ਨਵੀਂ ਦਿੱਲੀ: ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਆਪਣੀ ਵੀਡੀਓ ਸੀਰੀਜ਼ ਦਾ ਇੱਕ ਹੋਰ ਕਲਿੱਪ ਜਾਰੀ ਕੀਤਾ ਹੈ। ਰਾਹੁਲ ਨੇ ਇਸ ਵੀਡੀਓ ਵਿੱਚ ਚੀਨ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ ਅਤੇ ਨਾਲ ਹੀ ਇਸ ਦੀ ਵਿਸਤਾਰ ਨੀਤੀ ਬਾਰੇ ਵੀ ਜਾਣਕਾਰੀ ਦਿੱਤੀ ਹੈ। ਇਸ ਤੋਂ ਇਲਾਵਾ ਰਾਹੁਲ ਗਾਂਧੀ ਨੇ ਕੇਂਦਰ ਸਰਕਾਰ ਦਾ ਘਿਰਾਓ ਕਰਦਿਆਂ ਕਿਹਾ ਹੈ ਕਿ ਚੀਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 56 ਇੰਚ ਦੇ ਵਿਚਾਰ 'ਤੇ ਹਮਲਾ ਕਰ ਰਿਹਾ ਹੈ।
ਚੀਨ ਆਪਣੀ ਸਥਿਤੀ ਮਜ਼ਬੂਤ ਕਰ ਰਿਹਾ
ਚੀਨ ਦੇ ਲੱਦਾਖ ਵਿੱਚ ਚੱਲ ਰਹੇ ਸਰਹੱਦੀ ਵਿਵਾਦ 'ਤੇ ਜਾਰੀ ਰਾਹੁਲ ਗਾਂਧੀ ਨੇ ਆਪਣੀ ਨਵੀਂ ਵੀਡੀਓ ਵਿੱਚ ਕਿਹਾ, "ਇਹ ਕੋਈ ਸਰਲ ਝਗੜਾ ਨਹੀਂ ਹੈ। ਮੇਰੀ ਚਿੰਤਾ ਇਹ ਹੈ ਕਿ ਚੀਨੀ ਅੱਜ ਸਾਡੇ ਖੇਤਰ ਵਿੱਚ ਬੈਠੇ ਹਨ। ਚੀਨ ਰਣਨੀਤਕ ਸੋਚ ਤੋਂ ਬਿਨਾਂ ਕੋਈ ਕਦਮ ਨਹੀਂ ਚੁੱਕਦਾ। ਸੰਸਾਰ ਦਾ ਨਕਸ਼ਾ ਉਸ ਦੇ ਦਿਮਾਗ ਵਿੱਚ ਖਿੱਚਿਆ ਹੋਇਆ ਹੈ ਤੇ ਉਹ ਆਪਣੇ ਹਿਸਾਬ ਨਾਲ ਉਸ ਨੂੰ ਆਕਾਰ ਦੇ ਰਿਹਾ ਹੈ। ਜੋ ਉਹ ਕਰ ਰਿਹਾ ਹੈ ਉਹ ਉਸਦਾ ਪੈਮਾਨਾ ਹੈ, ਇਸਦੇ ਅਧੀਨ ਗਵਾਦਰ ਹੈ, ਉਸ ਵਿੱਚ ਬੈਲਟ ਰੋਡ ਆਉਂਦੀ ਹੈ। ਇਹ ਅਸਲ ਵਿੱਚ ਇਸ ਸੰਸਾਰ ਦਾ ਪੁਨਰ ਨਿਰਮਾਣ ਹੈ। ਇਸ ਲਈ ਜਦੋਂ ਤੁਸੀਂ ਚੀਨੀਆਂ ਬਾਰੇ ਸੋਚਦੇ ਹੋ, ਤੁਹਾਨੂੰ ਇਹ ਸਮਝਣਾ ਪਏਗਾ ਕਿ ਉਹ ਕਿਸ ਪੱਧਰ 'ਤੇ ਸੋਚ ਰਹੇ ਹਨ।''
ਪ੍ਰਧਾਨ ਮੰਤਰੀ ਮੋਦੀ ‘ਤੇ ਦਬਾਅ ਪਾਇਆ ਜਾ ਰਿਹਾ
ਰਾਹੁਲ ਗਾਂਧੀ ਨੇ ਚੀਨ ਦੀ ਵਿਸਥਾਰਵਾਦੀ ਨੀਤੀ 'ਤੇ ਇਹ ਵੀ ਕਿਹਾ ਕਿ ਚਾਹੇ ਇਹ ਗਲਵਾਨ, ਪੈਨਗੋਂਗ ਝੀਲ ਹੋਵੇ ਜਾਂ ਡੈਮਚੋਕ, ਚੀਨ ਹਰ ਜਗ੍ਹਾ ਆਪਣੀ ਸਥਿਤੀ ਮਜ਼ਬੂਤ ਕਰ ਰਿਹਾ ਹੈ। ਉਹ ਸਾਡੇ ਰਾਜਮਾਰਗ ਤੋਂ ਪਰੇਸ਼ਾਨ ਹੈ, ਉਸ ਨੂੰ ਚੀਨ ਬਰਬਾਦ ਕਰਨਾ ਚਾਹੁੰਦਾ ਹੈ। ਇਸ ਤੋਂ ਇਲਾਵਾ ਜੇਕਰ ਚੀਨ ਕੁਝ ਵੱਡਾ ਸੋਚ ਰਿਹਾ ਹੈ ਤਾਂ ਉਹ ਪਾਕਿਸਤਾਨ ਨਾਲ ਕਸ਼ਮੀਰ ਬਾਰੇ ਸੋਚ ਰਿਹਾ ਹੈ। ਇਸ ਲਈ ਇਹ ਵਿਵਾਦ ਕੋਈ ਸਧਾਰਣ ਸੀਮਾ ਵਿਵਾਦ ਨਹੀਂ ਹੈ। ਇਹ ਯੋਜਨਾਬੱਧ ਵਿਵਾਦ ਹੈ, ਤਾਂ ਜੋ ਭਾਰਤ ਦੇ ਪ੍ਰਧਾਨ ਮੰਤਰੀ ਉੱਤੇ ਦਬਾਅ ਪਾਇਆ ਜਾ ਸਕੇ।
ਰਾਹੁਲ ਗਾਂਧੀ ਨੇ ਕਿਹਾ ਕਿ ਚੀਨ ਇਨ੍ਹਾਂ ਸਾਰੇ ਸਰਹੱਦੀ ਵਿਵਾਦਾਂ ਰਾਹੀਂ ਬਹੁਤ ਧਿਆਨ ਨਾਲ ਭਾਰਤ ਦੇ ਪ੍ਰਧਾਨ ਮੰਤਰੀ ਉੱਤੇ ਦਬਾਅ ਪਾ ਰਿਹਾ ਹੈ। ਰਾਹੁਲ ਦੇ ਅਨੁਸਾਰ ਚੀਨ ਨੇ ਪੀਐੱਮ ਮੋਦੀ ਦੇ ਅਕਸ 'ਤੇ ਬਹੁਤ ਖਾਸ ਤਰੀਕੇ ਨਾਲ ਹਮਲਾ ਕਰਕੇ ਆਪਣੀ ਚਾਲ ਨੂੰ ਅੰਜਾਮ ਦੇ ਰਿਹਾ ਹੈ। ਰਾਹੁਲ ਨੇ ਕਿਹਾ, "ਚੀਨ ਜਾਣਦਾ ਹੈ ਕਿ ਨਰਿੰਦਰ ਮੋਦੀ ਲਈ ਮਜ਼ਬੂਤ ਰਾਜਨੇਤਾ ਬਣਨਾ ਮਜਬੂਰੀ ਹੈ।"
56 ਇੰਚ ਦੇ ਅਕਸ ਦੀ ਰੱਖਿਆ
ਪੀਐਮ ਮੋਦੀ ਨੂੰ ਆਪਣੇ 56 ਇੰਚ ਦੇ ਅਕਸ ਦੀ ਰੱਖਿਆ ਕਰਨੀ ਪਵੇਗੀ। ਇਹ ਅਸਲ ਵਿਚਾਰ ਹੈ। ਇਸੇ ਲਈ ਚੀਨ ਕਹਿ ਰਿਹਾ ਹੈ ਕਿ ਜੇ ਤੁਸੀਂ ਉਹ ਨਹੀਂ ਕਰਦੇ ਜੋ ਅਸੀਂ ਚਾਹੁੰਦੇ ਹਾਂ, ਤਾਂ ਅਸੀਂ ਨਰਿੰਦਰ ਮੋਦੀ ਇੱਕ ਮਜ਼ਬੂਤ ਅਕਸ ਵਾਲੇ ਵਿਚਾਰ ਨੂੰ ਖ਼ਤਮ ਕਰ ਦਵਾਂਗੇ।
ਪ੍ਰਧਾਨ ਮੰਤਰੀ ਆਪਣੇ ਅਕਸ ਬਾਰੇ ਚਿੰਤਤ
ਰਾਹੁਲ ਗਾਂਧੀ ਨੇ ਕਿਹਾ ਕਿ ਚਿੰਤਾ ਇਹ ਹੈ ਕਿ ਪੀਐੱਮ ਮੋਦੀ ਚੀਨ ਦੇ ਦਬਾਅ ਹੇਠ ਆ ਗਏ ਹਨ। ਚੀਨੀ ਸਾਡੀ ਧਰਤੀ 'ਤੇ ਬੈਠੇ ਹਨ ਅਤੇ ਪ੍ਰਧਾਨ ਮੰਤਰੀ ਮੋਦੀ ਕਹਿ ਰਹੇ ਹਨ ਕਿ ਅਜਿਹਾ ਕੁਝ ਨਹੀਂ ਹੋਇਆ ਹੈ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣਾ ਅਕਸ ਬਚਾਉਣਾ ਲਈ ਉਹੀ ਕੀਤਾ ਜੋ ਚੀਨ ਚਾਹੁੰਦਾ ਹੈ।
