ਨਵੀਂ ਦਿੱਲੀ: ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਪੱਤਰ ਲਿਖ ਕੇ ਬਜ਼ੁਰਗਾਂ ਨੂੰ ਰੇਲ ਯਾਤਰਾ ਵਿੱਚ ਦਿੱਤੀਆਂ ਜਾ ਰਹੀਆਂ ਰਿਆਇਤਾਂ ਦੀ ਸੇਵਾ ਬਹਾਲ ਕਰਨ ਦੀ ਅਪੀਲ ਕੀਤੀ ਹੈ। ਦੋ ਪੰਨਿਆਂ ਦੀ ਚਿੱਠੀ ਵਿੱਚ ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਨੂੰ ਲਿਖਿਆ ਹੈ ਕਿ ਪਿਛਲੇ ਕਈ ਸਾਲਾਂ ਤੋਂ ਦੇਸ਼ ਦੇ ਬਜ਼ੁਰਗਾਂ ਨੂੰ ਰੇਲ ਯਾਤਰਾ ਵਿੱਚ 50 ਫੀਸਦੀ ਤੱਕ ਦੀ ਛੋਟ ਮਿਲ ਰਹੀ ਸੀ। ਇਸ ਦਾ ਲਾਭ ਦੇਸ਼ ਦੇ ਕਰੋੜਾਂ ਬਜ਼ੁਰਗਾਂ ਨੂੰ ਮਿਲ ਰਿਹਾ ਸੀ ਪਰ ਤੁਹਾਡੀ ਸਰਕਾਰ ਨੇ ਇਹ ਛੋਟ ਖ਼ਤਮ ਕਰ ਦਿੱਤੀ ਹੈ ਜੋ ਕਿ ਬਹੁਤ ਮੰਦਭਾਗੀ ਗੱਲ ਹੈ। ਇਸਦੇ ਬੰਦ ਹੋਣ ਨਾਲ ਸਾਲਾਨਾ 1600 ਕਰੋੜ ਰੁਪਏ ਦੀ ਬੱਚਤ ਹੋ ਰਹੀ ਹੈ। ਉਨ੍ਹਾਂ ਲਿਖਿਆ ਕਿ ਕਈ ਵਾਰ ਸਾਨੂੰ ਇਸ ਗੱਲ 'ਤੇ ਮਾਣ ਹੋ ਜਾਂਦਾ ਹੈ ਕਿ ਜ਼ਿੰਦਗੀ 'ਚ ਜੋ ਵੀ ਮਿਲਿਆ ਹੈ, ਉਹ ਸਾਡੀ ਮਿਹਨਤ ਦਾ ਨਤੀਜਾ ਹੈ। ਪਰ ਅਜਿਹਾ ਨਹੀਂ ਹੈ, ਕਿਉਂਕਿ ਸਾਡੀ ਤਰੱਕੀ ਵਿਚ ਸਾਡੇ ਬਜ਼ੁਰਗਾਂ ਦਾ ਵੀ ਅਸ਼ੀਰਵਾਦ ਹੈ।
ਉਦਾਹਰਣ ਵਜੋਂ, ਦਿੱਲੀ ਵਿੱਚ, ਬਜ਼ੁਰਗਾਂ ਨੂੰ ਉਨ੍ਹਾਂ ਦੇ ਪਸੰਦੀਦਾ ਤੀਰਥ ਸਥਾਨ ਦੀ ਮੁਫਤ ਯਾਤਰਾ ਦਿੱਤੀ ਜਾਂਦੀ ਹੈ, ਜਿੱਥੇ ਸਰਕਾਰ ਉਨ੍ਹਾਂ ਦੀ ਯਾਤਰਾ, ਰਹਿਣ ਅਤੇ ਖਾਣ-ਪੀਣ ਦਾ ਖਰਚਾ ਚੁੱਕਦੀ ਹੈ। ਇਸ ਨਾਲ ਬਜ਼ੁਰਗਾਂ ਨੂੰ ਬੇਅੰਤ ਖ਼ੁਸ਼ੀ ਮਿਲਦੀ ਹੈ। ਉਹ ਸਾਨੂੰ ਆਪਣੇ ਦਿਲ ਦੀਆਂ ਤਹਿਆਂ ਤੋਂ ਅਸੀਸ ਦਿੰਦੇ ਹਨ ਅਤੇ ਅੱਜ ਦਿੱਲੀ ਹਰ ਖੇਤਰ ਵਿੱਚ ਬਹੁਤ ਤਰੱਕੀ ਕਰ ਰਹੀ ਹੈ ਅਤੇ ਇਸ ਦਾ ਕਾਰਨ ਸਾਨੂੰ ਬਜ਼ੁਰਗਾਂ ਤੋਂ ਮਿਲ ਰਿਹਾ ਆਸ਼ੀਰਵਾਦ ਹੈ।
ਇਹ ਵੀ ਪੜ੍ਹੋ : Kerala Train Incident: ਕੇਰਲ 'ਚ ਚੱਲਦੀ ਟ੍ਰੇਨ ਨੂੰ ਲਾਈ ਅੱਗ, ਪਟੜੀ 'ਤੇ ਮਿਲੀਆਂ 3 ਲਾਸ਼ਾਂ
ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਨੂੰ ਲਿਖੇ ਪੱਤਰ ਵਿੱਚ ਕਿਹਾ ਹੈ ਕਿ ਇਹ ਪੈਸੇ ਦੀ ਗੱਲ ਨਹੀਂ ਹੈ। ਇਹ ਨੀਅਤ ਦੀ ਗੱਲ ਹੈ। ਜੇਕਰ ਦਿੱਲੀ ਸਰਕਾਰ ਆਪਣੇ 70 ਹਜ਼ਾਰ ਕਰੋੜ ਦੇ ਬਜਟ 'ਚੋਂ 50 ਕਰੋੜ ਰੁਪਏ ਬਜ਼ੁਰਗਾਂ ਦੀ ਯਾਤਰਾ 'ਤੇ ਖਰਚ ਕਰ ਦੇਵੇ ਤਾਂ ਦਿੱਲੀ ਸਰਕਾਰ ਗਰੀਬ ਨਹੀਂ ਹੋ ਜਾਂਦੀ। ਆਉਣ ਵਾਲੇ ਸਾਲ 'ਚ ਕੇਂਦਰ ਸਰਕਾਰ 45 ਲੱਖ ਕਰੋੜ ਰੁਪਏ ਖਰਚ ਕਰੇਗੀ, ਜਿਸ 'ਚੋਂ 1600 ਕਰੋੜ ਰੁਪਏ ਬਜ਼ੁਰਗਾਂ ਲਈ ਰੇਲ ਯਾਤਰਾ 'ਚ ਰਿਆਇਤ 'ਤੇ ਖਰਚ ਕੀਤੇ ਜਾਣ ਤਾਂ ਇਹ ਰਕਮ ਸਮੁੰਦਰ 'ਚ ਇਕ ਬੂੰਦ ਵਾਂਗ ਹੈ।
