ਨਵੀਂ ਦਿੱਲੀ: ਚੱਕਰਵਾਤ 'ਵਾਯੂ' ਨੇ ਮੁੜ ਆਪਣਾ ਰਸਤਾ ਬਦਲ ਲਿਆ ਹੈ ਅਤੇ ਗੁਜਰਾਤ ਦੇ ਕਛ ਨਾਲ ਇਸ ਦੇ ਟਕਰਾਉਣ ਦੀ ਸੰਭਾਵਨਾ ਹੈ। ਧਰਤੀ ਵਿਗਿਆਨ ਮੰਤਰਾਲੇ ਦੇ ਅਧਿਕਾਰੀ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਮੰਤਰਾਲੇ ਦੇ ਸਕੱਤਰ ਨੇ ਦੱਸਿਆ ਕਿ ਤੂਫ਼ਾਨ 'ਵਾਯੂ' ਦੇ 16 ਜੂਨ ਨੂੰ ਆਪਣਾ ਰਸਤਾ ਬਦਲਣ ਅਤੇ 17 ਤੇ 18 ਜੂਨ ਨੂੰ ਗੁਜਰਾਤ ਦੇ ਕਛ ਵਿੱਚ ਦਸਤਕ ਦੇਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਦੱਸਿਆ ਕਿ ਗੁਜਰਾਤ ਸਰਕਾਰ ਨੇ ਚੱਕਰਵਾਤ ਦੇ ਰਸਤਾ ਬਦਲਣ ਦੀ ਸੰਭਾਵਨਾ ਬਾਰੇ ਚਿਤਾਵਨੀ ਜਾਰੀ ਕੀਤੀ ਹੈ।
ਜ਼ਿਕਰਯੋਗ ਹੈ ਕਿ ਚੱਕਰਵਾਤ ਵਾਯੂ ਨੇ ਵੀਰਵਾਰ ਨੂੰ ਗੁਜਰਾਤ ਤੱਟ 'ਤੇ ਦਸਤਕ ਦੇਣੀ ਸੀ ਪਰ ਇਸ ਨੇ ਬੁੱਧਵਾਰ ਅਤੇ ਵੀਰਵਾਰ ਦੀ ਦਰਮਿਆਨੀ ਰਾਤ ਹੀ ਆਪਣਾ ਰਸਤਾ ਬਦਲ ਲਿਆ ਸੀ।
