ਲਖਨਊ: ਬਾਂਦਾ ਜੇਲ੍ਹ 'ਚ ਬੰਦ ਮਾਫੀਆ ਮੁਖਤਾਰ ਅੰਸਾਰੀ ਖਿਲਾਫ਼ ਇਨਕਮ ਟੈਕਸ ਟੀਮ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਇਨਕਮ ਟੈਕਸ ਨੇ ਲਖਨਊ ਦੇ ਡਾਲੀਬਾਗ ਸਥਿਤ ਮੁਖਤਾਰ ਦੀਆਂ 12 ਕਰੋੜ ਰੁਪਏ ਦੀਆਂ ਦੋ ਬੇਨਾਮੀ ਜਾਇਦਾਦਾਂ ਕੁਰਕ ਕੀਤੀਆਂ ਹਨ। ਮੁਖਤਾਰ ਨੇ ਇਹ ਜਾਇਦਾਦ ਆਪਣੀ ਮਹਿਲਾ ਰਿਸ਼ਤੇਦਾਰ ਦੇ ਨਾਂ 'ਤੇ ਖਰੀਦੀ ਸੀ। ਇਸ ਤੋਂ ਪਹਿਲਾਂ ਇਨਕਮ ਟੈਕਸ ਨੇ ਗਾਜ਼ੀਪੁਰ 'ਚ ਮੁਖਤਾਰ ਅੰਸਾਰੀ ਦੀ ਬੇਨਾਮੀ ਜਾਇਦਾਦ ਦੇ ਮਾਲਕ ਗਣੇਸ਼ ਮਿਸ਼ਰਾ ਦੀ 20 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕੀਤੀ ਸੀ। ਐਤਵਾਰ ਨੂੰ ਲਖਨਊ 'ਚ ਇਨਕਮ ਟੈਕਸ ਟੀਮ ਨੇ ਮੁਖਤਾਰ ਅੰਸਾਰੀ ਦੀ ਜਾਇਦਾਦ ਕੁਰਕ ਕਰ ਲਈ ਹੈ। ਇਹ ਜਾਇਦਾਦ ਡਾਲੀਬਾਗ ਵਿੱਚ ਸਥਿਤ ਹੈ, ਜਿਸ ਦੀ ਕੀਮਤ 12 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।
ਲਖਨਊ ਦੇ ਡਾਲੀਬਾਗ ਇਲਾਕੇ 'ਚ ਸਥਿਤ 3234 ਵਰਗ ਫੁੱਟ ਦੇ ਪਲਾਂਟ 13-ਸੀ/3 ਨੂੰ ਇਨਕਮ ਟੈਕਸ ਨੇ ਬੇਨਾਮੀ ਜਾਇਦਾਦ ਮੰਨਦੇ ਹੋਏ ਅਟੈਚ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਪਲਾਟ ਮੁਖਤਾਰ ਅੰਸਾਰੀ ਦੀ ਕਰੀਬੀ ਰਿਸ਼ਤੇਦਾਰ ਤਨਵੀਰ ਸਹਿਰ ਦੇ ਨਾਂ 'ਤੇ ਰਜਿਸਟਰਡ ਹੈ। ਕਾਗਜ਼ਾਂ 'ਤੇ ਇਸ ਪਲਾਟ ਦੀ ਕੀਮਤ 76 ਲੱਖ ਰੁਪਏ ਦੱਸੀ ਗਈ ਹੈ, ਜਦੋਂ ਕਿ ਬਾਜ਼ਾਰ 'ਚ ਇਸ ਦੀ ਕੀਮਤ 12 ਕਰੋੜ ਰੁਪਏ ਦੇ ਕਰੀਬ ਦੱਸੀ ਜਾਂਦੀ ਹੈ।
ਇਨਕਮ ਟੈਕਸ ਮੁਖਤਾਰ ਅੰਸਾਰੀ ਦੀਆਂ ਸਾਰੀਆਂ ਬੇਨਾਮੀ ਜਾਇਦਾਦਾਂ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਕੁਰਕ ਕਰਨ ਲਈ ਕਾਰਵਾਈ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਮਈ ਮਹੀਨੇ 'ਚ ਟੀਮ ਨੇ ਗਾਜ਼ੀਪੁਰ 'ਚ ਮੁਖਤਾਰ ਦੀ ਬੇਨਾਮੀ ਜਾਇਦਾਦ ਦੇ ਮਾਲਕ ਗਣੇਸ਼ ਮਿਸ਼ਰਾ ਦੀ ਜਾਇਦਾਦ 'ਤੇ ਛਾਪਾ ਮਾਰਿਆ ਸੀ।ਇਸ ਦੌਰਾਨ ਗਣੇਸ਼ ਮਿਸ਼ਰਾ ਦੀ ਕਰੀਬ 20 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕੀਤੀ ਗਈ ਸੀ। ਗਣੇਸ਼ ਸ਼ੰਕਰ ਪੇਸ਼ੇ ਤੋਂ ਪ੍ਰਾਪਰਟੀ ਡੀਲਰ ਹੈ ਅਤੇ ਮੁਖਤਾਰ ਦੇ ਪੈਸੇ ਨੂੰ ਜ਼ਮੀਨਾਂ ਵਿਚ ਨਿਵੇਸ਼ ਕਰਦਾ ਸੀ।
- UK Glasgow Gurdwara Row : ਗਲਾਸਗੋ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਭਾਰਤੀ ਰਾਜਦੂਤ ਨਾਲ ਕੀਤੇ ਸਲੂਕ ਦੀ ਕੀਤੀ ਨਿਖੇਧੀ, ਕਿਹਾ- ਗੁਰਦੁਆਰਾ ਸਭ ਲਈ ਖੁੱਲ੍ਹਾ
- Imran Tortured in Jail: ਪਾਕਿਸਤਾਨ ਦੀ ਜੇਲ੍ਹ 'ਚ ਇਮਰਾਨ ਖਾਨ 'ਤੇ ਹੋ ਰਿਹਾ ਤਸ਼ੱਦਦ, ਵਕੀਲ ਨੇ ਲਾਏ ਇਲਜ਼ਾਮ
- Khalistan News in Britain: ਬ੍ਰਿਟੇਨ 'ਚ ਖਾਲਿਸਤਾਨ ਦਾ ਵਿਰੋਧ ਕਰ ਰਹੇ ਸਿੱਖਾਂ 'ਤੇ ਹਮਲੇ, ਰੈਸਟੋਰੈਂਟ ਮਾਲਕ ਦੀ ਕਾਰ 'ਤੇ ਚਲਾਈਆਂ ਗੋਲੀਆਂ
ਦਰਅਸਲ ਇਨਕਮ ਟੈਕਸ ਵਿਭਾਗ ਕਾਲੇ ਧਨ ਰਾਹੀਂ ਮਾਫੀਆ ਮੁਖਤਾਰ ਅੰਸਾਰੀ ਵੱਲੋਂ ਹਾਸਲ ਕੀਤੀਆਂ ਜਾਇਦਾਦਾਂ ਦੀ ਜਾਂਚ ਕਰ ਰਿਹਾ ਹੈ। ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਮੁਖਤਾਰ ਨੇ 150 ਕਰੋੜ ਰੁਪਏ ਤੋਂ ਵੱਧ ਦੀ ਬੇਨਾਮੀ ਜਾਇਦਾਦ ਬਣਾਈ ਹੈ, ਜੋ ਉਸ ਨੇ ਆਪਣੇ ਗੁਆਂਢੀਆਂ ਅਤੇ ਪਰਿਵਾਰਕ ਮੈਂਬਰਾਂ ਦੇ ਨਾਂ 'ਤੇ ਖਰੀਦੀ ਹੈ। ਇਨਕਮ ਟੈਕਸ ਇਸ ਤਹਿਤ ਕਾਰਵਾਈ ਕਰ ਰਿਹਾ ਹੈ।
