ਪਾਕਿਸਤਾਨੀ ਸਿੱਖਾਂ ਦੇ ਵਫਦ ਨੇ ਪਾਕਿਸਤਾਨ ਸਰਕਾਰ ਤੋਂ ਗੁਰਧਾਮਾਂ ਦੇ ਨਾਲ ਨਾਲ ਗੁਰੂ ਘਰਾਂ ਦੀ ਸੁਰਖਿਆ ਲਈ ਸਰਕਾਰ ਕੋਲ ਗੁਜ਼ਾਰਿਸ਼ ਕੀਤੀ ਹੈ। ਵਾਇਰਲ ਹੋ ਰਹੇ ਵੀਡੀੳ ਵਿਚ ਖ਼ਾਲਿਸਤਾਨ ਪੱਖੀ ਤੇ ਇਸਲਾਮੀ ਕੱਟੜਪੰਥੀ ਹਾਫਿਜ਼ ਸਾਈਦ ਦਾ ਆਪਣੇ ਆਪ ਨੂੰ ਉਪਸਕ ਦੱਸਣ ਵਾਲਾ ਗੋਪਾਲ ਸਿੰਘ ਚਾਵਲਾ ਵੀ ਖੜ੍ਹਾ ਨਜ਼ਰ ਆ ਰਿਹਾ ਹੈ। ਉਹ ਕੁਝ ਬੋਲ ਨਹੀਂ ਰਿਹਾ, ਬੋਲੇ ਵੀ ਕੀ, ਜਿਸ ਕੱਟੜਪੁਣੇ ਦਾ ਉਹ ਸਾਥੀ ਸੀ, ਅੱਜ ਉਹੀ ਕੱਟੜਵਾਦ ਉਸ ਦੇ ਵੱਲ ਨੂੰ ਆ ਰਿਹਾ ਹੈ, ਉਸ ਨੂੰ ਸਮਝ ਨਹੀਂ ਆ ਰਹੀ ਕਿ ਉਹ ਆਪਣੇ ਕਿਸ ਮੂੰਹ ਦੇ ਨਾਲ ਆਪਣੀ ਕੌਮ ਨਾਲ ਗੱਲ ਕਰੇ।
ਦੂਜਾ ਵੀਡੀਓ ਜਿਸ ਵਿਚ ਨਨਕਾਣਾ ਦਾ ਇਕ ਸਥਾਨਕ ਵਾਸੀ ਇਸ ਸਾਰੇ ਘਟਨਾ ਕ੍ਰਮ ਤੇ ਰੋਸ਼ਨੀ ਪਾਉਂਦਾ ਹੋਇਆ ਬੋਲ ਰਿਹਾ ਹੈ ਕਿ ਇਸ ਸਾਰੀ ਕਹਾਣੀ ਦਾ ਅਸਲ ਰਾਜ਼ ਕੁਝ ਹੋਰ ਹੈ, ਉਸ ਦੇ ਅਨੁਸਾਰ ਜਦੋਂ ਪੁਲਿਸ ਹਸਾਨ ਨਾਮ ਦੇ ਮੁੰਡੇ ਨੂੰ ਚੱਕ ਕੇ ਲੈ ਗਈ ਜਿਸ ਨੇ ਜਗਜੀਤ ਕੌਰ ਨੂੰ ਉਧਾਲਕੇ ਜਬਰੀ ਨਿਕਾਹ ਕਰਵਾਇਆ ਸੀ, ਉਸ ਦੀ ਰਿਹਾਈ ਦੀ ਮੰਗ ਨੂੰ ਲੈਕੇ ਸਾਰੇ ਸਿੱਖਾਂ ਨੂੰ ਕਿਉਂ ਮਾਰਨ ਦੀ ਗੱਲ ਕਰ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਪਾਕਿਸਤਾਨ ਵਿੱਚ ਸਿੱਖ ਕੁੜੀ ਜਗਜੀਤ ਕੌਰ ਨਾਲ ਵਿਆਹ ਕਰਨ ਵਾਲੇ ਇੱਕ ਮੁਸਲਿਮ ਨੌਜਵਾਨ ਦੇ ਪਰਿਵਾਰ ਦੀ ਅਗਵਾਈ ਵਿੱਚ ਕੁਝ ਲੋਕਾਂ ਨੇ ਆਪਣੇ ਰਿਸ਼ਤੇਦਾਰਾਂ ਦੀ ਗ੍ਰਿਫ਼ਤਾਰੀ ਦੇ ਵਿਰੋਧ ਵਿੱਚ ਸ਼ੁੱਕਰਵਾਰ ਨੂੰ ਗੁਰਦੁਆਰਾ ਨਨਕਾਣਾ ਸਾਹਿਬ ਦੇ ਬਾਹਰ ਪ੍ਰਦਰਸ਼ਨ ਕੀਤਾ। ਖ਼ਬਰਾਂ ਮੁਤਾਬਿਕ ਭੀੜ ਨੇ ਸਿੱਖ ਸ਼ਰਧਾਲੂਆਂ ਨੇ ਪਥਰਾਅ ਕੀਤਾ। ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਸਿੱਖਾਂ ਨੂੰ ਇੱਥੇ ਨਹੀਂ ਰਹਿਣ ਦੇਣਗੇ।
