Rajsthan News : ਪਟਾਕਿਆਂ ਦੀ ਆਵਾਜ਼ ਨੂੰ ਫਾਇਰਿੰਗ ਸਮਝ ਕੇ ਡਰਿਆ ਵਿਦੇਸ਼ੀ ਸੈਲਾਨੀ, ਹੋਟਲ ਦੀ ਦੂਜੀ ਮੰਜ਼ਿਲ ਤੋਂ ਮਾਰੀ ਛਾਲ

ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਦੇ ਇੱਕ ਹੋਟਲ ਵਿੱਚ ਠਹਿਰਿਆ ਇੱਕ ਵਿਦੇਸ਼ੀ ਨੌਜਵਾਨ ਬੀਤੀ ਰਾਤ ਜਨਮ ਅਸ਼ਟਮੀ ਮੌਕੇ ਪਟਾਕਿਆਂ ਦੀ ਆਵਾਜ਼ ਸੁਣ ਕੇ ਇੰਨਾ ਡਰ ਗਿਆ ਕਿ ਉਸ ਨੇ ਹੋਟਲ ਦੀ ਦੂਜੀ ਮੰਜ਼ਿਲ ਤੋਂ ਛਾਲ ਮਾਰ ਦਿੱਤੀ ਜਿਸ ਉਹ ਕਰਕੇ ਜ਼ਖਮੀ ਹੋ ਗਿਆ। (foreign youth got and scared jumped from the hotel)

ਜੈਪੁਰ/ਰਾਜਸਥਾਨ: ਜੈਪੁਰ 'ਚ ਵੀਰਵਾਰ ਰਾਤ ਨੂੰ ਇਕ ਹੋਟਲ 'ਚ ਰੁਕੇ ਵਿਦੇਸ਼ੀ ਸੈਲਾਨੀ ਨੇ ਅਚਾਨਕ ਹੀ ਹੋਟਲ ਦੇ ਕਮਰੇ ਵਿੱਚੋਂ ਬਾਹਰ ਛਾਲ ਮਾਰ ਦਿੱਤੀ।ਮੌਕੇ 'ਤੇ ਮੌਜੂਦ ਹੋਟਲ ਕਰਮਚਾਰੀਆਂ ਨੇ ਸੈਲਾਨੀ ਨੌਜਵਾਨ ਨੂੰ ਹਸਪਤਾਲ ਪਹੁੰਚਾਇਆ ਅਤੇ ਨਾਲ ਹੀ ਪੁਲਿਸ ਨੂੰ ਸੂਚਨਾ ਦਿੱਤੀ। ਉਥੇ ਹੀ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਜਦ ਜਾਂਚ ਕੀਤੀ, ਤਾਂ ਹਰ ਕੋਈ ਹੈਰਾਨ ਸੀ। ਦਰਅਸਲ, ਜੈਪੁਰ ਵਿੱਚ ਰਾਤ ਵੇਲੇ ਜਨਮਾਸ਼ਟਮੀ ਦੇ ਮੌਕੇ 'ਤੇ ਪਟਾਖੇ ਚਲਾਏ ਜਾ ਰਹੇ ਸਨ, ਜਿੰਨ੍ਹਾਂ ਦੀ ਤੇਜ਼ ਆਵਾਜ਼ ਨੂੰ ਨੌਜਵਾਨ ਸੈਲਾਨੀ ਨੇ ਗੋਲੀਬਾਰੀ ਦੀ ਆਵਾਜ਼ ਸਮਝੀ ਅਤੇ ਸੁਣ ਕੇ ਘਬਰਾ ਗਿਆ ਅਤੇ ਹੋਟਲ ਦੀ ਦੂਜੀ ਮੰਜ਼ਿਲ ਤੋਂ ਛਾਲ ਮਾਰ ਦਿੱਤੀ। ਉਸ ਨੂੰ ਨਿੱਜੀ ਹਸਪਤਾਲ ਲਿਜਾਇਆ ਗਿਆ ਅਤੇ ਮੁੱਢਲੀ ਸਹਾਇਤਾ ਦਿੱਤੀ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਖ਼ਤਰੇ ਤੋਂ ਬਾਹਰ ਹੈ ਅਤੇ ਕੁਝ ਮਾਮੂਲੀ ਸੱਟਾਂ ਹੋਈ ਵੱਜੀਆਂ ਹਨ, ਜੋ ਕਿ ਜਲਦੀ ਠੀਕ ਹੋ ਜਾਣਗੀਆਂ। ਸ਼ੁੱਕਰਵਾਰ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਜਾਵੇਗੀ।

ਹਾਲਤ ਖ਼ਤਰੇ ਤੋਂ ਬਾਹਰ: ਐਡੀਸ਼ਨਲ ਡੀਸੀਪੀ (ਪੂਰਬੀ) ਸੁਮਨ ਚੌਧਰੀ ਦੇ ਅਨੁਸਾਰ,ਫਿਨ ਵਾਟਲੇ ਨਾਂ ਦਾ ਇੱਕ ਨਾਰਵੇ ਦਾ ਨੌਜਵਾਨ ਜੈਪੁਰ ਆਉਣ ਲਈ ਆਇਆ ਸੀ ਅਤੇ ਜਵਾਹਰ ਸਰਕਲ ਖੇਤਰ ਦੇ ਵਿਵੇਕ ਵਿਹਾਰ ਵਿੱਚ ਸਥਿਤ ਇੱਕ ਹੋਟਲ ਵਿੱਚ ਠਹਿਰਿਆ ਹੋਇਆ ਹੈ। ਵੀਰਵਾਰ ਰਾਤ ਨੂੰ ਉਹ ਆਪਣੇ ਕਮਰੇ ਵਿੱਚ ਜਲਦੀ ਸੌਣ ਲਈ ਚਲਾ ਗਿਆ। ਦੇਰ ਰਾਤ ਉਸ ਨੇ ਆਪਣੇ ਕਮਰੇ ਦੀ ਖਿੜਕੀ ਤੋਂ ਹੇਠਾਂ ਛਾਲ ਮਾਰ ਦਿੱਤੀ, ਜਿਸ ਕਾਰਨ ਉਹ ਜ਼ਖਮੀ ਹੋ ਗਿਆ। ਇਸ ਤੋਂ ਬਾਅਦ ਉਸ ਨੂੰ ਹੋਟਲ ਵਿੱਚ ਹੀ ਮੁੱਢਲੀ ਸਹਾਇਤਾ ਦਿੱਤੀ ਗਈ। ਬਾਅਦ ਵਿਚ ਉਸ ਨੂੰ ਇਕ ਨਿੱਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ। ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੂੰ ਲੱਗਾ ਜਿਵੇਂ ਕੋਈ ਉਸ ਦੀ ਨੀਂਦ ਵਿਚ ਗੋਲੀ ਚਲਾ ਰਿਹਾ ਹੋਵੇ। ਇਸ ਤੋਂ ਘਬਰਾ ਕੇ ਉਸ ਨੇ ਬਚਣ ਲਈ ਖਿੜਕੀ ਤੋਂ ਛਾਲ ਮਾਰ ਦਿੱਤੀ। ਫਿਲਹਾਲ ਸੈਲਾਨੀ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ। (Janam ashtami night in rajsthan jaipur)

ਪੁਲਿਸ ਨੇ ਕਮਰੇ ਦਾ ਲਿਆ ਜਾਇਜ਼ਾ: ਘਟਨਾ ਦੀ ਸੂਚਨਾ ਮਿਲਦੇ ਹੀ ਐਡੀਸ਼ਨਲ ਡੀਸੀਪੀ ਸੁਮਨ ਚੌਧਰੀ ਪਹੁੰਚੇ ਅਤੇ ਸਾਰੀ ਘਟਨਾ ਦੀ ਜਾਣਕਾਰੀ ਲਈ। ਪੁਲਿਸ ਨੇ ਉਸ ਕਮਰੇ ਦੀ ਵੀ ਤਲਾਸ਼ੀ ਲਈ, ਜਿਸ ਵਿੱਚ ਵਿਦੇਸ਼ੀ ਨੌਜਵਾਨ ਠਹਿਰਿਆ ਹੋਇਆ ਸੀ, ਪਰ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ। ਪੁਲਿਸ ਨੇ ਇਸ ਪੂਰੀ ਘਟਨਾ ਬਾਰੇ ਹੋਟਲ ਸਟਾਫ਼ ਤੋਂ ਵੀ ਪੁੱਛਗਿੱਛ ਕੀਤੀ ਅਤੇ ਸਾਰੀ ਘਟਨਾ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਹੋਟਲ ਸਟਾਫ਼ ਅਨੁਸਾਰ ਜਦੋਂ ਇਹ ਘਟਨਾ ਵਾਪਰੀ ਉਸ ਸਮੇਂ ਕ੍ਰਿਸ਼ਨ ਜਨਮ ਅਸ਼ਟਮੀ ਮੌਕੇ ਨੇੜੇ ਹੀ ਆਤਿਸ਼ਬਾਜ਼ੀ ਚੱਲ ਰਹੀ ਸੀ। ਅਜਿਹੇ 'ਚ ਵਿਦੇਸ਼ੀ ਨੌਜਵਾਨ ਫਾਇਰਿੰਗ ਲਈ ਪਟਾਕਿਆਂ ਦੀ ਆਵਾਜ਼ ਨੂੰ ਗਲਤ ਸਮਝ ਕੇ ਡਰ ਗਏ।