ਤਿਰੂਵੰਨਾਮਲਾਈ: ਤਿਰੂਵੰਨਾਮਲਾਈ ਸ਼ਹਿਰ ਦੇ ਚਾਰ ਇਲਾਕਿਆਂ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਚਾਰ ਏਟੀਐੱਮ ਲੁੱਟੇ ਗਏ ਹਨ। ਚਾਰ ਸ਼ੱਕੀ ਵਿਅਕਤੀਆਂ ਨੇ ਵੈਲਡਿੰਗ ਮਸ਼ੀਨ ਨਾਲ ਇਹ ਵਾਰਦਾਤ ਕੀਤੀ ਹੈ। ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਇਨ੍ਹਾਂ ਚਾਰ ਮਸ਼ੀਨਾਂ ਨੂੰ ਤੋੜ ਕੇ 75 ਲੱਖ ਰੁਪਏ ਤੋਂ ਵੱਧ ਦੀ ਲੁੱਟ ਕੀਤੀ ਗਈ ਹੈ। ਪੁਲਿਸ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਅੱਜ ਅੱਧੀ ਰਾਤ ਤੋਂ ਬਾਅਦ ਬਦਮਾਸ਼ਾਂ ਨੇ ਮਾਰਿਅਮਨ ਕੋਵਿਲ ਸਟਰੀਟ, ਥੇਨੀਮਲਾਈ, ਕਾਲਾਸਪੱਕਮ ਅਤੇ ਪੋਲੂਰ ਸਥਿਤ ਸਟੇਟ ਬੈਂਕ ਆਫ ਇੰਡੀਆ ਦੇ ਤਾਲੇ ਤੋੜੇ ਹਨ।
ਏਟੀਐੱਮ ਨੂੰ ਲਾਈ ਅੱਗ: ਲੁਟੇਰਿਆਂ ਨੇ ਲਗਾਤਾਰ ਚਾਰ ਥਾਵਾਂ 'ਤੇ ਏਟੀਐਮ ਮਸ਼ੀਨਾਂ ਦੀ ਭੰਨ-ਤੋੜ ਕਰਕੇ ਪੈਸੇ ਲੁੱਟੇ ਅਤੇ ਫਿਰ ਵੈਲਡਿੰਗ ਮਸ਼ੀਨਾਂ ਨਾਲ ਏਟੀਐਮ ਨੂੰ ਅੱਗ ਲਗਾ ਦਿੱਤੀ। ਅੱਗ ਲੱਗਣ ਕਾਰਨ ਏਟੀਐਮ ਵਿੱਚ ਲੱਗਿਆ ਸੀਸੀਟੀਵੀ ਕੈਮਰਾ ਅਤੇ ਇਸ ਦੀ ਹਾਰਡ ਡਿਸਕ ਬੁਰੀ ਤਰ੍ਹਾਂ ਸੜ ਗਈ, ਜਿਸ ਕਾਰਨ ਪੁਲੀਸ ਨੂੰ ਚੋਰਾਂ ਦਾ ਪਤਾ ਲਗਾਉਣ ਵਿੱਚ ਮੁਸ਼ਕਲ ਆ ਰਹੀ ਹੈ। ਇਸ ਸਬੰਧੀ ਪੁਲਿਸ ਦੀਆਂ ਵੱਖ-ਵੱਖ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ ਅਤੇ ਪੁਲਿਸ ਵਿਭਾਗ ਤਿਰੂਵੰਨਾਮਲਾਈ ਨੂੰ ਜਾਣ ਵਾਲੀਆਂ 9 ਸੜਕਾਂ ਤੋਂ ਸੀਸੀਟੀਵੀ ਫੁਟੇਜ ਦੀ ਮਦਦ ਨਾਲ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ। ਜਾਣਕਾਰੀ ਮੁਤਾਬਿਕ ਇਹ ਵੀ ਖਦਸ਼ਾ ਜਾਹਿਰ ਕੀਤਾ ਜਾ ਰਿਹਾ ਹੈ ਕਿ ਇਹ ਲੰਬੀ ਪਲਾਨਿੰਗ ਤੋਂ ਬਾਅਦ ਕੀਤੀ ਗਈ ਲੁੱਟ ਹੈ।
ਇਹ ਵੀ ਪੜ੍ਹੋ: DELHI MUMBAI EXPRESSWAY: ਦਿੱਲੀ-ਮੁੰਬਈ ਐਕਸਪ੍ਰੈਸਵੇਅ ਦਾ PM ਮੋਦੀ ਨੇ ਕੀਤਾ ਉਦਘਾਟਨ, ਪੜ੍ਹੋ ਕਿਉਂ ਖ਼ਾਸ ਹੈ ਇਹ ਐਕਸਪ੍ਰੈਸਵੇਅ
ਉੱਤਰੀ ਖੇਤਰ ਦੇ ਪੁਲਿਸ ਆਈਜੀ ਕੰਨਨ ਨੇ ਇਨ੍ਹਾਂ ਸਾਰੇ ਏਟੀਐਮ ਦਾ ਨਿਰੀਖਣ ਕੀਤਾ ਅਤੇ ਕਿਹਾ ਹੈ ਕਿ ਉੱਤਰੀ ਰਾਜਾਂ ਦੇ ਲੋਕ ਜੋ ਏਟੀਐਮ ਨੂੰ ਜਾਣਦੇ ਹਨ, ਉਹ ਇਸ ਲੁੱਟ ਵਿੱਚ ਸ਼ਾਮਲ ਹਨ। ਖਾਸ ਤੌਰ 'ਤੇ ਏ.ਟੀ.ਐਮ 'ਤੇ ਕਈ ਤਰ੍ਹਾਂ ਦੀ ਜਾਣਕਾਰੀ ਮਿਲਦੀ ਹੈ। ਏ.ਟੀ.ਐਮ ਮਸ਼ੀਨ ਨੂੰ ਵੈਲਡਿੰਗ ਮਸ਼ੀਨ ਨਾਲ ਕੱਟ ਕੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਭੇਤਭਰੇ ਵਿਅਕਤੀਆਂ ਦੀ ਭਾਲ 'ਚ ਪੁਲਿਸ ਸਰਗਰਮ ਹੈ। ਚੋਰ ਟੋਲੀਆਂ ਵਿੱਚ ਆ ਕੇ ਇਹੋ ਜਿਹੀ ਲੁੱਟ ਕਰਦੇ ਹਨ। ਇਕੱਲੇ ਤਿਰੂਵੰਨਾਮਲਾਈ ਜ਼ਿਲ੍ਹੇ ਵਿੱਚ ਪੰਜ ਵਿਸ਼ੇਸ਼ ਬਲਾਂ ਦਾ ਗਠਨ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਬਾਹਰੀ ਜ਼ਿਲ੍ਹੇ ਦਾ ਪੁਲੀਸ ਵਿਭਾਗ ਵੀ ਲੁੱਟ ਦੀ ਘਟਨਾ ਦੀ ਜਾਂਚ ਕਰ ਰਿਹਾ ਹੈ।
