ਲੁਧਿਆਣਾ: ਲੁਧਿਆਣਾ ਰੇਲਵੇ ਸਟੇਸ਼ਨ ਤੋਂ ਲਾਪਤਾ ਹੋਈ ਬੱਚੀ ਹਾਲੇ ਤੱਕ ਨਹੀਂ ਮਿਲ ਸਕੀ ਹੈ, ਦਰਅਸਲ 30 ਜੂਨ ਦੀ ਰਾਤ ਵੇਲੇ ਇੱਕ ਬੱਚੀ ਨੂੰ ਉਦੋਂ ਕੋਈ ਚੁੱਕ ਲੈ ਗਿਆ ਸੀ ਜਦੋਂ ਉਹ ਆਪਣੇ ਮਾਪਿਆਂ ਦੇ ਨਾਲ ਸੁੱਤੀ ਪਈ ਸੀ ਉਸ ਦੇ ਮਾਪਿਆਂ ਦੀ ਵੀ ਅੱਖ ਲੱਗ ਗਈ ਅਤੇ ਉਸ ਤੋਂ ਬਾਅਦ ਬੱਚੀ ਨੂੰ ਲੈ ਕੇ ਕੋਈ ਫਰਾਰ ਹੋ ਗਿਆ, ਬੱਚੀ ਦੇ ਲਾਪਤਾ ਹੋਣ ਤੋਂ ਬਾਅਦ 15 ਦਿਨ ਬੀਤ ਗਏ ਹਨ ਪਰ ਉਸ ਦਾ ਹਾਲੇ ਤੱਕ ਕੁਝ ਪਤਾ ਨਹੀਂ ਲੱਗ ਸਕਿਆ ਹੈ, ਜਿਸ ਨੂੰ ਲੈ ਕੇ ਪੁਲਿਸ ਨੇ ਆਪਣੇ ਨਿੱਜੀ ਖਾਤੇ ਤੋਂ 1 ਲੱਖ ਰੁਪਏ ਬੱਚੀ ਬਾਰੇ ਜਾਣਕਾਰੀ ਦੇਣ ਵਾਲੇ ਨੂੰ ਇਨਾਮ ਦੇ ਰੂਪ ਦੇ ਵਿੱਚ ਦੇਣ ਦਾ ਐਲਾਨ ਵੀ ਕੀਤਾ ਹੈ।
ਇਸ ਬੱਚੀ ਨੂੰ ਲਿਜਾਂਦੇ ਦੀ ਇਕ ਸੀਸੀਟੀਵੀ ਫੁਟੇਜ ਵੀ ਹੁਣ ਸਾਹਮਣੇ ਆਈ ਹੈ ਜਿਸ ਵਿੱਚ ਇੱਕ ਮਹਿਲਾ ਬੱਚੀ ਨੂੰ ਆਪਣੇ ਨਾਲ ਲੈਜਾ ਰਹੀ ਹੈ। ਹਾਲਾਂਕਿ ਰੇਲਵੇ ਸਟੇਸ਼ਨ ਦੇ ਕੈਮਰੇ ਖਰਾਬ ਹੋਣ ਕਰਕੇ ਮੁਲਜ਼ਮ ਦਾ ਪਤਾ ਨਹੀਂ ਲੱਗ ਸਕਿਆ ਹੈ, ਪੁਲਿਸ ਨੇ ਕਿਹਾ ਕਿ ਕੈਮਰੇ ਵੇਖਣਾ ਰੇਲਵੇ ਵਿਭਾਗ ਦਾ ਕੰਮ ਹੈ ਅਤੇ ਸਟੇਸ਼ਨ ਤੇ ਨਿਰਮਾਣ ਦਾ ਕੰਮ ਚੱਲ ਰਿਹਾ ਹੈ ਸਟੇਸ਼ਨ ਅਪਗਰੇਡ ਹੋ ਰਿਹਾ ਹੈ ਇਸ ਕਰਕੇ ਕੈਮਰੇ ਦੀਆਂ ਤਾਰਾਂ ਖੁੱਲੀਆਂ ਹੋਈਆਂ ਹਨ, ਜੀਆਰਪੀ ਅਤੇ ਆਰਪੀਐਫ ਵੱਲੋਂ ਇਸ ਸਬੰਧੀ ਤਫਤੀਸ਼ ਕੀਤੀ ਜਾ ਰਹੀ ਹੈ। ਜਿੱਥੇ ਪਰਿਵਾਰ ਨੇ ਕਿਹਾ ਕਿ ਉਹ ਹਲੇ ਤੱਕ ਪਰੇਸ਼ਾਨ ਹਨ ਕਿ ਉਹਨਾਂ ਦੀ ਬੱਚੀ ਨੂੰ ਕੌਣ ਅਤੇ ਕਿਉਂ ਚੁੱਕ ਕੇ ਲੈ ਗਿਆ ਉੱਥੇ ਹੀ ਦੂਜੇ ਪਾਸੇ ਪੁਲਿਸ ਦੇ ਹੱਥਾਂ ਦੇ ਤੱਕ ਖਾਲੀ ਹਨ। ਪੁਲਿਸ ਵੱਲੋਂ ਇਸ਼ਤਿਆਰ ਛੱਪਵਾ ਕੇ ਥਾਂ-ਥਾਂ ਤੇ ਲਗਾਏ ਗਏ ਹਨ ਤਾਂ ਜੋ ਬੱਚੀ ਬਾਰੇ ਪਤਾ ਲੱਗ ਸਕੇ।
- ਰੂਹ ਕੰਬਾਊ ਵਾਰਦਾਤ! ਘਰ ਦਾ ਮੁਖੀਆ ਹੀ ਬਣਿਆ ਹੈਵਾਨ, ਪਹਿਲਾਂ ਆਪਣੀ ਪਤਨੀ ਨੂੰ ਲਗਾ ਦਿੱਤਾ ਟੀਕਾ, ਫਿਰ ਦੋ ਧੀਆਂ ਨੂੰ ਉਤਾਰਿਆ ਮੌਤ ਦੇ ਘਾਟ - Man kills wife two daughters
- ਅੰਮ੍ਰਿਤਸਰ 'ਚ ਬਾਈਬਲ ਦੀ ਬੇਅਦਬੀ ਕਰਨ ਵਾਲਿਆਂ ਨੂੰ ਪੁਲਿਸ ਨੇ ਦੋ ਘੰਟਿਆਂ ਵਿੱਚ ਕੀਤਾ ਕਾਬੂ - Amritsar Bible Sacrilege Incident
- ਪੁਲਿਸ ਨੇ ਬਠਿੰਡਾ ਤੋਂ 41 ਕੁਇੰਟਲ ਭੁੱਕੀ ਕੀਤੀ ਬਰਾਮਦ, ਇੱਕ ਮੁਲਜ਼ਮ ਗ੍ਰਿਫ਼ਤਾਰ - recovered poppy from Bathinda
ਬੱਚੀ ਦੇ ਮਾਪੇ ਪਰੇਸ਼ਾਨ ਹਨ ਉਸਦੇ ਪਿਤਾ ਨੇ ਅਪੀਲ ਕੀਤੀ ਹੈ ਕਿ ਉਸ ਦੀ ਬੇਟੀ ਨੂੰ ਲੱਭਿਆ ਜਾਵੇ। ਜਦੋਂ ਕਿ ਪੁਲਿਸ ਨੇ ਕਿਹਾ ਕਿ ਜੀਆਰਪੀ ਲਗਾਤਾਰ ਇਸ ਮਾਮਲੇ ਦੇ ਵਿੱਚ ਕੰਮ ਕਰ ਰਹੀ ਹੈ। ਉਹਨਾਂ ਨੇ ਕਿਹਾ ਕਿ ਬੀਤੇ ਲਗਾਤਾਰ 15 ਦਿਨ ਤੋਂ ਉਹ ਪੁਲਿਸ ਸਟੇਸ਼ਨ ਦੇ ਚੱਕਰ ਲਗਾ ਰਹੇ ਹਨ ਪਰ ਹਰ ਵਾਰ ਪੁਲਿਸ ਦੇ ਹੱਥ ਖਾਲੀ ਹੁੰਦੇ ਹਨ ਉਹਨਾਂ ਨੇ ਕਿਹਾ ਕਿ ਪੁਲਿਸ ਉਹਨਾਂ ਦੀ ਬੱਚੀ ਨੂੰ ਲੱਭਣ ਦੇ ਵਿੱਚ ਹਲੇ ਤੱਕ ਨਾਕਾਮ ਹੈ ਪੁਲਿਸ ਨੂੰ ਕੋਈ ਵੀ ਸੁਰਾਗ ਨਹੀਂ ਮਿਲ ਸਕਿਆ ਹੈ ਜਿਸ ਦੇ ਆਧਾਰ ਤੇ ਉਹ ਅੱਗੇ ਦੀ ਕਾਰਵਾਈ ਕਰ ਸਕਣ।
