ਹੈਦਰਾਬਾਦ: ਨਵੇਂ ਸਾਲ ਦੀ ਸ਼ੁਰੂਆਤ ਦੇ ਨਾਲ ਕਈ ਨਵੇਂ ਨਿਯਮ ਵੀ ਲਾਗੂ ਹੁੰਦੇ ਹਨ। ਇਸ ਸਾਲ UPI ਨਾਲ ਜੁੜੇ ਕੁਝ ਨਿਯਮ ਵੀ ਲਾਗੂ ਹੋਣਗੇ। 1 ਜਨਵਰੀ 2025 ਤੋਂ RBI UPI ਲੈਣ-ਦੇਣ 'ਚ ਯੂਜ਼ਰਸ ਦੀ ਸੁਵਿਧਾ ਵਧਾਉਣ ਲਈ ਕੁਝ ਨਿਯਮਾਂ 'ਚ ਬਦਲਾਅ ਕਰ ਰਿਹਾ ਹੈ। ਨਵੇਂ ਨਿਯਮ ਲਾਗੂ ਹੋਣ ਤੋਂ ਬਾਅਦ ਯੂਜ਼ਰਸ ਨੂੰ ਪਹਿਲਾ ਦੇ ਮੁਕਾਬਲੇ ਜ਼ਿਆਦਾ ਪੈਸੇ ਭੇਜਣ ਦੀ ਆਗਿਆ ਮਿਲੇਗੀ। ਇਸ ਤੋਂ ਇਲਾਵਾ, ਕੁਝ ਹੋਰ ਨਿਯਮ ਵੀ ਲਾਗੂ ਹੋ ਰਹੇ ਹਨ।
1 ਜਨਵਰੀ ਤੋਂ ਲਾਗੂ ਹੋਣਗੇ ਨਵੇਂ ਨਿਯਮ
UPI123Pay ਦੀ ਵਧੀ ਲਿਮਿਟ: RBI ਨੇ ਫੋਨ ਯੂਜ਼ਰਸ ਲਈ ਪੇਸ਼ ਕੀਤੀ ਸੁਵਿਧਾ UPI123Pay ਲਈ ਲੈਣ-ਦੇਣ ਦੀ ਲਿਮਿਟ ਨੂੰ ਵਧਾਉਣ ਦਾ ਫੈਸਲਾ ਕੀਤਾ ਹੈ। 1 ਜਨਵਰੀ ਤੋਂ ਯੂਜ਼ਰਸ UPI123Pay ਰਾਹੀ ਹਰ ਦਿਨ 10,000 ਰੁਪਏ ਤੱਕ ਦਾ ਭੁਗਤਾਨ ਕਰ ਸਕਣਗੇ। ਦੱਸ ਦੇਈਏ ਕਿ ਪਹਿਲਾ ਇਹ ਲਿਮਿਟ 5000 ਰੁਪਏ ਸੀ। ਹੁਣ ਯੂਜ਼ਰਸ ਨੂੰ ਜ਼ਿਆਦਾ ਪੈਸੇ ਭੇਜਣ ਦੀ ਸੁਵਿਧਾ ਮਿਲ ਗਈ ਹੈ। ਜਾਣਕਾਰੀ ਲਈ ਦੱਸ ਦੇਈਏ ਕਿ PhonePe, Paytm ਅਤੇ Google Pay ਵਰਗੀਆਂ ਐਪਾਂ ਲਈ ਲੈਣ-ਦੇਣ ਦੀ ਲਿਮਿਟ ਅਜੇ ਵੀ ਪਹਿਲਾ ਜਿੰਨੀ ਹੀ ਹੈ। ਯੂਜ਼ਰਸ ਹਰ ਦਿਨ ਇੱਕ ਲੱਖ ਰੁਪਏ ਦਾ UPI ਲੈਣ-ਦੇਣ ਕਰ ਸਕਦੇ ਹਨ ਅਤੇ ਮੁਸ਼ਕਿਲ ਸਮੇਂ 'ਚ 5 ਲੱਖ ਤੱਕ ਰੁਪਏ ਭੇਜਣ ਦੀ ਲਿਮਿਟ ਹੈ।
UPI ਸਰਕਲ: UPI ਸਰਕਲ ਫੀਚਰ 2024 'ਚ ਲਾਂਚ ਕੀਤਾ ਗਿਆ ਸੀ ਅਤੇ ਅਗਲੇ ਸਾਲ ਤੋਂ ਇਹ UPI ਸਪੋਰਟਡ ਪਲੇਟਫਾਰਮ 'ਤੇ ਲਾਗੂ ਹੋ ਜਾਵੇਗਾ। ਵਰਤਮਾਨ 'ਚ BHIM ਐਪ ਦੇ ਯੂਜ਼ਰਸ UPI ਸਰਕਲ ਦਾ ਲਾਭ ਲੈ ਸਕਦੇ ਹਨ। ਇਸ 'ਚ ਯੂਜ਼ਰਸ ਨੂੰ ਦੋਸਤ, ਪਰਿਵਾਰਿਕ ਮੈਂਬਰਾਂ ਨੂੰ ਸ਼ਾਮਲ ਕਰਨ ਦੀ ਆਗਿਆ ਮਿਲੇਗੀ, ਜਿਸ ਨਾਲ ਦੂਜਾ ਯੂਜ਼ਰ ਬਿਨ੍ਹਾਂ ਬੈਂਕ ਅਕਾਊਂਟ ਦੇ ਵੀ ਭੁਗਤਾਨ ਕਰ ਸਕਦਾ ਹੈ। ਇਸ 'ਚ ਪ੍ਰਾਈਮਰੀ ਯੂਜ਼ਰ ਨੂੰ ਲਿਮਿਟ ਤੈਅ ਕਰਨੀ ਹੁੰਦੀ ਹੈ ਕਿ ਉਹ ਦੂਜੇ ਯੂਜ਼ਰ ਨੂੰ ਕਿੰਨੇ ਰੁਪਏ ਖਰਚ ਕਰਨ ਦੀ ਆਗਿਆ ਦੇ ਰਿਹਾ ਹੈ। ਇਹ ਫੀਚਰ ਦੋ ਆਪਸ਼ਨਾਂ Full Delegation and Partial Delegation ਦੇ ਨਾਲ ਕੰਮ ਕਰਦਾ ਹੈ।
Full Delegation: Full Delegation ਆਪਸ਼ਨ ਸੈਕੰਡਰੀ ਯੂਜ਼ਰ ਨੂੰ ਤੈਅ ਲਿਮਿਟ ਦੇ ਨਾਲ ਟ੍ਰਾਂਜੈਕਸ਼ਨ ਸ਼ੁਰੂ ਕਰਨ ਤੋਂ ਲੈ ਕੇ ਪੂਰਾ ਕਰਨ ਤੱਕ ਦੀ ਆਗਿਆ ਦਿੰਦਾ ਹੈ।
Partial Delegation: Partial Delegation ਆਪਸ਼ਨ ਦੇ ਨਾਲ ਸੈਕੰਡਰੀ ਯੂਜ਼ਰਸ ਕਿਸੇ ਟ੍ਰਾਂਜੈਕਸ਼ਨ ਨੂੰ ਸਿਰਫ਼ ਸ਼ੁਰੂ ਕਰ ਸਕੇਗਾ। ਟ੍ਰਾਂਜੈਕਸ਼ਨ ਨੂੰ ਪੂਰਾ ਪ੍ਰਾਈਮਰੀ ਯੂਜ਼ਰ ਕਰੇਗਾ, ਜਿਸ ਲਈ ਉਹ UPI ਪਿੰਨ ਦਾ ਇਸਤੇਮਾਲ ਕਰੇਗਾ।
ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
- ਇੱਕ ਪ੍ਰਾਈਮਰੀ ਯੂਜ਼ਰ ਸੈਕੰਡਰੀ ਯੂਜ਼ਰ ਦੇ ਰੂਪ 'ਚ ਜ਼ਿਆਦਾ ਤੋਂ ਜ਼ਿਆਦਾ 5 ਯੂਜ਼ਰਸ ਨੂੰ ਜੋੜ ਸਕੇਗਾ।
- ਹਰ ਟ੍ਰਾਂਜੈਕਸ਼ਨ ਲਈ 5000 ਰੁਪਏ ਲਿਮਿਟ ਹੋਵੇਗੀ ਅਤੇ ਮਹੀਨਾਵਰ 15000 ਰੁਪਏ ਤੱਕ ਹੋਵੇਗੀ।
- UPI ਐਪ ਦੇ ਨਾਲ ਸੈਕੰਡਰੀ ਯੂਜ਼ਰਸ ਲਈ ਪਾਸਕੋਡ ਆਦਿ ਦੀ ਜਾਣਕਾਰੀ ਜ਼ਰੂਰੀ ਹੋਵੇਗੀ।
ਇਹ ਵੀ ਪੜ੍ਹੋ:-
