏਰਨਾਕੁਲਮ ਪੁਲਿਸ ਸ਼ੁੱਕਰਵਾਰ ਨੂੰ ਰਾਂਚੀ ਦੇ ਸੁਖਦੇਵਨਗਰ ਥਾਣੇ ਪਹੁੰਚੀ। ਸੁਖਦੇਵਨਗਰ ਪੁਲਿਸ ਦੀ ਮਦਦ ਨਾਲ ਸ਼ੁੱਕਰਵਾਰ ਦੇਰ ਰਾਤ ਚਾਰੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
