ਨੰਡਿਆਲਾ: ਆਂਧਰਾ ਪ੍ਰਦੇਸ਼ ਵਿੱਚ 2000 ਰੁਪਏ ਦੇ ਨੋਟ ਰੱਦ ਹੋਣ ਦਾ ਦਾਅਵਾ ਕਰਕੇ ਧੋਖਾਧੜੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਦੋ ਠੱਗਾਂ ਨੂੰ ਕਾਬੂ ਕੀਤਾ ਹੈ ਜਦ ਕਿ ਉਨਾਂ ਦਾ ਸਾਥੀ ਫਰਾਰ ਹੋ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਠੱਗਾਂ ਨੇ ਇੱਕ ਵਿਅਕਤੀ ਨਾਲ 2.20 ਕਰੋੜ ਰੁਪਏ ਦੀ ਠੱਗੀ ਮਾਰੀ। ਜਦੋਂ ਇਸ ਮਾਮਲੇ ਸਬੰਧੀ ਪੁਲਿਸ ਨੂੰ ਜਾਣਕਾਰੀ ਮਿਲੀ ਤਾਂ ਪੁਲਿਸ ਨੇ ਤਫਤੀਸ਼ ਸ਼ੁਰੂ ਕਰ ਦਿੱਤੀ। ਇਸ ਸ਼ਿਕਾਇਤ ’ਤੇ ਪੁਲਿਸ ਨੇ ਕੇਸ ਦਰਜ ਕਰਕੇ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਨੇ ਜਾਂਚ ਵਿੱਚ ਪਾਇਆ ਕਿ ਮੁਲਜ਼ਮ ਆਪਣੇ ਕੋਲ ਮੌਜੂਦ ਨੋਟਾਂ ਦੇ ਬਦਲੇ 15 ਫੀਸਦੀ ਕਮਿਸ਼ਨ ਸਮੇਤ 500 ਰੁਪਏ ਦੇ ਨੋਟ ਦੇਣ ਦਾ ਦਾਅਵਾ ਕਰ ਰਹੇ ਸਨ। ਜਿਸ ਦੇ ਝਾਂਸੇ ਵਿੱਚ ਉਕਤ ਵਿਅਕਤੀ ਆ ਗਿਆ ਅਤੇ ਆਪਣਾ ਕਰੋੜਾਂ ਰੁਪਿਆਂ ਦਾ ਨੁਕਸਾਨ ਕਰਵਾ ਬੈਠਾ। ਇਸ ਮਾਮਲੇ ਸਬੰਧੀ ਜਾਣਕਾਰੀ ਨੰਡਿਆਲਾ ਦੇ ਡੀਐਸਪੀ ਮਹੇਸ਼ਵਰ ਰੈਡੀ ਨੇ ਵੀਰਵਾਰ ਨੂੰ ਪ੍ਰੈਸ ਕਾਨਫਰੰਸ ਕਰਕੇ ਦਿੱਤੀ।
15 ਫੀਸਦੀ ਕਮਿਸ਼ਨ: ਪੁਲਿਸ ਮੁਤਾਬਕ ਸ਼੍ਰੀਕਾਕੁਲਮ ਜ਼ਿਲੇ ਦੇ ਸਰਬੂਜਿਲੀ ਮੰਡਲ ਦੇ ਟੇਲੀਕਿਪੇਂਟਾ ਪਿੰਡ ਦੇ ਸ਼ੋਭਨਬਾਬੂ, ਉਸੇ ਜ਼ਿਲੇ ਦੇ ਨੰਦੀਗਾਮ ਮੰਡਲ ਦੇ ਦੇਵਾਪੁਰਮ ਪਿੰਡ ਦੇ ਚਿੰਨਾਬਾਬੂ ਅਤੇ ਛੇ ਹੋਰਾਂ ਨੇ ਨੰਡਿਆਲ ਮੰਡਲ ਦੇ ਨੁਨੇਪੱਲੇ ਦੇ ਸ਼੍ਰੀਨਿਵਾਸ ਰੈਡੀ ਅਤੇ ਉਨ੍ਹਾਂ ਦੇ ਦੋਸਤਾਂ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਕਿਹਾ ਕਿ 2000 ਰੁਪਏ ਦੇ ਨੋਟ ਜਲਦੀ ਹੀ ਰੱਦ ਕਰ ਦਿੱਤੇ ਜਾਣਗੇ ਅਤੇ ਉਨ੍ਹਾਂ ਕੋਲ ਅਜਿਹੇ ਕਈ ਨੋਟ ਹਨ। ਜੇਕਰ ਕੋਈ ਉਨ੍ਹਾਂ ਨੂੰ 500 ਰੁਪਏ ਦਾ ਨੋਟ ਦਿੰਦਾ ਹੈ ਤਾਂ ਉਨ੍ਹਾਂ ਨੂੰ 15 ਫੀਸਦੀ ਕਮਿਸ਼ਨ ਦੇ ਨਾਲ 2000 ਰੁਪਏ ਦੇ ਨੋਟ ਦਿੱਤੇ ਜਾਣਗੇ।
- G20 Summit : ਦਿੱਲੀ-ਐਨਸੀਆਰ ਵਿੱਚ ਤਿੰਨ ਦਿਨਾਂ ਲਈ ਬੰਦ ਰਹਿਣਗੀਆਂ ਆਨਲਾਈਨ ਡਿਲੀਵਰੀ ਸੇਵਾਵਾਂ, ਬਾਜ਼ਾਰ ਤੋਂ ਖਰੀਦਣਾ ਪਵੇਗਾ ਸਾਮਾਨ
- G20 Summit in India: ਦਿੱਲੀ 'ਚ ਜੀ-20 ਸਮੇਲਨ ਦੀਆਂ ਤਿਆਰੀਆਂ ਮੁਕੰਮਲ, ਪੀਐੱਮ ਮੋਦੀ ਕਰਨਗੇ 15 ਦੇਸ਼ਾਂ ਦੇ ਨੇਤਾਵਾਂ ਨਾਲ ਦੁਵੱਲੀਆਂ ਮੀਟਿੰਗਾਂ
- Heroin Recovered: ਮਨਾਲੀ ਪੁਲਿਸ ਨੇ 4 ਨੌਜਵਾਨਾਂ ਨੂੰ ਹੈਰੋਇਨ ਸਮੇਤ ਫੜਿਆ, ਮੁਲਜ਼ਮਾਂ ਵਿੱਚ ਇੱਕ ਪੰਜਾਬ ਪੁਲਿਸ ਦਾ ਕਾਂਸਟੇਬਲ ਵੀ ਸ਼ਾਮਿਲ
2.20 ਕਰੋੜ ਰੁਪਏ ਦੇ ਪੰਜ ਸੌ ਰੁਪਏ ਦੇ ਨੋਟ ਲੈ ਕੇ ਫਰਾਰ : ਕਮਿਸ਼ਨ ਦੇ ਲਾਲਚ 'ਚ ਸ਼੍ਰੀਨਿਵਾਸ ਰੈੱਡੀ ਅਤੇ ਉਸਦੇ ਦੋਸਤ 500 ਰੁਪਏ ਦੇ ਨੋਟ ਲੈ ਕੇ ਪਿੰਡ ਰਾਇਥੁਨਾਗ੍ਰਾਮ ਗਏ। ਉਥੇ ਮੁਲਜ਼ਮ ਕੁੱਲ 2.20 ਕਰੋੜ ਰੁਪਏ ਦੇ ਪੰਜ ਸੌ ਰੁਪਏ ਦੇ ਨੋਟ ਲੈ ਕੇ ਫਰਾਰ ਹੋ ਗਏ। ਸ੍ਰੀਨਿਵਾਸ ਰੈਡੀ ਨੇ ਇਸ ਦੀ ਸ਼ਿਕਾਇਤ ਦਿਹਾਤੀ ਪੁਲਿਸ ਨੂੰ ਕੀਤੀ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਐਸਪੀ ਰਘੁਵੀਰ ਰੈਡੀ ਅਤੇ ਐਡੀਸ਼ਨਲ ਐਸਪੀ ਵੈਂਕਟਾਰਮੂਡੂ ਦੇ ਆਦੇਸ਼ਾਂ 'ਤੇ ਦਿਹਾਤੀ ਸੀਆਈ ਦਸਤਗਿਰੀ ਬਾਬੂ, ਸੀਆਈ ਰਵਿੰਦਰਾ, ਦਿਹਾਤੀ ਐਸਆਈ ਰਾਮਮੋਹਨ ਰੈਡੀ, ਤੀਜਾ ਸਿਟੀ ਐਸਆਈ ਬਾਬੂ ਅਤੇ ਹੋਰ ਕਰਮਚਾਰੀਆਂ ਨੇ ਨੰਡਿਆਲਾ ਦੇ ਡੀਐਸਪੀ ਮਹੇਸ਼ਵਰ ਰੈਡੀ ਦੀ ਅਗਵਾਈ ਵਿੱਚ ਦੋ ਵਿਸ਼ੇਸ਼ ਟੀਮਾਂ ਬਣਾ ਕੇ ਜਾਂਚ ਕੀਤੀ। ਬੁੱਧਵਾਰ ਸ਼ਾਮ ਨੂੰ ਦੋਸ਼ੀ ਸ਼ੋਭਨਬਾਬੂ ਅਤੇ ਚਿੰਨਾਬਾਬੂ ਨੂੰ ਵਿਸ਼ਾਖਾਪਟਨਮ ਦੇ ਮਾਧਵਧਰਾ ਖੇਤਰ ਦੀ ਕੁੰਚੁਮਬਾਗੁੜੀ ਗਲੀ ਤੋਂ ਲੱਭ ਕੇ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਨ੍ਹਾਂ ਕੋਲੋਂ 500 ਦੇ ਨੋਟਾਂ ਵਿੱਚ 70 ਲੱਖ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਗਈ ਹੈ। ਡੀਐਸਪੀ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਛੇ ਹੋਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾਣਾ ਹੈ। (Andhra notes exchange fraud)
