ਤਰਨ ਤਾਰਨ: ਝਬਾਲ ਮਸਾਲਾ ਰੋਡ ਤੇ ਸਟੇਟ ਬੈਂਕ ਆਫ ਇੰਡੀਆਂ ਦੀ ਬਰਾਂਚ ਵਿੱਚ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਇੱਕ ਮੁਲਜ਼ਮ ਨੂੰ ਤਰਤਾਰਨ ਪੁਲਿਸ CIA ਸਟਾਫ ਤਰਨ ਤਾਰਨ ਵੱਲੋਂ 1 ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਅਸ਼ਵਨੀ ਕਪੂਰ IPS/SSP ਤਰਨ ਤਾਰਨ ਜੀ ਵੱਲੋਂ ਸਮਾਜ ਵਿਰੋਧੀ ਅਨਸਰਾਂ ਨੂੰ ਨੱਥ ਪਾਉਣ ਲਈ ਲਗਾਤਾਰ ਠੋਸ ਉਪਰਾਲੇ ਕੀਤੇ ਜਾ ਰਹੇ ਹਨ, ਜਿਸ ਤਹਿਤ ਸ੍ਰੀ ਅਜੇ ਰਾਜ ਸਿੰਘ PPS SP ਇੰਨਵੈਸਟੀਗੇਸ਼ਨ ਤਰਨ ਤਾਰਨ ਦੀ ਨਿਗਰਾਨੀ ਹੇਠ DSP ਸਬ-ਡਵੀਜਨ ਤਰਨ ਤਾਰਨ, DSP ਤਰਨ ਤਾਰਨ, ਇੰਚਾਰਜ਼ ਸੀ.ਆਈ.ਏ ਸਟਾਫ ਤਰਨ ਤਾਰਨ ਅਤੇ ਐਸ.ਐਚ.ਓ ਥਾਣਾ ਝਬਾਲ ਵੱਲੋਂ ਐਸ.ਬੀ.ਆਈ ਬੈਂਕ ਝਬਾਲ ਵਿੱਚ ਹੋਈ ਲੁੱਟ ਦੀ ਵਾਰਦਾਤ ਨੂੰ ਟਰੇਸ ਕਰਦੇ ਹੋਏ 01 ਮੁਲਜ਼ਮ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
29.02.2024 ਨੂੰ ਹੋਈ ਸੀ ਵਾਰਦਾਤ: ਜਿਕਰਯੋਗ ਹੈ ਕਿ ਮਿਤੀ 29.02.2024 ਨੂੰ ਅਸ਼ਵਨੀ ਕੁਮਾਰ ਕੈਸ਼ੀਅਰ ਐਸ.ਬੀ.ਆਈ ਬੈਂਕ ਬਬਾਲ ਨੇ ਆਪਣਾ ਬਿਆਨ ਦਰਜ ਕਰਾਇਆ ਕਿ 02 ਅਣਪਛਾਤੇ ਵਿਅਕਤੀ ਐਸ.ਬੀ.ਆਈ ਬੈਂਕ ਝਬਾਲ ਦੇ ਅੰਦਰ ਦਾਖਲ ਹੋਏ ਜਿੰਨਾਂ ਨੇ ਹੈਲਮੈਟ ਪਾਏ ਹੋਏ ਸਨ ਅਤੇ ਉਹ ਬੈਂਕ ਅੰਦਰ ਦਾਖਲ ਹੁੰਦਿਆ ਹੀ ਮੋਰਚੇ ਵਿੱਚ ਖੜੇ ਬੈਂਕ ਗਾਰਡ ਕਵਲਜੀਤ ਸਿੰਘ ਵੱਲੋਂ ਹੈਲਮੈਟ ਉਤਾਰਨ ਲਈ ਕਿਹਾ ਗਿਆ ਤਾਂ ਇੱਕ ਨੌਜਵਾਨ ਨੇ ਗਾਰਡ ਤੇ ਪਿਸਟਲ ਤਾਣ ਕੇ ਉਸ ਪਾਸੇ 12 ਬੋਰ ਖੋਹ ਲਈ ਅਤੇ ਦੂਸਰੇ ਨੌਜਵਾਨ ਵੱਲੋਂ ਬੈਂਕ ਵਿੱਚ ਖੜੇ ਗਾਹਕਾਂ ਨੂੰ ਧਮਕੀ ਦਿੱਤੀ ਅਤੇ ਜਮੀਨ ਤੇ ਲੇਟ ਜਾਣ ਲਈ ਕਿਹਾ।
ਉਸ ਤੋਂ ਬਾਅਦ ਦੋਨਾਂ ਅਣਪਛਾਤੇ ਨੌਜਵਾਨਾਂ ਵੱਲੋਂ ਬੈਂਕ ਕੈਸ਼ੀਅਰ ਨੂੰ ਕੈਸ਼ ਬੈਗ ਵਿੱਚ ਪਾਉਣ ਲਈ ਕਿਹਾ ਅਤੇ ਹੈਲਮੈਟ ਪਾਏ ਹੋਏ ਦੋਵੇ ਨੌਜਵਾਨ 7 ਲੱਖ 82 ਹਜਾਰ 50 ਰੁਪਏ ਨਾਲ ਭਰਿਆ ਕੈਸ਼ ਵਾਲਾ ਬੈਗ ਲੈ ਕੇ 3-4 ਮਿੰਟ ਵਿੱਚ ਹੀ ਸਮੇਤ ਗਾਰਡ ਦੀ 12 ਬੋਰ ਰਾਈਫਲ ਲੈ ਕੇ ਬੈਂਕ ਵਿੱਚੋ ਫਰਾਰ ਗਏ। ਜਿਸ ਪਰ ਮੁਕੱਦਮਾ ਨੰਬਰ 14 ਮਿਤੀ 29.2.2024 ਜੁਰਮ 392,34 -ਭ.ਦ.ਸ਼ 25,27/54/59 ਅਸਲਾ ਐਕਟ ਥਾਣਾ ਤਬਾਲ ਦਰਜ ਰਜਿਸਟਰ ਕਰਕੇ ਅਗਲੀ ਤਫਤੀਸ਼ ਅਮਲ ਵਿੱਚ ਲਿਆਂਦੀ ਗਈ।
- ਪੰਜਾਬ ਦੇ ਸਭ ਤੋਂ ਵੱਡੇ ਲੋਕ ਸਭਾ ਹਲਕੇ ਲੁਧਿਆਣਾ 'ਚ 26 ਲੱਖ ਤੋਂ ਵੱਧ ਵੋਟਰ ਤੈਅ ਕਰਨਗੇ ਲੀਡਰਾਂ ਦਾ ਸਿਆਸੀ ਭਵਿੱਖ, ਸੀਟ 'ਤੇ ਹੋਵੇਗਾ ਚਾਰ ਤਰਫਾ ਮੁਕਾਬਲਾ
- ਕਿਸਾਨ ਆਗੂ ਬਲਦੇਵ ਸਿੰਘ ਸਿਰਸਾ ਦਾ ਵੱਡਾ ਐਲਾਨ, ਕਾਲੇ ਕੱਪੜੇ ਪਾ ਵਿਧਾਨ ਸਭਾ ਬਾਹਰ ਕੀਤਾ ਜਾਵੇਗਾ ਪ੍ਰਦਰਸ਼ਨ
- ਦੋ ਮੁੰਡਿਆਂ ਦੀ ਪ੍ਰੇਮ ਕਹਾਣੀ: 50 ਲੱਖ ਖਰਚ ਕੇ ਇੱਕ ਬਣਿਆ ਕੁੜੀ, ਦੂਜੇ ਨੇ ਕਿਹਾ- ਅਸਲੀ ਕੁੜੀ ਹੁੰਦੀ ਤਾਂ ਕਰਦਾ ਵਿਆਹ; ਸਾੜ ਦਿੱਤੀ ਕਾਰ
ਇਸ ਸਬੰਧੀ CIA ਸਟਾਫ ਅਤੇ ਹੋਰ ਅਲੱਗ-ਅਲੱਗ ਬਣਾਈਆਂ ਟੀਮਾਂ ਵੱਲੋਂ ਉਕਤ ਮੁਕੱਦਮਾ ਨੂੰ ਟਰੇਸ ਕਰਦੇ ਹੋਏ ਮੁਲਜ਼ਮ ਗੁਰਿੰਦਰ ਸਿੰਘ ਉਰਫ ਗਿੰਦਰ ਪੁੱਤਰ ਹਰਭਜਨ ਸਿੰਘ ਵਾਸੀ ਨੌਸ਼ਹਿਰਾ ਪੰਨੂੰਆ ਨੂੰ ਕਾਬੂ ਕਰਕੇ ਉਸਦੇ ਕਬਜ਼ੇ ਵਿੱਚੋ 90 ਹਜ਼ਾਰ ਰੁਪਏ, ਗਾਰਡ ਦੀ ਖੋਹੀ ਹੋਈ 12 ਬੋਰ ਰਾਈਫਲ ਅਤੇ ਬੈਂਕ ਡਕੈਤੀ ਦੌਰਾਨ ਇੱਕ ਗੱਡੀ ਬਰੀਜਾਂ ਨੰਬਰੀ ਪੀ.ਬੀ 02 ਡੀ.ਐਸ 0607 ਬ੍ਰਾਮਦ ਕੀਤੀ ਗਈ ਜੋ ਉਕਤ ਮੁਲਜ਼ਮ ਵੱਲੋਂ ਦੱਸਿਆ ਗਿਆ ਕਿ ਇਹ ਗੱਡੀ ਉਸ ਦੇ ਭਰਾ ਦੇ ਨਾਮ ਪਰ ਰਜਿਸਟਰ ਹੈ। ਇਸ ਤੋਂ ਇਲਾਵਾ ਵਾਰਦਾਤ ਸਮੇਂ ਵਰਤਿਆ ਗਿਆ ਬੁਲਟ ਮੋਟਰਸਾਈਕਲ ਨੰਬਰੀ ਪੀ.ਬੀ 46 ਏ.ਐਫ 5927 ਜੇ ਵਾਰਦਾਤ ਤੋਂ ਪਹਿਲਾਂ ਤਰਨ ਤਾਰਨ ਜਮਸਤਪੁਰ ਪੁੱਲ ਰੋਹੀ ਕੋਲੋ ਖੋਇਆ ਗਿਆ ਬਰਾਮਦ ਕਰ ਲਿਆ ਗਿਆ ਹੈ।
