ਨਵੀਂ ਦਿੱਲੀ: ਭਾਰਤ ਖਿਲਾਫ ਹੋਣ ਵਾਲੀ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਨਿਊਜ਼ੀਲੈਂਡ ਦੀ ਟੀਮ 'ਚ ਵੱਡਾ ਬਦਲਾਅ ਕੀਤਾ ਗਿਆ ਹੈ। ਨਿਊਜ਼ੀਲੈਂਡ ਨੇ 16 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੀ 3 ਮੈਚਾਂ ਦੀ ਟੈਸਟ ਸੀਰੀਜ਼ ਲਈ ਭਾਰਤ ਦਾ ਦੌਰਾ ਕਰਨਾ ਹੈ। ਇਸ ਤੋਂ ਪਹਿਲਾਂ ਹੀ ਟਿਮ ਸਾਊਥੀ ਨਿਊਜ਼ੀਲੈਂਡ ਦੀ ਟੈਸਟ ਕਪਤਾਨੀ ਛੱਡ ਚੁੱਕੇ ਹਨ। ਸਾਊਥੀ ਨੇ ਇਹ ਫੈਸਲਾ ਸ਼੍ਰੀਲੰਕਾ ਖਿਲਾਫ ਮਿਲੀ ਕਰਾਰੀ ਹਾਰ ਤੋਂ ਬਾਅਦ ਲਿਆ ਹੈ।
Tim Southee has stepped down as BLACKCAPS Test captain, with Tom Latham confirmed to take up the role full-time.
— BLACKCAPS (@BLACKCAPS) October 1, 2024
Latham, who has captained the Test side on nine previous occasions, will lead a 15-strong Test squad including Southee, to India next Friday https://t.co/rdMjvX6Nd5
ਟੌਮ ਲੈਥਮ ਨਵੇਂ ਟੈਸਟ ਕਪਤਾਨ ਹੋਣਗੇ
ਨਿਊਜ਼ੀਲੈਂਡ ਨੇ ਐਲਾਨ ਕੀਤਾ ਹੈ ਕਿ ਤੇਜ਼ ਗੇਂਦਬਾਜ਼ ਟਿਮ ਸਾਊਥੀ ਨੇ ਟੈਸਟ ਕਪਤਾਨ ਵਜੋਂ ਆਪਣੀ ਭੂਮਿਕਾ ਛੱਡ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਥਾਂ ਟੌਮ ਲੈਥਮ ਨੂੰ ਨਿਯੁਕਤ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਲੈਥਮ ਪਹਿਲਾਂ ਹੀ ਵਨਡੇ ਅਤੇ ਟੀ-20 ਵਿੱਚ ਨਿਊਜ਼ੀਲੈਂਡ ਦੀ ਕਪਤਾਨੀ ਕਰ ਰਹੇ ਹਨ।
Tim Southee steps down as New Zealand Test captain.
— Mufaddal Vohra (@mufaddal_vohra) October 2, 2024
- Tom Latham appointed new captain. pic.twitter.com/370Wgw5Sdo
ਟਿਮ ਸਾਊਥੀ ਨੇ ਛੱਡੀ ਕਪਤਾਨੀ
ਕੇਨ ਵਿਲੀਅਮਸਨ ਦੇ 2022 ਦੇ ਅੰਤ ਵਿੱਚ ਕਪਤਾਨੀ ਛੱਡਣ ਤੋਂ ਬਾਅਦ ਸਾਊਥੀ ਨਿਊਜ਼ੀਲੈਂਡ ਟੈਸਟ ਟੀਮ ਦੀ ਕਮਾਨ ਸੰਭਾਲ ਰਹੇ ਸੀ। ਉਨ੍ਹਾਂ ਨੇ 14 ਟੈਸਟ ਮੈਚਾਂ ਵਿੱਚ ਟੀਮ ਦੀ ਕਪਤਾਨੀ ਕੀਤੀ। ਇਸ ਦੌਰਾਨ 6 ਜਿੱਤੇ ਅਤੇ 2 ਡਰਾਅ ਰਹੇ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ 6 ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਜਿਸ ਵਿੱਚ ਸ਼੍ਰੀਲੰਕਾ ਖਿਲਾਫ ਹਾਲ ਹੀ ਵਿੱਚ 0-2 ਦੀ ਹਾਰ ਵੀ ਸ਼ਾਮਿਲ ਹੈ।
ਟੀਮ ਦੇ ਹਿੱਤ ਵਿੱਚ ਅਹੁਦਾ ਛੱਡਿਆ
ਟੈਸਟ ਕਪਤਾਨੀ ਤੋਂ ਹਟਣ ਤੋਂ ਬਾਅਦ 35 ਸਾਲਾ ਸਾਊਥੀ ਨੇ ਕਿਹਾ ਕਿ ਅਹੁਦਾ ਛੱਡਣ ਦਾ ਫੈਸਲਾ ਟੀਮ ਦੇ ਹਿੱਤ 'ਚ ਸੀ ਅਤੇ ਉਹ ਨਵੇਂ ਕਪਤਾਨ ਦੇ ਰੂਪ 'ਚ ਲੈਥਮ ਦਾ ਸਮਰਥਨ ਕਰਨਗੇ। ਉਨ੍ਹਾਂ ਨੇ ਕਿਹਾ, 'ਮੇਰੇ ਲਈ ਬਹੁਤ ਹੀ ਖਾਸ ਫਾਰਮੈਟ 'ਚ ਬਲੈਕ ਕੈਪਸ ਦੀ ਕਪਤਾਨੀ ਕਰਨਾ ਮੇਰੇ ਲਈ ਸਨਮਾਨ ਅਤੇ ਖੁਸ਼ੀ ਦੀ ਗੱਲ ਹੈ। ਮੈਂ ਆਪਣੇ ਪੂਰੇ ਕਰੀਅਰ ਦੌਰਾਨ ਹਮੇਸ਼ਾ ਟੀਮ ਨੂੰ ਪਹਿਲ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ ਅਤੇ ਮੇਰਾ ਮੰਨਣਾ ਹੈ ਕਿ ਇਹ ਫੈਸਲਾ ਟੀਮ ਲਈ ਸਭ ਤੋਂ ਵਧੀਆ ਹੈ'।
A change at the helm for New Zealand 🏏
— ICC (@ICC) October 2, 2024
As Tim Southee resigns as Test skipper, the Black Caps have named his replacement 👇https://t.co/fqCgL18ZtA
ਲੈਥਮ ਨੂੰ ਮੇਰਾ ਪੂਰਾ ਸਮਰਥਨ
ਉਨ੍ਹਾਂ ਨੇ ਅੱਗੇ ਕਿਹਾ, 'ਮੇਰਾ ਮੰਨਣਾ ਹੈ ਕਿ ਜਿਸ ਤਰੀਕੇ ਨਾਲ ਮੈਂ ਟੀਮ ਦੀ ਸੇਵਾ ਕਰ ਸਕਦਾ ਹਾਂ ਉਹ ਹੈ ਮੈਦਾਨ 'ਤੇ ਆਪਣੇ ਪ੍ਰਦਰਸ਼ਨ 'ਤੇ ਧਿਆਨ ਦੇਣਾ ਅਤੇ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨਾ, ਵਿਕਟਾਂ ਲੈਣਾ ਜਾਰੀ ਰੱਖਣਾ ਅਤੇ ਨਿਊਜ਼ੀਲੈਂਡ ਨੂੰ ਟੈਸਟ ਮੈਚ ਜਿੱਤਣ 'ਚ ਮਦਦ ਕਰਨਾ। ਮੈਂ ਇਸ ਭੂਮਿਕਾ ਲਈ ਟੌਮ ਨੂੰ ਸ਼ੁੱਭਕਾਮਨਾਵਾਂ ਦਿੰਦਾ ਹਾਂ ਅਤੇ ਜਾਣਦਾ ਹਾਂ ਕਿ ਮੈਂ ਉਨ੍ਹਾਂ ਦੇ ਸਫ਼ਰ 'ਤੇ ਉਨ੍ਹਾਂ ਦਾ ਸਮਰਥਨ ਕਰਨ ਲਈ ਮੌਜੂਦ ਰਹਾਂਗਾ, ਜਿਵੇਂ ਕਿ ਉਨ੍ਹਾਂ ਨੇ ਸਾਲਾਂ ਤੋਂ ਮੇਰੇ ਲਈ ਕੀਤਾ ਹੈ'।
ਇਸ ਦੇ ਨਾਲ ਹੀ ਬਲੈਕਕੈਪਸ ਦੇ ਕੋਚ ਗੈਰੀ ਸਟੀਡ ਨੇ ਟੈਸਟ ਟੀਮ ਵਿੱਚ ਸਾਊਥੀ ਦੇ ਯੋਗਦਾਨ ਨੂੰ ਸਵੀਕਾਰ ਕੀਤਾ। ਉਨ੍ਹਾਂ ਨੇ ਕਿਹਾ, 'ਟਿਮ ਇਕ ਸ਼ਾਨਦਾਰ ਖਿਡਾਰੀ ਅਤੇ ਬਹੁਤ ਵਧੀਆ ਨੇਤਾ ਹੈ, ਜਿਸ ਦਾ ਖਿਡਾਰੀਆਂ ਅਤੇ ਸਹਿਯੋਗੀ ਸਟਾਫ਼ ਵੱਲੋਂ ਬਹੁਤ ਸਨਮਾਨ ਕੀਤਾ ਜਾਂਦਾ ਹੈ'।
- ਪਾਕਿਸਤਾਨ ਕ੍ਰਿਕਟ 'ਚ ਫਿਰ ਆਇਆ ਭੂਚਾਲ, ਬਾਬਰ ਆਜ਼ਮ ਨੇ ਛੱਡੀ ਟੀ-20 ਅਤੇ ਵਨਡੇ ਦੀ ਕਪਤਾਨੀ - BABAR AZAM QUITS CAPTANCY
- ਸਰਕਾਰੀ ਨੌਕਰੀ ਲੈਣ ਤੋਂ ਵੀ ਆਸਾਨ ਹੈ ਕ੍ਰਿਕਟ ਅੰਪਾਇਰ ਬਣਨਾ, ਕਮਾਓਗੇ ਲੱਖਾਂ ਕਰੋੜ, ਜਾਣੋ ਪੂਰੀ ਪ੍ਰਕਿਰਿਆ - Cricket Umpire Process
- ਪਲਕ ਝਪਕਦਿਆਂ ਹੀ ਹੱਲ ਕੀਤਾ ਰੂਬਿਕ ਕਿਊਬ, ਇਸ ਭਾਰਤੀ ਮੁੰਡੇ ਨੇ ਬਣਾਇਆ ਗਿਨੀਜ਼ ਵਰਲਡ ਰਿਕਾਰਡ - Guinness World Record
