ਚੇਨਈ: ਪਿਛਲੇ ਸਾਲ ਕੇਰਲ ਦੇ ਵੇਲੀਚਮ ਇਲਾਕੇ ਵਿੱਚ ਤੱਟ ਰੱਖਿਅਕਾਂ ਨੇ 300 ਕਿਲੋਗ੍ਰਾਮ ਹੈਰੋਇਨ, ਪੰਜ ਏਕੇ-47 ਬੰਦੂਕਾਂ ਅਤੇ 1000 ਗੋਲੀਆਂ ਜ਼ਬਤ ਕੀਤੀਆਂ ਸਨ। ਇਸ ਸਬੰਧ ਵਿੱਚ ਸ੍ਰੀਲੰਕਾ ਤੋਂ ਛੇ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਮਾਮਲੇ ਨੂੰ ਜਾਂਚ ਲਈ ਪਿਛਲੇ ਸਾਲ ਮਈ 'ਚ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ ਨੂੰ ਟਰਾਂਸਫਰ ਕਰ ਦਿੱਤਾ ਗਿਆ ਸੀ।
ਇਸ 'ਚ ਸ਼ਾਮਲ ਸੁਰੇਸ਼ ਅਤੇ ਸੁੰਦਰਰਾਜਨ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਸ ਤੋਂ ਬਾਅਦ ਚੇਨਈ ਸਮੇਤ ਕਈ ਜ਼ਿਲ੍ਹਿਆਂ ਵਿੱਚ ਛਾਪੇਮਾਰੀ ਕਰਕੇ ਚੇਨਈ ਦੇ ਵਲਸਾਰਵੱਕਮ ਤੋਂ ਸਥਾਕੁਨਮ ਉਰਫ਼ ਸਬੇਸਨ ਨਾਮ ਦੇ ਇੱਕ ਸ਼੍ਰੀਲੰਕਾਈ ਤਮਿਲ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਉਨ੍ਹਾਂ ਕੋਲੋਂ ਲਿੱਟੇ ਅੰਦੋਲਨ ਨਾਲ ਸਬੰਧਤ ਕਈ ਦਸਤਾਵੇਜ਼, ਸਿਮ ਕਾਰਡ ਜ਼ਬਤ ਕੀਤੇ ਗਏ ਹਨ।
ਇਸ ਤੋਂ ਬਾਅਦ NIA (ਰਾਸ਼ਟਰੀ ਜਾਂਚ ਏਜੰਸੀ) ਦੇ ਅਧਿਕਾਰੀ ਫਿਲਹਾਲ ਚੇਨਈ 'ਚ 9 ਅਤੇ ਤ੍ਰਿਚੀ 'ਚ 11 ਥਾਵਾਂ 'ਤੇ ਛਾਪੇਮਾਰੀ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਤਿੰਨ ਸਾਲ 'ਚ 3.92 ਲੱਖ ਭਾਰਤੀਆਂ ਨੇ ਛੱਡੀ ਨਾਗਰਿਕਤਾ
