ਫ਼ਿਰੋਜ਼ਾਬਾਦ: ਤੁਸੀਂ ਮੰਦਰਾਂ 'ਚ ਚੜ੍ਹਾਵਾ, ਨਾਰੀਅਲ ਦੇ ਫਲ ਅਤੇ ਫੁੱਲ ਜ਼ਰੂਰ ਦੇਖੇ ਹੋਣਗੇ ਪਰ ਫ਼ਿਰੋਜ਼ਾਬਾਦ 'ਚ ਇੱਕ ਅਜਿਹਾ ਮੰਦਰ ਹੈ ਜਿੱਥੇ ਸਦੀਆਂ ਤੋਂ ਦੇਵਤਾ ਦੀ ਪੂਜਾ ਸਿਰਫ਼ ਅੰਡੇ ਨਾਲ ਕੀਤੀ ਜਾਂਦੀ ਹੈ। ਇੰਨਾ ਹੀ ਨਹੀਂ ਸ਼ਰਧਾਲੂ ਵੱਡੀ ਗਿਣਤੀ 'ਚ ਇੱਥੇ ਆਉਂਦੇ ਹਨ ਅਤੇ ਆਂਡੇ ਚੜ੍ਹਾ ਕੇ ਸੁੱਖਣਾ ਮੰਗਦੇ ਹਨ। ਸੁੱਖਣਾ ਪੂਰੀ ਹੋਣ ਤੋਂ ਬਾਅਦ, ਆਂਡਾ ਦੁਬਾਰਾ ਚੜ੍ਹਾਇਆ ਜਾਂਦਾ ਹੈ।
ਦਰਅਸਲ, ਇਹ ਮੰਦਿਰ ਫ਼ਿਰੋਜ਼ਾਬਾਦ ਜ਼ਿਲ੍ਹੇ ਦੇ ਬਸਾਈ ਮੁਹੰਮਦਪੁਰ ਥਾਣੇ ਦੇ ਬਿਲਹਾਨਾ ਪਿੰਡ ਵਿੱਚ ਸਥਿਤ ਹੈ। ਮੰਦਰ ਵਿੱਚ ਬਿਰਾਜਮਾਨ ਦੇਵਤਾ ਨੂੰ ਨਾਗਰਸੇਨ ਕਿਹਾ ਜਾਂਦਾ ਹੈ। ਇਸੇ ਲਈ ਇਸ ਮੰਦਰ ਦਾ ਨਾਂ ਬਾਬਾ ਨਗਰ ਸੇਨ ਦਾ ਮੰਦਰ ਵੀ ਪਿਆ ਹੈ। ਇੱਥੇ ਹਰ ਸਾਲ ਵਿਸਾਖ ਅਸ਼ਟਮੀ ਦੇ ਦਿਨ ਵਿਸ਼ਾਲ ਮੇਲਾ ਲੱਗਦਾ ਹੈ। ਇਸ ਦੇ ਨਾਲ ਹੀ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਇਕੱਠੇ ਹੁੰਦੇ ਹਨ।
ਇਹ ਵੀ ਪੜ੍ਹੋ- ਅਪਾਹਜ ਪਤੀ ਦਾ ਸਹਾਰਾ ਬਣੀ ਪਤਨੀ, ਇਸ ਸਕੀਮ ਨਾਲ ਮਹੀਨੇ ਦਾ 1 ਲੱਖ ਰੁਪਏ ਕਮਾਉਦੀ ਹੈ ਇਹ ਔਰਤ
ਇਸ ਮੰਦਰ ਵਿੱਚ ਮੰਨਿਆ ਜਾਂਦਾ ਹੈ ਕਿ ਇੱਥੇ ਪ੍ਰਸ਼ਾਦ ਦੇ ਰੂਪ ਵਿੱਚ ਅੰਡੇ ਚੜ੍ਹਾਏ ਜਾਂਦੇ ਹਨ। ਇਸ ਨੂੰ ਚੜ੍ਹਾਉਣ ਨਾਲ ਬੱਚਿਆਂ ਦੇ ਰੋਗ ਦੂਰ ਹੁੰਦੇ ਹਨ। ਇਸ ਦੇ ਨਾਲ ਹੀ ਐਤਵਾਰ ਨੂੰ ਲੱਗੇ ਮੇਲੇ 'ਚ ਵੱਡੀ ਗਿਣਤੀ 'ਚ ਸੰਗਤਾਂ ਖਾਸਕਰ ਔਰਤਾਂ ਨੇ ਅੰਡੇ ਚੜ੍ਹਾ ਕੇ ਬਾਬਾ ਨਗਰ ਸੇਨ ਅੱਗੇ ਆਪਣੇ ਬੱਚਿਆਂ ਦੀ ਸੁਰੱਖਿਆ ਲਈ ਅਰਦਾਸ ਕੀਤੀ | ਮੰਦਰ ਨਾਲ ਜੁੜੇ ਲੋਕ ਦੱਸਦੇ ਹਨ ਕਿ ਇਹ ਪਰੰਪਰਾ ਦਹਾਕਿਆਂ ਪੁਰਾਣੀ ਹੈ।
