ਮਹਾਰਾਸ਼ਟਰ: ਭਿਵੰਡੀ 'ਚ ਇਮਾਰਤ ਡਿੱਗਣ ਨਾਲ 10 ਦੀ ਮੌਤ, 20 ਦੇ ਫਸੇ ਹੋਣ ਦਾ ਖਦਸ਼ਾ

ਮਹਾਰਾਸ਼ਟਰ ਦੇ ਭਿਵੰਡੀ, ਪਟੇਲ ਕੰਪਾਉਂਡ ਖੇਤਰ ਵਿਚ ਇਕ ਤਿੰਨ ਮੰਜ਼ਿਲਾ ਇਮਾਰਤ ਢਹਿ ਗਈ। ਇਸ ਘਟਨਾ ਵਿੱਚ ਹੁਣ ਤੱਕ 10 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

ਮੁੰਬਈ: ਮਹਾਰਾਸ਼ਟਰ ਦੇ ਠਾਣੇ ਦੇ ਭਿਵੰਡੀ ਵਿਚ ਪਟੇਲ ਕੰਪਾਉਂਡ ਖੇਤਰ ਵਿਚ ਇਕ ਤਿੰਨ ਮੰਜ਼ਿਲਾ ਇਮਾਰਤ ਢਹਿ ਗਈ। ਹੁਣ ਤੱਕ 10 ਲੋਕ ਮਾਰੇ ਜਾ ਚੁੱਕੇ ਹਨ। ਸਥਾਨਕ ਲੋਕਾਂ ਨੇ 20 ਲੋਕਾਂ ਨੂੰ ਬਚਾਇਆ ਹੈ।

ਘਟਨਾ ਸਵੇਰੇ ਕਰੀਬ 3:40 'ਤੇ ਵਾਪਰੀ। ਨੈਸ਼ਨਲ ਡਿਜ਼ਾਸਟਰ ਰਿਸਪਾਂਸ ਫੋਰਸ (ਐਨਡੀਆਰਐਫ), ਫਾਇਰ ਬ੍ਰਿਗੇਡ ਅਤੇ ਪੁਲਿਸ ਟੀਮਾਂ ਮੌਕੇ 'ਤੇ ਪਹੁੰਚ ਗਈਆਂ ਹਨ। ਮੁੱਢਲੀ ਜਾਣਕਾਰੀ ਦੇ ਅਨੁਸਾਰ, ਘੱਟੋ ਘੱਟ 20-25 ਲੋਕਾਂ ਦੇ ਫਸੇ ਹੋਣ ਦਾ ਖਦਸ਼ਾ ਹੈ। ਇਮਾਰਤ ਦੇ ਢਹਿਣ ਕਾਰਨ 10 ਲੋਕਾਂ ਦੀ ਜਾਨ ਚਲੀ ਗਈ।

ਐਨਡੀਆਰਐਫ ਘਟਨਾ ਸਥਾਨ 'ਤੇ ਮਲਬੇ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਟੀਮ ਨੇ ਇਮਾਰਤ ਦੇ ਢਹਿਣ ਵਾਲੀ ਜਗ੍ਹਾ ‘ਤੇ ਮਲਬੇ ਹੇਠਾਂ ਇਕ ਬੱਚੇ ਨੂੰ ਵੀ ਬਚਾਇਆ ਹੈ।