ਲਖਨਊ: ਉੱਤਰ ਪ੍ਰਦੇਸ਼ ਦੇ ਏਟਾ ਵਿੱਚ ਇੱਕ 30 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਸ ਨੂੰ ਇੱਕ ‘ਸਾਈਕੋ ਕਾਤਲ’ ਵਜੋਂ ਜਾਣਿਆ ਜਾਂਦਾ ਹੈ। ਉਸ ਨੂੰ ਆਪਣੇ ਵੱਡੇ ਭਰਾ ਨੂੰ ਕੁਹਾੜੀ ਨਾਲ ਮਾਰਨ ਦੀ ਕੋਸ਼ਿਸ਼ ਕਰਦਿਆਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਦੋਸ਼ੀ ਨੇ ਕਥਿਤ ਤੌਰ 'ਤੇ ਦੋ ਨਾਬਾਲਿਗਾਂ ਨੂੰ ਮਾਰਿਆ ਹੈ, ਉਹ ਤਿੰਨ ਹੋਰ ਲੋਕਾਂ ਨੂੰ ਮਾਰਨ ਦੀ ਯੋਜਨਾ ਬਣਾ ਰਿਹਾ ਸੀ। ਦੋਸ਼ੀ ਰਾਧੇ ਸ਼ਿਆਮ ਇੰਟਰ ਪਾਸ ਹੈ ਅਤੇ ਏਟਾ ਜ਼ਿਲੇ ਦੇ ਧਰਮਪੁਰ ਪਿੰਡ ਦਾ ਰਹਿਣ ਵਾਲਾ ਹੈ।
6 ਸਾਲਾ ਸਤੇਂਦਰ ਦੀ 4 ਫਰਵਰੀ ਨੂੰ ਅਤੇ ਪੰਜ ਸਾਲਾ ਪ੍ਰਸ਼ਾਂਤ ਦੀ 9 ਜੂਨ ਨੂੰ ਗਲ਼ਾ ਘੁੱਟ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਸਤੇਂਦਰ ਰਾਧੇ ਸ਼ਿਆਮ ਦੇ ਵੱਡੇ ਭਰਾ ਦਾ ਪੁੱਤਰ ਸੀ, ਜਦੋਂ ਕਿ ਪ੍ਰਸ਼ਾਂਤ ਉਸ ਦੇ ਚਚੇਰਾ ਭਰਾ ਰਘੂਰਾਜ ਸਿੰਘ ਦਾ ਪੁੱਤਰ ਸੀ।
ਸਕਰਾਉਲੀ ਸਟੇਸ਼ਨ ਅਧਿਕਾਰੀ ਕ੍ਰਿਪਾਲ ਸਿੰਘ ਨੇ ਦੱਸਿਆ ਕਿ 11 ਜੂਨ ਨੂੰ ਦੇਰ ਰਾਤ ਰਾਧੇ ਨੇ ਆਪਣੇ ਵੱਡੇ ਭਰਾ ਵਿਸ਼ਵਨਾਥ ਸਿੰਘ ਨੂੰ ਮਾਰਨ ਦੀ ਕੋਸ਼ਿਸ਼ ਕੀਤੀ ਉਹ ਜਿਹੜਾ ਸੌਂ ਰਿਹਾ ਸੀ। ਖ਼ੁਸ਼ਕਿਸਮਤੀ ਨਾਲ ਰਿਸ਼ਤੇਦਾਰ ਉਸ ਨੂੰ ਹਮਲੇ ਤੋਂ ਪਹਿਲਾਂ ਥਾਣੇ ਲੈ ਗਏ।
ਪੁੱਛਗਿੱਛ ਦੌਰਾਨ ਦੋਸ਼ੀ ਨੇ ਦਾਅਵਾ ਕੀਤਾ ਕਿ ਉਹ ਲੋਕਾਂ ਨੂੰ ਮਾਰਨਾ ਪਸੰਦ ਕਰਦਾ ਸੀ। ਪੁਲਿਸ ਸੁਪਰਡੈਂਟ ਸੁਨੀਲ ਕੁਮਾਰ ਸਿੰਘ ਨੇ ਕਿਹਾ, "ਦੋਸ਼ੀ ਨੇ ਆਪਣੇ ਦੋ ਭਤੀਜਿਆਂ ਦੀ ਹੱਤਿਆ ਕਰਨ ਦਾ ਇਕਰਾਰ ਕੀਤਾ ਹੈ ਅਤੇ ਖ਼ੁਲਾਸਾ ਕੀਤਾ ਹੈ ਕਿ ਉਹ ਤਿੰਨ ਹੋਰ ਲੋਕਾਂ ਨੂੰ ਮਾਰਨ ਜਾ ਰਿਹਾ ਸੀ। ਉਹ ਇਕ ਸਾਈਕੋ ਕਾਤਲ ਹੈ ਅਤੇ ਲੋਕਾਂ ਨੂੰ ਮਾਰਨ ਦਾ ਮਜ਼ਾ ਲੈਂਦਾ ਹੈ। ”
ਗ਼ੌਰ ਵਾਲੀ ਗੱਲ ਤਾਂ ਇਹ ਹੈ ਕਿ ਪੁਲਿਸ ਸਤੇਂਦਰ ਦੀ ਹੱਤਿਆ ਦੇ ਦੋਸ਼ ਵਿੱਚ ਇੱਕ ਔਰਤ ਸਣੇ ਤਿੰਨ ਲੋਕਾਂ ਨੂੰ ਜੇਲ੍ਹ ਭੇਜ ਦਿੱਤਾ ਸੀ, ਜਦੋਂ ਕਿ ਪ੍ਰਸ਼ਾਂਤ ਦੇ ਕੇਸ ਵਿੱਚ ਤਿੰਨ ਹੋਰ ਦਰਜ ਕੀਤੇ ਗਏ ਸਨ।
ਰਾਧੇ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ, ਪੁਲਿਸ ਨਿਰਦੋਸ਼ ਲੋਕਾਂ ਖ਼ਿਲਾਫ਼ ਐਫ਼ਆਈਆਰ ਵਾਪਸ ਲੈਣ ਦੀ ਤਿਆਰੀ ਕਰ ਰਹੀ ਹੈ ਅਤੇ ਉਨ੍ਹਾਂ ਨੂੰ ਰਿਹਾ ਕਰੇਗੀ।
ਰਾਧੇ ਨੂੰ ਸ਼ਨੀਵਾਰ ਨੂੰ ਮੈਜਿਸਟਰੇਟ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਅਤੇ ਜੇਲ ਭੇਜ ਦਿੱਤਾ ਗਿਆ।
