ਪਠਾਨਕੋਟ: ਪਠਾਨਕੋਟ ਦੀ ਵੈਦਿਕ ਸੰਸਕਾਰ ਵਾਟਿਕਾ ਵੱਲੋਂ ਵਾਤਾਵਰਨ ਨੂੰ ਪ੍ਰਦੂਸ਼ਣ ਰਹਿਤ ਬਣਾਉਣ ਲਈ ਵਿਸ਼ੇਸ਼ ਉਪਰਾਲਾ ਕੀਤਾ ਗਿਆ ਹੈ। ਮ੍ਰਿਤਕ ਦੇਹ ਦਾ ਅੰਤਿਮ ਸੰਸਕਾਰ ਹੁਣ ਲੱਕੜ ਨਾਲ ਨਹੀਂ, ਸਗੋਂ ਗੋਹੇ ਦੇ ਬਣੇ ਚਿੱਠਿਆਂ ਨਾਲ ਕੀਤਾ ਜਾਵੇਗਾ। ਉੱਥੇ ਹੀ ਸੰਸਥਾ ਵੱਲੋਂ ਲੱਕੜਾਂ ਦੀ ਕਟਾਈ ਨੂੰ ਰੋਕਣ ਲਈ ਵੀ ਉਪਰਾਲੇ ਕੀਤੇ ਜਾ ਰਹੇ ਹਨ ਅਤੇ ਵਾਤਾਵਰਨ ਨੂੰ ਬਚਾਉਣ ਦੇ ਉਪਰਾਲੇ ਕੀਤੇ ਜਾ ਰਹੇ ਹਨ। ਗੋਹੇ ਦੀ ਬਣੀ ਸਮਾਧ ਵੀ ਤਿਆਰ ਕੀਤੀ ਜਾ ਰਹੀ ਹੈ।
ਸੋਟੀਆਂ ਤਿਆਰ ਕਰਨ ਦੇ ਪ੍ਰੋਜੈਕਟ
ਦੱਸ ਦੇਈਏ ਕਿ ਪਿਛਲੇ ਇੱਕ ਸਾਲ ਤੋਂ ਸੰਸਥਾ ਵੱਲੋਂ ਪਵਿੱਤਰ ਗਾਂ ਦੇ ਗੋਹੇ ਤੋਂ ਲੱਕੜ ਦੀ ਤਰ੍ਹਾਂ ਸੋਟੀਆਂ ਤਿਆਰ ਕਰਨ ਦੇ ਪ੍ਰੋਜੈਕਟ ਵਿੱਚ ਜੁਟੀ ਹੋਈ ਹੈ, ਜਿਸ ਦੀ ਪ੍ਰੇਰਨਾ ਨਾਲ ਹੁਣ ਤੱਕ 40 ਦੇ ਕਰੀਬ ਸੰਸਕਾਰ ਗਾਂ ਦੇ ਗੋਹੇ ਤੋਂ ਸੋਟੀਆਂ ਤਿਆਰ ਕੀਤੀਆਂ ਜਾ ਰਹੀ ਹਨ। ਇਸ ਦੇ ਲਈ ਹੁਣ ਉਨ੍ਹਾਂ ਨੂੰ ਨਿਗਮ ਨੇ ਮਨਜ਼ੂਰੀ ਦੇ ਦਿੱਤੀ ਹੈ। ਵੈਦਿਕ ਸੰਸਕਾਰ ਵਾਟਿਕਾ ਦੇ ਇਸ ਉਪਰਾਲੇ ਰਾਹੀਂ, ਜਿੱਥੇ ਵਾਤਾਵਰਨ ਸ਼ੁੱਧ ਰਹਿੰਦਾ ਹੈ, ਉੱਥੇ ਜੰਗਲਾਂ ਦੀ ਕਟਾਈ ਨੂੰ ਵੀ ਰੋਕਿਆ ਜਾ ਸਕਦਾ ਹੈ।
ਗਾਂ ਦੇ ਗੋਹੇ ਦੀ ਲੱਕੜ
ਸੰਸਥਾ ਦੇ ਮੈਂਬਰਾਂ ਨਾਲ ਗੱਲ ਕੀਤੀ ਗਈ, ਤਾਂ ਉਨ੍ਹਾਂ ਕਿਹਾ ਕਿ ਇੱਕ ਸਾਲ ਪਹਿਲਾਂ ਅਕਤੂਬਰ 2023 ਵਿੱਚ ਸਿਰਫ਼ 5 ਲੋਕਾਂ ਨੇ ਮਿਲ ਕੇ ਗਾਂ ਦੇ ਗੋਹੇ ਤੋਂ ਲੱਕੜ ਦੀ ਤਰ੍ਹਾਂ ਸੋਟੀਆਂ ਤਿਆਰ ਕਰਨ ਦਾ ਪ੍ਰੋਜੈਕਟ ਸ਼ੁਰੂ ਕੀਤਾ ਸੀ। ਇਹ ਕਾਫ਼ਲਾ ਹੌਲੀ-ਹੌਲੀ ਅੱਗੇ ਵਧਿਆ ਹੈ ਅਤੇ ਹੁਣ 30 ਪਰਿਵਾਰ ਇਸ ਪ੍ਰੋਜੈਕਟ ਨਾਲ ਜੁੜ ਗਏ ਹਨ। ਉਨ੍ਹਾਂ ਕਿਹਾ ਕਿ ਮਹਾਰਾਸ਼ਟਰ ਵਿੱਚ ਜ਼ਿਆਦਾਤਰ ਲੋਕ ਗਾਂ ਦੇ ਗੋਹੇ ਦੀ ਲੱਕੜ ਦੀ ਵਰਤੋਂ ਕਰਕੇ ਅੰਤਿਮ ਸੰਸਕਾਰ ਕਰਦੇ ਹਨ, ਜੋ ਪ੍ਰਦੂਸ਼ਣ ਰਹਿਤ ਹੈ। ਉਨ੍ਹਾਂ ਦੱਸਿਆ ਕਿ ਅੰਬ ਦੀ ਲੱਕੜ ਦੀ ਥਾਂ ਗਾਂ ਦੇ ਗੋਹੇ ਤੋਂ ਤਿਆਰ ਕੀਤੀਆਂ ਛੋਟੀਆਂ ਲੱਕੜਾਂ ਦੀ ਵਰਤੋਂ ਹਵਨ ਯੱਗ ਵਿੱਚ ਕੀਤੀ ਜਾਂਦੀ ਹੈ।
ਰੁੱਖ ਅਤੇ ਪੌਦੇ ਸੁਰੱਖਿਅਤ ਰਹਿਣਗੇ
ਸੰਸਥਾ ਦੇ ਮੈਂਬਰ ਨੇ ਦੱਸਿਆ ਕਿ ਗੋਹੇ ਤੋਂ ਤਿਆਰ ਕੀਤੀਆਂ ਇਨ੍ਹਾਂ ਵੱਡੀਆਂ ਲੱਕੜਾਂ ਮ੍ਰਿਤਕ ਵਿਅਕਤੀ ਦੇ ਸੰਸਕਾਰ ਦੌਰਾਨ ਕੰਮ ਆ ਰਹੀਆਂ ਹਨ ਅਤੇ ਇਸ ਇਸ ਰਾਹੀਂ ਕੀਤੇ ਜਾਣ ਵਾਲੇ ਸੰਸਕਾਰ ਪ੍ਰਦੂਸ਼ਣ ਰਹਿਤ ਹੁੰਦੇ ਹਨ। ਇਸ ਪ੍ਰਾਜੈਕਟ ਤਹਿਤ ਰੋਜ਼ਾਨਾ 6 ਕੁਇੰਟਲ ਗੋਹੇ ਨੂੰ ਲੱਕੜ ਦਾ ਰੂਪ ਦਿੱਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਲੋਕ ਇਨ੍ਹਾਂ ਦੀ ਵੱਧ ਤੋਂ ਵੱਧ ਵਰਤੋਂ ਕਰਨ, ਤਾਂ ਜੰਗਲਾਂ ਵਿੱਚ ਰੋਜ਼ਾਨਾ ਹੋ ਰਹੀ ਕਟਾਈ ਰੁੱਕਣ ਦੀ ਸੰਭਾਵਨਾ ਵੀ ਵੱਧ ਜਾਵੇਗੀ। ਇਸ ਦੇ ਨਾਲ ਹੀ ਜੇਕਰ ਰੁੱਖ ਅਤੇ ਪੌਦੇ ਸੁਰੱਖਿਅਤ ਰਹਿਣਗੇ ਤਾਂ ਵਾਤਾਵਰਨ ਵੀ ਸ਼ੁੱਧ ਰਹੇਗਾ।
ਜੰਗਲਾਂ ਵਿੱਚ ਲੱਕੜਾਂ ਦੀ ਕਟਾਈ ਵੀ ਬੰਦ
ਸੰਸਥਾ ਦੇ ਮੈਂਬਰਾਂ ਨੇ ਕਿਹਾ ਕਿ ਲਾਸ਼ ਨੂੰ ਸਾੜਨ ਲਈ ਬਹੁਤ ਜ਼ਿਆਦਾ ਲੱਕੜਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜੋ ਕਿ ਵਾਤਾਵਰਨ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦਿਆਂ ਅਸੀਂ ਇਕੱਠੇ ਹੋ ਕੇ ਇਹ ਪ੍ਰੋਜੈਕਟ ਸ਼ੁਰੂ ਕੀਤਾ ਹੈ। ਇਸ ਨਾਲ ਜਿੱਥੇ ਵਾਤਾਵਰਨ ਨੂੰ ਪ੍ਰਦੂਸ਼ਣ ਤੋਂ ਬਚਾਇਆ ਜਾ ਸਕੇਗਾ, ਉੱਥੇ ਹੀ ਜੰਗਲਾਂ ਵਿੱਚ ਲੱਕੜਾਂ ਦੀ ਕਟਾਈ ਵੀ ਬੰਦ ਹੋ ਜਾਵੇਗੀ। ਇਸ ਵਿੱਚ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਅਤੇ ਕਈ ਲੋਕਾਂ ਦੇ ਵਿਰੋਧ ਦਾ ਵੀ ਸਾਹਮਣਾ ਕਰਨਾ ਪਿਆ।
