ਨਵੀਂ ਦਿੱਲੀ: ਦੁਸ਼ਮਣ ਨੂੰ ਪਤਾ ਲੱਗੇ ਬਗੈਰ ਲੱਦਾਖ ਵਿੱਚ ਫੌਜਾਂ ਅਤੇ ਟੈਂਕਾਂ ਨੂੰ ਪਾਕਿਸਤਾਨ ਅਤੇ ਚੀਨ ਦੇ ਮੁਹਾਜ਼ 'ਤੇ ਲਿਜਾਣ ਲਈ ਮਨਾਲੀ ਤੋਂ ਲੇਹ ਤੱਕ ਨਵੀਂ ਸੜਕ ਬਣਾਉਣ ਦਾ ਕੰਮ ਚੱਲ ਰਿਹਾ ਹੈ। ਜੋ ਦੇਸ਼ ਦੇ ਉਚਾਈ ਵਾਲੇ ਖੇਤਰਾਂ ਵਿੱਚ ਇਹ ਕੇਂਦਰੀ ਸ਼ਾਸਤ ਪ੍ਰਦੇਸ਼ ਨੂੰ ਬਾਕੀ ਮੁਲਕ ਨਾਲ ਜੋੜਣ ਲਈ ਤੀਜੀ ਕੜੀ ਹੋਵੇਗੀ।
ਭਾਰਤ ਪਿਛਲੇ ਤਿੰਨ ਸਾਲਾਂ ਤੋਂ ਦੌਲਤ ਬੇਗ ਓਲਡੀ ਅਤੇ ਰਣਨੀਤਕ ਰੂਪ 'ਚ ਮਹੱਤਵਪੂਰਨ ਉੱਪ-ਸੈਕਟਰ ਉੱਤਰ ਨੂੰ ਵਿਕਲਪਿਕ ਸੰਪਰਕ ਪ੍ਰਦਾਨ ਕਰਨ ਦਾ ਵੀ ਕੰਮ ਕਰ ਰਿਹਾ ਹੈ। ਦੁਨੀਆ ਦੀ ਸਭ ਤੋਂ ਉੱਚੀ ਮੋਟਰੇਬਲ ਸੜਕ ਖਾਰਦੁੰਗ ਲਾ ਰਾਹ 'ਤੇ ਕੰਮ ਸ਼ੁਰੂ ਹੋ ਗਿਆ ਹੈ।
ਏਜੰਸੀਆਂ ਨਿਮੂ-ਪਦਮ-ਦਰਚਾ ਦੇ ਰਾਹੀਂ ਮਨਾਲੀ ਤੋਂ ਲੇਹ ਦੇ ਲਈ ਵੱਖਰਾ ਸੰਪਰਕ ਪ੍ਰਦਾਨ ਕਰਨ ਲਈ ਕੰਮ ਕਰ ਰਹੀਆਂ ਹਨ। ਜੋ ਸ਼੍ਰੀਨਗਰ ਤੋਂ ਜ਼ੋਜਿਲਾ ਦੱਰੇ ਨੂੰ ਜਾਣ ਵਾਲੀਆਂ ਮੌਜੂਦਾ ਸੜਕਾਂ ਅਤੇ ਮਨਾਲੀ ਤੋਂ ਲੇਹ ਤੱਕ ਸਰਚੂ ਦੇ ਰਸਤੇ ਦੂਸਰੇ ਮਾਰਗਾਂ ਦੀ ਤੁਲਨਾ 'ਚ ਸਮਾਂ ਬਚਾਉਣ ਵਿਚ ਸਹਾਇਤਾ ਕਰੇਗਾ।
ਨਵੀਂ ਬਣਾਈ ਗਈ ਸੜਕ ਮਨਾਲੀ ਤੋਂ ਲੇਹ ਦੀ ਯਾਤਰਾ ਦੌਰਾਨ ਲਗਭਗ ਤਿੰਨ ਤੋਂ ਚਾਰ ਘੰਟੇ ਦੀ ਬਚਤ ਕਰੇਗੀ। ਭਾਰਤੀ ਸੈਨਾ ਦੀ ਟੈਂਕ ਅਤੇ ਤੋਪਖਾਨਾ, ਬੰਦੂਕਾਂ, ਫੌਜੀਆਂ ਅਤੇ ਭਾਰੀ ਹਥਿਆਰਾਂ ਦੀ ਤਾਇਨਾਤੀ ਦੀ ਹਰਕਤ ਨੂੰ ਪਾਕਿਸਤਾਨ ਜਾਂ ਹੋਰ ਕੋਈ ਨਹੀਂ ਵੇਖ ਸਕੇਗਾ।
ਮੁੱਖ ਤੌਰ 'ਤੇ ਚੀਜ਼ਾਂ ਅਤੇ ਜਨਤਾ ਦੀ ਆਵਾਜਾਈ ਲਈ ਵਰਤਿਆ ਜਾਣ ਵਾਲਾ ਇਹ ਰਾਹ ਜੋਜਿਲਾ ਤੋਂ ਹੈ, ਜੋ ਕਿ ਦ੍ਰਾਸ-ਕਾਰਗਿਲ ਤੋਂ ਲੇਹ ਤੱਕ ਜਾਂਦਾ ਹੈ। ਇਸ ਰਸਤੇ ਨੂੰ 1999 ਵਿੱਚ ਕਾਰਗਿਲ ਯੁੱਧ ਦੌਰਾਨ ਪਾਕਿਸਤਾਨੀਆਂ ਨੇ ਨਿਸ਼ਾਨਾ ਬਣਾਇਆ ਸੀ ਅਤੇ ਸੜਕ ਦੇ ਨਾਲ-ਨਾਲ ਉੱਚੇ ਪਹਾੜਾਂ ਵਿੱਚ ਉਨ੍ਹਾਂ ਦੀਆਂ ਫੌਜਾਂ ਦੁਆਰਾ ਲਗਾਤਾਰ ਬੰਬਾਰੀ ਅਤੇ ਗੋਲਾਬਾਰੀ ਕੀਤੀ ਗਈ।
ਸੂਤਰਾਂ ਨੇ ਦੱਸਿਆ ਕਿ ਪ੍ਰਾਜੈਕਟ 'ਤੇ ਕੰਮ ਸ਼ੁਰੂ ਹੋ ਗਿਆ ਹੈ ਅਤੇ ਨਵੀਂ ਸੜਕ ਮਨਾਲੀ ਨੂੰ ਨੀਮ ਦੇ ਨੇੜੇ ਲੇਹ ਨਾਲ ਜੋੜੇਗੀ ।ਜਿਥੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਾਲ ਹੀ 'ਚ ਚੀਨ ਨਾਲ ਚੱਲ ਰਹੇ ਟਕਰਾਅ ਦੌਰਾਨ ਦੌਰਾ ਕੀਤਾ ਸੀ।
ਇਸੇ ਤਰ੍ਹਾਂ, ਦੁਰਬੁਕ-ਸ਼ਯੋਕ-ਦੌਲਤ ਬੇਗ ਪੁਰਾਣੀ ਸੜਕ ਦੇ ਵਿਕਲਪ ਲਈ, ਭਾਰਤ ਪੁਰਾਣੇ ਗਰਮੀ ਰੁੱਤ ਦੇ ਰਾਹ ਨੂੰ ਵਿਕਸਤ ਕਰਨ 'ਤੇ ਕੰਮ ਕਰ ਰਿਹਾ ਹੈ। ਜਿਸ 'ਤੇ ਕਾਫ਼ਲਾ ਪੱਛਮੀ ਪਾਸਿਓ ਪੂਰਬੀ ਲੱਦਾਖ ਖੇਤਰਾਂ ਤੱਕ ਪਹੁੰਚਦਾ ਸੀ।
ਨਵੀਂ ਸੜਕ ਲੇਹ ਤੋਂ ਖਾਰਦੂੰਗਲਾ ਵੱਲ ਜਾਵੇਗੀ ਅਤੇ ਸਾਸੋਮਾ-ਸਾਸੇਰ ਲਾ-ਸ਼ਯੋਕ ਅਤੇ ਦੌਲਤ ਬੇਗ ਓਲਡੀ ਸਮੇਤ ਗਲੇਸ਼ੀਅਰਾਂ ਰਾਹੀਂ ਅੱਗੇ ਵਧੇਗੀ ।
ਸੀਨੀਅਰ ਸੂਤਰਾਂ ਨੇ ਦੱਸਿਆ ਕਿ 14 ਕੋਰ ਨੂੰ ਡੀਐਸਡੀਬੀਓ ਸੜਕ ਦਾ ਬਦਲ ਲੱਭਣ ਅਤੇ ਸਿਆਚਿਨ ਕੈਂਪ ਦੇ ਨੇੜੇ ਡੀਬੀਓ ਖੇਤਰ ਵੱਲ ਜਾਣ ਵਾਲੀ ਸੜਕ ਦੀ ਚੈਕਿੰਗ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਸੀ ਅਤੇ ਉੱਥੇ ਇੱਕ ਯੂਨਿਟ ਨੂੰ ਨਿਰਿਖਣ ਕਰਨ ਲਈ ਭੇਜਿਆ ਗਿਆ ਸੀ।
