ਦੇਹਰਾਦੂਨ: ਉਤਰਾਖੰਡ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਕੋਵਿਡ -19 ਮਹਾਂਮਾਰੀ ਕਾਰਨ ਸਾਉਣ ਦੇ ਮਹੀਨੇ ਵਿਚ ਹਰਿਦੁਆਰ ਜਾਣ ਵਾਲੀ ਸਾਲਾਨਾ 'ਕਾਂਵੜ ਯਾਤਰਾ' ਨੂੰ ਰੱਦ ਕਰ ਦਿੱਤਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਰਾਜ ਸਰਕਾਰ ਦੇ ਬੁਲਾਰੇ ਸੁਬੋਧ ਉਨਿਆਲ ਨੇ ਦੱਸਿਆ ਕਿ ਸਰਕਾਰ ਨੇ 'ਕਾਂਵੜ ਯਾਤਰਾ' ਨੂੰ ਸਾਵਧਾਨੀ ਦੇ ਉਪਾਅ ਵਜੋਂ ਰੱਦ ਕਰਨ ਦਾ ਫੈਸਲਾ ਲਿਆ ਹੈ।
ਪਿਛਲੇ ਸਾਲ ਵੀ, ਯਾਤਰਾ ਕੋਰਨਾ ਵਾਇਰਸ ਕਾਰਨ ਰੱਦ ਕੀਤੀ ਗਈ ਸੀ। 'ਕਾਂਵੜ ਯਾਤਰਾ' ਭਗਵਾਨ ਸ਼ਿਵ ਦੇ ਸ਼ਰਧਾਲੂਆਂ ਦੀ ਸਾਲਾਨਾ ਤੀਰਥ ਯਾਤਰਾ ਹੈ। ਇਸ ਵਾਰ ਹਰ ਸਾਲ 'ਸਾਉਣ' ਦੇ ਹਿੰਦੂ ਕੈਲੰਡਰ ਦੇ ਮਹੀਨੇ ਦੌਰਾਨ, ਭਾਰਤ ਭਰ ਤੋਂ ਹਜ਼ਾਰਾਂ ਸ਼ਰਧਾਲੂ, 'ਕਾਂਵੜ ਯਾਤਰਾ' ਕਰਨ ਆਉਂਦੇ ਹਨ।
ਇਹ ਸ਼ਰਧਾਲੂ ਉਤਰਾਖੰਡ ਵਿਚ ਹਰਿਦੁਆਰ, ਗੌਮੁਖ ਅਤੇ ਗੰਗੋਤਰੀ ਅਤੇ ਬਿਹਾਰ ਵਿਚ ਸੁਲਤਾਨਗੰਜ ਜਾਂਦੇ ਹਨ ਅਤੇ ਗੰਗਾ ਨਦੀ ਦਾ ਪਾਣੀ ਲਿਆ ਕੇ ਬਾਅਦ ਵਿਚ, ਮੰਦਰਾਂ ਵਿਚ ਭਗਵਾਨ ਸ਼ਿਵ ਨੂੰ ਭੇਟ ਵਜੋਂ ਪਵਿੱਤਰ ਪਾਣੀ ਭੇਟ ਕੀਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਸਿੱਖ ਸੰਗਤਾਂ ਸਰਧਾ ਨਾਲ ਮਨਾ ਰਹੀਆਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਸਿਰਜਣਾ ਦਿਵਸ
