ਨਵੀਂ ਦਿੱਲੀ: ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਵਨਡੇ ਸੀਰੀਜ਼ ਖੇਡੀ ਜਾ ਰਹੀ ਹੈ। ਇਸ ਸੀਰੀਜ਼ ਦੇ ਦੂਜੇ ਮੈਚ ਤੋਂ ਪਹਿਲਾਂ ਸ਼੍ਰੀਲੰਕਾ ਕ੍ਰਿਕਟ ਟੀਮ ਨੂੰ ਵੱਡਾ ਝਟਕਾ ਲੱਗਾ ਹੈ। ਤਜਰਬੇਕਾਰ ਆਲਰਾਊਂਡਰ ਵਨਿੰਦੂ ਹਸਾਰੰਗਾ ਹੈਮਸਟ੍ਰਿੰਗ ਸੱਟ ਕਾਰਨ ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਚੱਲ ਰਹੀ ਸੀਰੀਜ਼ ਦੇ ਬਾਕੀ ਮੈਚਾਂ ਤੋਂ ਬਾਹਰ ਹੋ ਗਿਆ ਹੈ। ਰੋਹਿਤ ਸ਼ਰਮਾ ਦੀ ਅਗਵਾਈ ਵਾਲੀ ਭਾਰਤੀ ਕ੍ਰਿਕਟ ਟੀਮ ਐਤਵਾਰ ਨੂੰ ਆਰ ਪ੍ਰੇਮਦਾਸਾ ਸਟੇਡੀਅਮ 'ਚ ਦੂਜੇ ਵਨਡੇ 'ਚ ਸ਼੍ਰੀਲੰਕਾ ਦਾ ਸਾਹਮਣਾ ਕਰੇਗੀ।
🚨 Wanindu Hasaranga will miss the remainder of the ODI series, as the player has suffered an injury to his left hamstring. 🚨
— Sri Lanka Cricket 🇱🇰 (@OfficialSLC) August 3, 2024
He experienced pain in his left hamstring while delivering the last ball of his 10th over during the first ODI.
An MRI performed on the player,… pic.twitter.com/BWcv6l4k3a
ਇਸ ਤੋਂ ਪਹਿਲਾਂ, ਦੋਵਾਂ ਟੀਮਾਂ ਦੇ ਕੁੱਲ 230 ਦੌੜਾਂ ਬਣਾਉਣ ਤੋਂ ਬਾਅਦ ਪਹਿਲਾ ਵਨਡੇ ਬਰਾਬਰੀ 'ਤੇ ਰਿਹਾ ਅਤੇ ਹਸਾਰੰਗਾ ਨੇ ਮੇਜ਼ਬਾਨ ਟੀਮ ਲਈ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਈ ਕਿਉਂਕਿ ਉਸ ਨੇ ਭਾਰਤ ਨਾਲ ਮੈਚ ਜਿੱਤ ਦੇ ਕੰਢੇ 'ਤੇ ਪਹੁੰਚਾਇਆ ਸੀ। ਟੀ-20 ਸੀਰੀਜ਼ ਤੋਂ ਪਹਿਲਾਂ ਟੀ-20 ਦੀ ਕਪਤਾਨੀ ਛੱਡਣ ਵਾਲੇ ਹਸਰੰਗਾ ਨੇ ਅੱਠਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਦੇ ਹੋਏ ਦੋ ਛੱਕਿਆਂ ਅਤੇ ਇਕ ਚੌਕੇ ਦੀ ਮਦਦ ਨਾਲ 24 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਲੈੱਗ ਸਪਿਨਰ ਨੇ 3 ਅਹਿਮ ਵਿਕਟਾਂ ਵੀ ਲਈਆਂ।
27 ਸਾਲਾ ਖਿਡਾਰੀ ਨੂੰ ਸਪੈਲ ਦੇ ਆਪਣੇ ਆਖ਼ਰੀ ਓਵਰ ਦੌਰਾਨ ਹੈਮਸਟ੍ਰਿੰਗ ਨੂੰ ਛੂਹਦਿਆਂ ਦੇਖਿਆ ਗਿਆ। ਵਨਿੰਦੂ ਹਸਾਰੰਗਾ ਖੱਬੇ ਹੱਥ ਦੀ ਸੱਟ ਕਾਰਨ ਵਨਡੇ ਸੀਰੀਜ਼ ਦੇ ਬਾਕੀ ਮੈਚਾਂ ਤੋਂ ਬਾਹਰ ਹੋ ਗਿਆ ਹੈ। ਪਹਿਲੇ ਵਨਡੇ ਦੌਰਾਨ, ਉਸ ਨੇ ਆਪਣੇ 10ਵੇਂ ਓਵਰ ਦੀ ਆਖਰੀ ਗੇਂਦ ਨੂੰ ਸੁੱਟਦੇ ਸਮੇਂ ਆਪਣੇ ਖੱਬੇ ਹੈਮਸਟ੍ਰਿੰਗ ਵਿੱਚ ਦਰਦ ਮਹਿਸੂਸ ਕੀਤਾ ਸੀ। ਇਸ ਤੋਂ ਬਾਅਦ ਖਿਡਾਰੀ ਵਲੋਂ ਕਰਵਾਏ ਗਏ ਐੱਮਆਰਆਈ 'ਚ ਸੱਟ ਦੀ ਪੁਸ਼ਟੀ ਹੋਈ ਹੈ।
ਵੈਨਿੰਡੂ ਦੀ ਜਗ੍ਹਾ ਜੈਫਰੀ ਵਾਂਡਰਸੇ ਨੂੰ ਸ਼੍ਰੀਲੰਕਾ ਦੀ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ। ਸ਼੍ਰੀਲੰਕਾਈ ਕ੍ਰਿਕਟ ਟੀਮ ਸੱਟਾਂ ਕਾਰਨ ਆਪਣੇ ਸਟਾਰ ਤੇਜ਼ ਗੇਂਦਬਾਜ਼ ਮਥੀਸ਼ਾ ਪਥੀਰਾਨਾ, ਦਿਲਸ਼ਾਨ ਮਦੁਸ਼ੰਕਾ, ਦੁਸ਼ਮੰਥਾ ਚਮੀਰਾ ਅਤੇ ਨੁਵਾਨ ਥੁਸ਼ਾਰਾ ਦੀਆਂ ਸੇਵਾਵਾਂ ਪਹਿਲਾਂ ਹੀ ਗੁਆ ਚੁੱਕੀ ਹੈ। ਸ਼੍ਰੀਲੰਕਾ ਦੀ ਟੀਮ 'ਚ ਸ਼ਾਮਲ 34 ਸਾਲਾ ਵਾਂਡਰਸੇ ਨੇ ਇਸ ਸਾਲ ਜਨਵਰੀ 'ਚ ਜ਼ਿੰਬਾਬਵੇ ਖਿਲਾਫ ਸ਼੍ਰੀਲੰਕਾ ਲਈ ਆਪਣੇ 22 ਵਨਡੇ ਮੈਚਾਂ 'ਚੋਂ ਆਖਰੀ ਮੈਚ ਖੇਡਿਆ ਸੀ। ਤੀਜਾ ਅਤੇ ਆਖਰੀ ਵਨਡੇ 7 ਅਗਸਤ ਨੂੰ ਇਸੇ ਮੈਦਾਨ 'ਤੇ ਖੇਡਿਆ ਜਾਵੇਗਾ।
- ਭਾਰਤੀ ਕ੍ਰਿਕਟ ਟੀਮ ਨੂੰ ਮਿਲੀ ਨਵੀਂ ਨੈਸ਼ਨਲ ਕ੍ਰਿਕਟ ਅਕੈਡਮੀ, ਜਾਣੋ ਕਿਹੜੀਆਂ ਸਹੂਲਤਾਂ ਨਾਲ ਹੋਵੇਗੀ ਲੈਸ - NEW NCA
- ਸਾਬਕਾ ਭਾਰਤੀ ਕ੍ਰਿਕਟਰ ਵਸੀਮ ਜਾਫਰ ਹੋਣਗੇ ਪੰਜਾਬ ਰਣਜੀ ਟਰਾਫੀ ਟੀਮ ਦੇ ਕੋਚ - Wasim Jaffer
- ਵਿਰਾਟ-ਰੋਹਿਤ ਸਕੂਲ 'ਚ ਸਨ ਤੇ ਗਿੱਲ ਦਾ ਉਦੋਂ ਨਹੀਂ ਹੋਇਆ ਸੀ ਜਨਮ, ਜਾਣੋ ਕਦੋਂ ਜਿੱਤੀ ਸ਼੍ਰੀਲੰਕਾ ਨੇ ਭਾਰਤ ਖਿਲਾਫ ਆਖਰੀ ਵਨਡੇ ਸੀਰੀਜ਼ - IND vs SL ODI
