ਮਹਾਸਮੁੰਦ : ਰਾਸ਼ਟਰੀ ਬਾਇਓ ਗੈਸ ਅਤੇ ਖਾਦ ਪ੍ਰਬੰਧਨ ਤਹਿਤ ਇਥੇ ਹਜ਼ਾਰਾਂ ਲੋਕਾਂ ਦੀ ਤਕਦੀਰ ਅਤੇ ਤਸਵੀਰ ਦੋਵੇਂ ਹੀ ਬਦਲ ਗਈਆਂ ਹਨ। ਜ਼ਿਲ੍ਹੇ ਦੇ ਕਈ ਪਿੰਡਾ 'ਚ ਰੋਟੀ ਪਕਾਉਣ ਲਈ ਜੰਗਲ 'ਚ ਭੱਟਕਣ ਵਾਲੇ ਪਿੰਡਵਾਸੀ ਅਤੇ ਜੈਵਿਕ ਖਾਦ ਲਈ ਦਰ-ਦਰ ਭੱਟਕਣ ਵਾਲੇ ਕਿਸਾਨਾਂ ਨੂੰ ਇਸ ਯੋਜਨਾ ਨਾਲ ਕਈ ਲਾਭ ਮਿਲ ਰਹੇ ਹਨ।
2001 'ਚ ਸ਼ੁਰੂ ਕੀਤੀ ਗਈ ਯੋਜਨਾ
ਮਹਾਮਸੁੰਦ ਜ਼ਿਲ੍ਹੇ 'ਚ ਸਾਲ 2001 ਵਿੱਚ ਰਾਸ਼ਟਰੀ ਬਾਇਓ ਗੈਸ ਅਤੇ ਖਾਦ ਪ੍ਰਬੰਧ ਯੋਜਨਾ ਸ਼ੁਰੂ ਕੀਤੀ ਗਈ ਸੀ। ਉਸ ਸਮੇਂ ਤੋਂ ਹੁਣ ਤੱਕ ਲਗਭਗ 9 ਹਜ਼ਾਰ ਤੋਂ ਵੱਧ ਲੋਕ ਇਸ ਯੋਜਨਾ ਦਾ ਲਾਭ ਲੈ ਰਹੇ ਹਨ। ਇਸ ਯੋਜਨਾ ਰਾਹੀਂ ਲੋਕੀ ਦੁੱਗਣਾ ਲਾਭ ਲੈ ਰਹੇ ਹਨ। ਜਿਥੇ ਇੱਕ ਪਾਸੇ ਪਸ਼ੂਆਂ ਦੇ ਗੋਹੇ ਤੋਂ ਉਨ੍ਹਾਂ ਨੂੰ ਖਾਣਾ ਪਕਾਉਣ ਲਈ ਗੈਸ ਮਿਲ ਰਹੀ ਹੈ ਉਥੇ ਹੀ ਦੂਜੇ ਪਾਸੇ ਕਿਸਾਨਾਂ ਨੂੰ ਵੀ ਖੇਤੀ ਕਰਨ ਲਈ ਵਧੀਆ ਅਤੇ ਜੈਵਿਕ ਖਾਦ ਅਸਾਨੀ ਨਾਲ ਮਿਲ ਰਹੀ ਹੈ। ਇਸ ਖਾਦ ਰਾਹੀਂ ਉਹ ਅਸਾਨੀ ਨਾਲ ਜੈਵਿਕ ਸਬਜ਼ੀਆਂ ਆਦਿ ਦੀ ਖੇਤੀ ਕਰ ਰਹੇ ਹਨ।
ਸਾਲ 2018-19 'ਚ ਸੂਬਾ ਸਰਕਾਰ ਨੇ ਇਥੇ 146 ਤੋਂ ਵੱਧ ਲਾਭਕਾਰੀਆਂ ਨੂੰ ਇਸ ਯੋਜਨਾ ਦਾ ਲਾਭ ਪਹੁੰਚਾਉਣ ਦੇ ਟੀਚੇ ਨੂੰ ਪੂਰਾ ਕੀਤਾ ਹੈ। ਇਸ ਦੇ ਤਹਿਤ ਪਿੰਡ ਲੋਹਾਰੀ ਅਤੇ ਕੋਸਰੰਗੀ ਵਿੱਚ ਜਿਨ੍ਹਾਂ ਲੋਕਾਂ ਕੋਲ ਆਪਣੇ ਪਸ਼ੂ ਸਨ ਉਨ੍ਹਾਂ ਨੂੰ ਵੀ ਇਸ ਯੋਜਨਾ ਦਾ ਲਾਭ ਦਿੱਤਾ ਗਿਆ।
ਕਈ ਲੋਕ ਲੈ ਰਹੇ ਯੋਜਨਾ ਦਾ ਲਾਭ
ਇਸ ਯੋਜਨਾ ਦੇ ਲਾਭਕਾਰੀਆਂ ਦਾ ਕਹਿਣਾ ਹੈ ਕਿ ਬਾਇਓ ਗੈਸ ਪਲਾਂਟ ਲਗਾਉਣ ਤੋਂ ਬਾਅਦ ਉਨ੍ਹਾਂ ਨੂੰ ਖਾਣਾ ਪਕਾਉਣ ਵਾਸਤੇ ਲਕੜੀਆਂ ਲੱਭਣ ਜੰਗਲ ਵਿੱਚ ਨਹੀਂ ਜਾਣਾ ਪੈਂਦਾ। ਇਸ ਨਾਲ ਜਿਥੇ ਐਲਪੀਜੀ ਗੈਸ ਦਾ ਖ਼ਰਚਾ ਬਚ ਜਾਂਦਾ ਹੈ ਉਥੇ ਹੀ ਦੂਜੇ ਪਾਸੇ ਖੇਤੀ ਲਈ ਖਾਦ ਖਰੀਦਣ ਲਈ ਰੁਪਈਆਂ ਦੀ ਬੱਚਤ ਹੁੰਦੀ ਹੈ। ਜੋ ਕਿ ਕਿਸਾਨਾਂ ਲਈ ਬੇਹਦ ਲਾਹੇਵੰਦ ਹੈ।
ਬਾਇਓ ਗੈਸ ਪਲਾਂਟ ਲਈ ਕਿਸਾਨਾਂ ਦੇ ਨਾਲ-ਨਾਲ ਘਰੇਲੂ ਔਰਤਾਂ ਵੀ ਬੇਹਦ ਖੁਸ਼ ਹਨ ਕਿਉਂਕਿ ਉਨ੍ਹਾਂ ਦਾ ਸਮਾਂ ਬੱਚਦਾ ਹੈ ਅਤੇ ਉਹ ਅਸਾਨੀ ਨਾਲ ਸਮੇਂ ਸਿਰ ਖਾਣਾ ਤਿਆਰ ਕਰ ਲੈਂਦੀਆ ਹਨ। ਲੋਕ ਇਸ ਯੋਜਨਾ ਰਾਹੀਂ ਖੁਸ਼ਹਾਲ ਜ਼ਿੰਦਗੀ ਜੀ ਰਹੇ ਹਨ। ਇਥੇ ਦੇ ਲੋਕ ਹੁਣ ਹੋਰ ਲੋਕਾਂ ਨੂੰ ਵੀ ਬਾਇਓ ਗੈਸ ਦੀ ਵਰਤੋਂ ਅਤੇ ਜੈਵਿਕ ਖੇਤੀ ਕਰਨ ਲਈ ਪ੍ਰੇਰਤ ਕਰ ਰਹੇ ਹਨ।
