ਹਾਰ ਤੋਂ ਬਾਅਦ ਅਫਗਾਨ ਪ੍ਰਸ਼ੰਸਕ ਹੋਏ ਬੇਕਾਬੂ, ਸੁੱਟੀਆਂ ਕੁਰਸੀਆਂ, ਪਾਕਿਸਤਾਨੀਆਂ ਨੂੰ ਬਣਾਇਆ ਨਿਸ਼ਾਨਾ

ਏਸ਼ੀਆ ਕੱਪ 2022 ਵਿੱਚ ਬੁੱਧਵਾਰ ਨੂੰ ਅਫਗਾਨਿਸਤਾਨ ਅਤੇ ਪਾਕਿਸਤਾਨ ਵਿਚਾਲੇ ਰੋਮਾਂਚਕ ਮੈਚ ਖੇਡਿਆ ਗਿਆ। ਆਖਰੀ ਓਵਰਾਂ ਵਿੱਚ ਲਗਾਤਾਰ ਦੋ ਛੱਕੇ ਜੜ ਕੇ ਪਾਕਿਸਤਾਨ ਨੇ ਅਫਗਾਨਿਸਤਾਨ ਨੂੰ ਇਕ ਵਿਕਟ ਨਾਲ ਹਰਾਇਆ। ਹਾਰ ਤੋਂ ਨਿਰਾਸ਼ ਅਫਗਾਨ ਪ੍ਰਸ਼ੰਸਕਾਂ ਨੇ ਗੁੱਸੇ ਵਿੱਚ ਸਟੇਡੀਅਮ ਦੀਆਂ ਕੁਰਸੀਆਂ ਉਖਾੜ ਦਿੱਤੀਆਂ ਅਤੇ ਪਾਕਿਸਤਾਨੀ ਪ੍ਰਸ਼ੰਸਕਾਂ ਉੱਤੇ ਸੁੱਟ ਦਿੱਤੀਆਂ।

ਸ਼ਾਰਜਾਹ: ਏਸ਼ੀਆ ਕੱਪ 2022 'ਚ ਬੁੱਧਵਾਰ ਨੂੰ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਵਿਚਾਲੇ ਮੈਚ ਹੋਇਆ। ਇਸ ਦੌਰਾਨ ਪਾਕਿਸਤਾਨ ਨੇ ਅਫਗਾਨਿਸਤਾਨ ਨੂੰ ਹਰਾ ਦਿੱਤਾ। ਮੈਚ ਵਿੱਚ ਆਖਰੀ ਓਵਰ 'ਚ ਪਾਕਿਸਤਾਨੀ ਖਿਡਾਰੀ ਨੇ ਲਗਾਤਾਰ ਦੋ ਛੱਕੇ ਲਗਾ ਕੇ ਅਫਗਾਨਿਸਤਾਨ ਤੋਂ ਜਿੱਤ ਖੋਹ ਲਈ। ਇਸ ਹਾਰ ਤੋਂ ਬਾਅਦ ਇਹ ਟੀਮ ਵੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ। ਨਾਲ ਹੀ ਪਾਕਿਸਤਾਨ ਦੀ ਇਸ ਜਿੱਤ ਨਾਲ ਭਾਰਤ ਏਸ਼ੀਆ ਕੱਪ 2022 ਤੋਂ ਵੀ ਬਾਹਰ ਹੋ ਗਿਆ। ਹੁਣ ਫਾਈਨਲ ਪਾਕਿਸਤਾਨ ਅਤੇ ਸ਼੍ਰੀਲੰਕਾ ਵਿਚਾਲੇ ਖੇਡਿਆ ਜਾਵੇਗਾ। ਪਾਕਿਸਤਾਨ ਹੱਥੋਂ ਮਿਲੀ ਹਾਰ ਕਾਰਨ ਅਫਗਾਨਿਸਤਾਨ ਦੇ ਪ੍ਰਸ਼ੰਸਕਾਂ 'ਚ ਭਾਰੀ ਨਿਰਾਸ਼ਾ ਹੈ।

ਘਟਨਾ ਦਾ ਵੀਡੀਓ ਵਾਇਰਲ: ਏਸ਼ੀਆ ਕੱਪ 2022 'ਚ ਅਫਗਾਨਿਸਤਾਨ ਨੂੰ ਹਰਾਉਣ ਤੋਂ ਬਾਅਦ ਪਾਕਿਸਤਾਨੀ ਪ੍ਰਸ਼ੰਸਕ ਕਾਫੀ ਖੁਸ਼ ਸਨ, ਉਥੇ ਹੀ ਅਫਗਾਨ ਪ੍ਰਸ਼ੰਸਕ ਇਸ ਖੁਸ਼ੀ ਨੂੰ ਬਰਦਾਸ਼ਤ ਨਹੀਂ ਕਰ ਸਕੇ ਅਤੇ ਗੁੱਸੇ 'ਚ ਆ ਗਏ। ਸ਼ਾਹਜਾਹ ਦੇ ਸਟੇਡੀਅਮ 'ਚ ਹੀ ਅਫਗਾਨ ਪ੍ਰਸ਼ੰਸਕਾਂ ਨੇ ਆਪਾ ਹਾਰ ਕੇ ਕੁਰਸੀਆਂ ਨੂੰ ਤੋੜਨਾ ਅਤੇ ਉਖਾੜਨਾ ਸ਼ੁਰੂ ਕਰ ਦਿੱਤਾ। ਨਰਾਜ਼ਗੀ ਇੰਨੀ ਜ਼ਿਆਦਾ ਸੀ ਕਿ ਇਨ੍ਹਾਂ ਲੋਕਾਂ ਨੇ ਕੁਰਸੀਆਂ ਉਖਾੜ ਦਿੱਤੀਆਂ ਅਤੇ ਖੁਸ਼ ਪਾਕਿਸਤਾਨੀ ਪ੍ਰਸ਼ੰਸਕਾਂ 'ਤੇ ਸੁੱਟਣਾ ਸ਼ੁਰੂ ਕਰ ਦਿੱਤਾ। ਕੈਮਰੇ 'ਚ ਇਹ ਸਾਰੀ ਘਟਨਾ ਕੈਦ ਹੋ ਗਈ। ਇਸ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

• Afghans need healing. #PakvsAfg pic.twitter.com/YoCo7SqMpI

  — Hamza Azhar Salam (@HamzaAzhrSalam) September 7, 2022 " class="align-text-top noRightClick twitterSection" data="

  Afghans need healing. #PakvsAfg pic.twitter.com/YoCo7SqMpI

  — Hamza Azhar Salam (@HamzaAzhrSalam) September 7, 2022

  ">

  Afghans need healing. #PakvsAfg pic.twitter.com/YoCo7SqMpI

  — Hamza Azhar Salam (@HamzaAzhrSalam) September 7, 2022

ਵੀਡੀਓ 'ਚ ਤੁਸੀਂ ਸਾਫ ਦੇਖ ਸਕਦੇ ਹੋ ਕਿ ਦੰਗਾ ਕਰ ਰਹੇ ਪ੍ਰਸ਼ੰਸਕਾਂ ਦੇ ਹੱਥਾਂ 'ਚ ਅਫਗਾਨਿਸਤਾਨ ਦਾ ਝੰਡਾ ਹੈ। ਉਨ੍ਹਾਂ ਨੇ ਕੱਪੜਿਆਂ ਅਤੇ ਸਰੀਰ 'ਤੇ ਵੀ ਦੇਸ਼ ਦਾ ਝੰਡਾ ਬਣਾਇਆ ਹੋਇਆ ਹੈ। ਜਿਹੜੀਆਂ ਹੋਰ ਕੁਰਸੀਆਂ ਉਹ ਸੁੱਟ ਰਿਹਾ ਹੈ, ਉਸ ਦੇ ਨੇੜੇ ਪਾਕਿਸਤਾਨੀ ਝੰਡਾ ਭੀੜ ਵਿੱਚ ਨਜ਼ਰ ਆ ਰਿਹਾ ਹੈ। ਯਾਨੀ ਕਿ ਸਾਫ ਹੈ ਕਿ ਹਾਰ ਤੋਂ ਬਾਅਦ ਅਫਗਾਨ ਪ੍ਰਸ਼ੰਸਕਾਂ ਨੇ ਨਿਸ਼ਾਨਾ ਬਣਾਉਂਦੇ ਹੋਏ ਕੁਰਸੀਆਂ ਸੁੱਟੀਆਂ। ਵੀਡੀਓ 'ਚ ਅਫਗਾਨ ਪ੍ਰਸ਼ੰਸਕ ਪਾਕਿਸਤਾਨੀਆਂ ਨੂੰ ਕੁਰਸੀਆਂ ਨਾਲ ਕੁੱਟਦੇ ਵੀ ਨਜ਼ਰ ਆ ਰਹੇ ਹਨ।

ਪਾਕਿਸਤਾਨ ਨੇ ਇਹ ਮੈਚ ਇਕ ਵਿਕਟ ਨਾਲ ਜਿੱਤਿਆ: ਦੱਸ ਦਈਏ ਕਿ ਮੈਚ 'ਚ ਅਫਗਾਨਿਸਤਾਨ ਦੀ ਟੀਮ ਨੇ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 6 ਵਿਕਟਾਂ 'ਤੇ 126 ਦੌੜਾਂ ਬਣਾਈਆਂ। ਟੀਮ ਲਈ ਇਬਰਾਹਿਮ ਜ਼ਦਰਾਨ ਨੇ ਸਭ ਤੋਂ ਵੱਧ 35 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ 127 ਦੌੜਾਂ ਦੇ ਜਵਾਬ 'ਚ ਪਾਕਿਸਤਾਨ ਦੀ ਹਾਲਤ ਖਰਾਬ ਹੋ ਗਈ ਸੀ। ਟੀਮ ਨੇ 118 ਦੌੜਾਂ 'ਤੇ 9 ਵਿਕਟਾਂ ਗੁਆ ਦਿੱਤੀਆਂ ਸਨ। ਪਰ ਆਖਰੀ ਓਵਰ 'ਚ ਨਸੀਮ ਸ਼ਾਹ ਨੇ ਲਗਾਤਾਰ ਦੋ ਛੱਕੇ ਲਗਾ ਕੇ ਮੈਚ ਜਿੱਤ ਲਿਆ।

ਇਹ ਵੀ ਪੜੋ: ਕੀ ਭਾਰਤ ਅਜੇ ਵੀ ਏਸ਼ੀਆ ਕੱਪ ਅਭਿਆਨ ਨੂੰ ਜ਼ਿੰਦਾ ਰੱਖ ਸਕਦਾ ?