ਦਾਂਬੁਲਾ (ਸ਼੍ਰੀਲੰਕਾ) : ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਅਤੇ ਪਾਕਿਸਤਾਨ ਦੀਆਂ ਮਹਿਲਾਵਾਂ ਵਿਚਾਲੇ ਸ਼ੁੱਕਰਵਾਰ ਨੂੰ ਇੱਥੇ ਰੰਗੀਰੀ ਦਾਂਬੁਲਾ ਇੰਟਰਨੈਸ਼ਨਲ ਸਟੇਡੀਅਮ 'ਚ ਖੇਡੇ ਗਏ ਮੈਚ 'ਚ ਭਾਰਤ ਨੇ ਕੱਟੜ ਵਿਰੋਧੀ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਇਕਪਾਸੜ ਮੈਚ 'ਚ ਪਾਕਿਸਤਾਨ ਨੂੰ ਹਰਾ ਕੇ ਮੌਜੂਦਾ ਚੈਂਪੀਅਨ ਭਾਰਤ ਨੇ ਸ਼ਾਨਦਾਰ ਜਿੱਤ ਨਾਲ ਟੂਰਨਾਮੈਂਟ ਦੀ ਸ਼ੁਰੂਆਤ ਕੀਤੀ। ਭਾਰਤ ਨੇ ਪਹਿਲਾਂ ਪਾਕਿਸਤਾਨ ਨੂੰ ਸਿਰਫ 108 ਦੌੜਾਂ 'ਤੇ ਆਊਟ ਕੀਤਾ ਅਤੇ ਫਿਰ 14.1 ਓਵਰਾਂ 'ਚ 109 ਦੌੜਾਂ ਬਣਾ ਕੇ ਆਸਾਨ ਜਿੱਤ ਦਰਜ ਕੀਤੀ। ਮਹਿਲਾ ਏਸ਼ੀਆ ਕੱਪ ਟੀ-20 'ਚ ਭਾਰਤ ਦੀ ਪਾਕਿਸਤਾਨ 'ਤੇ 7 ਮੈਚਾਂ 'ਚ ਇਹ ਛੇਵੀਂ ਜਿੱਤ ਹੈ।
Clinical win for the Women in Blue 🤩#WomensAsiaCup2024 #ACC #HerStory #INDWvPAKW pic.twitter.com/d0AhIu8hSp
— AsianCricketCouncil (@ACCMedia1) July 19, 2024
ਸ਼ਾਨਦਾਰ ਗੇਂਦਬਾਜ਼ੀ: ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਦੇ ਹੋਏ ਦੀਪਤੀ ਸ਼ਰਮਾ ਦੀਆਂ 3 ਵਿਕਟਾਂ ਦੀ ਬਦੌਲਤ ਪਾਕਿਸਤਾਨ ਨੂੰ 108 ਦੌੜਾਂ 'ਤੇ ਆਊਟ ਕਰ ਦਿੱਤਾ। ਰੇਣੁਕਾ ਸਿੰਘ, ਪੂਜਾ ਵਸਤਰਕਾਰ ਅਤੇ ਸ਼੍ਰੇਅੰਕਾ ਪਾਟਿਲ ਨੂੰ ਵੀ 2-2 ਸਫਲਤਾ ਮਿਲੀ। 109 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ ਨੇ ਸਿਰਫ਼ 14.1 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 109 ਦੌੜਾਂ ਬਣਾ ਕੇ ਆਸਾਨ ਜਿੱਤ ਦਰਜ ਕੀਤੀ। ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ (45) ਅਤੇ ਸ਼ੈਫਾਲੀ ਵਰਮਾ (40) ਨੇ 57 ਗੇਂਦਾਂ 'ਤੇ 85 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਭਾਰਤ ਨੂੰ ਤੂਫਾਨੀ ਸ਼ੁਰੂਆਤ ਦਿੱਤੀ। ਦੋਵੇਂ ਬੱਲੇਬਾਜ਼ ਅਰਧ ਸੈਂਕੜੇ ਬਣਾਉਣ ਤੋਂ ਖੁੰਝ ਗਏ ਪਰ ਆਪਣੀ ਟੀਮ ਨੂੰ ਜਿੱਤ ਦਿਵਾਉਣ 'ਚ ਅਹਿਮ ਭੂਮਿਕਾ ਨਿਭਾਈ।
ਦੀਪਤੀ ਸ਼ਰਮਾ ਜਿੱਤ ਦੀ ਹੀਰੋ ਰਹੀ: ਸਟਾਰ ਸਪਿਨਰ ਦੀਪਤੀ ਸ਼ਰਮਾ ਪਾਕਿਸਤਾਨ ਖਿਲਾਫ ਭਾਰਤ ਦੀ ਸ਼ਾਨਦਾਰ ਜਿੱਤ ਦੀ ਹੀਰੋ ਰਹੀ। ਦੀਪਤੀ ਨੇ 4 ਓਵਰਾਂ 'ਚ ਸਿਰਫ 20 ਦੌੜਾਂ ਦੇ ਕੇ 3 ਮਹੱਤਵਪੂਰਨ ਵਿਕਟਾਂ ਲਈਆਂ। ਉਸ ਨੇ ਪਾਕਿਸਤਾਨੀ ਕਪਤਾਨ ਨਿਦਾ ਡਾਰ (8), ਤੂਬਾ ਹਸਨ (22) ਅਤੇ ਨਾਸ਼ਰਾ ਸੰਧੂ (0) ਨੂੰ ਆਪਣਾ ਸ਼ਿਕਾਰ ਬਣਾ ਕੇ ਪਾਕਿਸਤਾਨ ਦੀ ਬੱਲੇਬਾਜ਼ੀ ਲਾਈਨਅੱਪ ਨੂੰ ਤਬਾਹ ਕਰ ਦਿੱਤਾ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਲਈ ਦੀਪਤੀ ਸ਼ਰਮਾ ਨੂੰ ਪਲੇਅਰ ਆਫ ਦਾ ਮੈਚ ਦਾ ਐਵਾਰਡ ਦਿੱਤਾ ਗਿਆ।
An opening partnership #TeamIndia needed! 🔥
— Star Sports (@StarSportsIndia) July 19, 2024
It looks like the #WomenInBlue are on track to secure their first win of the #WomensAsiaCup 2024, clinching the #GreatestRivalry!#INDvPAK | LIVE NOW | #WomensAsiaCupOnStar | Only available in India pic.twitter.com/4m7UyYfl4s
- ਟੀਮ ਇੰਡੀਆ 'ਚ ਪਹਿਲੀ ਵਾਰ ਬੁਲਾਉਣ ਤੋਂ ਬਾਅਦ ਹਰਸ਼ਿਤ ਰਾਣਾ ਨੇ ਕਿਹਾ- ਮੇਰੇ ਕੋਲ ਹੁਨਰ ਸੀ, ਗੌਤਮ ਭਾਈ ਨੇ ਬਦਲ ਦਿੱਤੀ ਮੇਰੀ ਸੋਚ - Harshit Rana
- BCCI ਸਕੱਤਰ ਜੈ ਸ਼ਾਹ ਨੇ ਮਹਿਲਾ ਏਸ਼ੀਆ ਕੱਪ ਦੀ ਸ਼ੁਰੂਆਤ ਤੋਂ ਪਹਿਲਾਂ ਦਿੱਤੀ ਟੀਮ ਇੰਡੀਆਂ ਨੂੰ ਵਧਾਈ - Asia Cup 2024
- ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਵਜੂਦ ਇਨ੍ਹਾਂ ਖਿਡਾਰੀਆਂ ਨੂੰ ਕਿਸ ਗੱਲ ਦੀ ਸਜ਼ਾ? ਹੋਏ ਟੀਮ ਤੋਂ ਬਾਹਰ, ਪ੍ਰਸ਼ੰਸਕ ਵੀ ਭੜਕੇ - INDIA VS SRI LANKA
ਜੇਮਿਮਾਹ ਰੌਡਰਿਗਜ਼ ਨੇ 2000 ਦੌੜਾਂ ਪੂਰੀਆਂ ਕੀਤੀਆਂ: ਟੀਮ ਇੰਡੀਆ ਨੂੰ ਜਿੱਤ ਵੱਲ ਲੈ ਕੇ ਗਈ ਜੇਮਿਮਾਹ ਰੌਡਰਿਗਜ਼ ਤਿੰਨ ਦੌੜਾਂ ਨਾਲ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਆਪਣੀਆਂ 2000 ਦੌੜਾਂ ਪੂਰੀਆਂ ਕਰ ਲਈਆਂ। ਜੇਮਿਮਾ ਦੇ ਨਾਂ ਹੁਣ 96 ਟੀ-20 ਮੈਚਾਂ 'ਚ 30 ਦੀ ਔਸਤ ਨਾਲ 2000 ਦੌੜਾਂ ਹਨ। ਜੇਮਿਮਾਹ ਦੇ ਨਾਮ ਟੀ-20 ਵਿੱਚ 11 ਅਰਧ ਸੈਂਕੜੇ ਹਨ। ਭਾਰਤ ਨੂੰ ਆਪਣਾ ਅਗਲਾ ਗਰੁੱਪ ਮੈਚ UAE ਅਤੇ ਨੇਪਾਲ ਖਿਲਾਫ ਖੇਡਣਾ ਹੈ। ਟੀਮ ਇੰਡੀਆ 21 ਜੁਲਾਈ ਨੂੰ UAE ਖਿਲਾਫ ਖੇਡੇਗੀ। ਇਸ ਤੋਂ ਬਾਅਦ ਇਸ ਦਾ ਸਾਹਮਣਾ 23 ਜੁਲਾਈ ਨੂੰ ਨੇਪਾਲ ਨਾਲ ਹੋਵੇਗਾ। ਇਹ ਦੋਵੇਂ ਮੈਚ ਦਾਂਬੁਲਾ 'ਚ ਹੀ ਖੇਡੇ ਜਾਣਗੇ।
