ਮੀਂਹ ਕਾਰਨ ਪਹਿਲੇ ਦਿਨ ਕਾਨਪੁਰ ਟੈਸਟ ਮੈਚ ਹੋਇਆ ਪ੍ਰਭਾਵਿਤ , ਜਾਣੋ ਅੱਗੇ ਕਿਹੋ ਜਿਹਾ ਰਹੇਗਾ ਮੌਸਮ? - India vs Bangladesh Kanpur test

ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਗ੍ਰੀਨ ਪਾਰਕ ਸਟੇਡੀਅਮ, ਕਾਨਪੁਰ ਵਿੱਚ ਖੇਡੇ ਜਾ ਰਹੇ ਦੂਜੇ ਟੈਸਟ ਮੈਚ ਦੇ ਪਹਿਲੇ ਦਿਨ ਦੀ ਖੇਡ ਮੀਂਹ ਅਤੇ ਖਰਾਬ ਰੋਸ਼ਨੀ ਕਾਰਨ ਰੱਦ ਕਰ ਦਿੱਤੀ ਗਈ ਹੈ। ਪੜ੍ਹੋ ਪੂਰੀ ਖਬਰ..

ਕਾਨਪੁਰ (ਉੱਤਰ ਪ੍ਰਦੇਸ਼) : ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਕਾਨਪੁਰ ਗ੍ਰੀਨ ਪਾਰਕ ਸਟੇਡੀਅਮ 'ਚ ਦੂਜਾ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਦੇ ਪਹਿਲੇ ਦਿਨ ਦੀ ਖੇਡ ਮੀਂਹ ਅਤੇ ਖਰਾਬ ਰੋਸ਼ਨੀ ਕਾਰਨ ਰੱਦ ਕਰ ਦਿੱਤੀ ਗਈ ਹੈ। ਇਸ ਤੋਂ ਪਹਿਲਾਂ ਮੈਚ ਸ਼ੁਰੂ ਹੋਣ ਤੋਂ ਡੇਢ ਘੰਟੇ ਬਾਅਦ ਮੀਂਹ ਆ ਗਿਆ ਅਤੇ ਖੇਡ ਨੂੰ ਰੋਕ ਦਿੱਤਾ ਗਿਆ। ਇਸ ਤੋਂ ਬਾਅਦ ਖੇਡ ਨਹੀਂ ਹੋ ਸਕੀ ਅਤੇ ਦਿਨ ਦੀ ਖੇਡ ਨੂੰ ਰੱਦ ਕਰਨਾ ਪਿਆ।

UPDATE 🚨

Due to incessant rains, play on Day 1 has been called off in Kanpur.

Scorecard - https://t.co/JBVX2gyyPf#TeamIndia | #INDvBAN | @IDFCFIRSTBank pic.twitter.com/HSctfZChvp

— BCCI (@BCCI) September 27, 2024

ਮੈਚ ਕਿਵੇਂ ਰਿਹਾ?

ਇਹ ਮੈਚ ਵਿੱਚ ਟਾਸ ਇੱਕ ਘੰਟੇ ਦੀ ਦੇਰੀ ਨਾਲ ਸ਼ੁਰੂ ਹੋਇਆ, ਜਿੱਥੇ ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਮੀਂਹ ਦੇ ਸ਼ੁਰੂ ਹੋਣ ਤੱਕ ਬੰਗਲਾਦੇਸ਼ ਨੇ 35 ਓਵਰਾਂ ਵਿੱਚ 3 ਵਿਕਟਾਂ ਗੁਆ ਕੇ 107 ਦੌੜਾਂ ਬਣਾ ਲਈਆਂ ਸਨ। ਭਾਰਤ ਲਈ ਆਕਾਸ਼ ਦੀਪ ਨੇ 2 ਅਤੇ ਰਵੀਚੰਦਰਨ ਅਸ਼ਵਿਨ ਨੇ 1 ਵਿਕਟ ਲਈ। ਬੰਗਲਾਦੇਸ਼ ਲਈ ਜ਼ਾਕਿਰ ਹਸਨ ਜ਼ੀਰੋ 'ਤੇ ਪੈਵੇਲੀਅਨ ਪਰਤ ਗਏ। ਇਸ ਤੋਂ ਬਾਅਦ ਸ਼ਾਦਮਾਨ ਇਸਲਾਮ 24 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ। ਕਪਤਾਨ ਨਜ਼ਮੁਲ ਹੁਸੈਨ ਸ਼ਾਂਤੋ 31 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਅਸ਼ਵਿਨ ਦਾ ਸ਼ਿਕਾਰ ਬਣੇ। ਫਿਲਹਾਲ ਬੰਗਲਾਦੇਸ਼ ਲਈ ਕ੍ਰੀਜ਼ 'ਤੇ ਮੋਮਿਨੁਲ ਹੱਕ 40 ਅਤੇ ਮੁਸ਼ਫਿਕੁਰ ਰਹੀਮ 6 ਦੌੜਾਂ 'ਤੇ ਨਾਬਾਦ ਹਨ।

Lunch on the opening day of the Kanpur Test 🍱

Bangladesh move to 74/2 after 26 overs.

Stay tuned for the afternoon session ⏳

Scorecard - https://t.co/JBVX2gyyPf#TeamIndia | #INDvBAN | @IDFCFIRSTBank pic.twitter.com/Jocxs8Ld9p

— BCCI (@BCCI) September 27, 2024

ਕਾਨਪੁਰ 'ਚ ਅੱਗੇ ਵੀ ਪੈ ਸਕਦੀ ਹੈ ਮੌਸਮ ਦੀ ਮਾਰ

ਮੈਚ ਦੇ ਪਹਿਲੇ 4 ਦਿਨਾਂ ਲਈ ਮੌਸਮ ਦਾ ਅਨੁਮਾਨ ਕਾਫ਼ੀ ਨਿਰਾਸ਼ਾਜਨਕ ਹੈ। Accuweather ਦੀ ਰਿਪੋਰਟ ਦੇ ਅਨੁਸਾਰ, 27 ਸਤੰਬਰ ਨੂੰ ਪਹਿਲੇ ਦਿਨ ਮੀਂਹ ਪੈਣ ਦੀ ਸੰਭਾਵਨਾ 93% ਹੈ, ਜਦੋਂ ਕਿ ਦਿਨ ਭਰ ਤੂਫਾਨ ਦੀ ਭਵਿੱਖਬਾਣੀ ਕੀਤੀ ਗਈ ਹੈ। ਦੂਜੇ ਦਿਨ ਵੀ ਸਥਿਤੀ ਵਿੱਚ ਕੋਈ ਖਾਸ ਸੁਧਾਰ ਨਹੀਂ ਹੋਵੇਗਾ, ਮੀਂਹ ਦੀ ਸੰਭਾਵਨਾ 80% ਹੈ। ਜਿਵੇਂ-ਜਿਵੇਂ ਟੈਸਟ ਅੱਗੇ ਵਧੇਗਾ, ਮੀਂਹ ਪੈਣ ਦੀ ਸੰਭਾਵਨਾ ਰਹੇਗੀ। ਤੀਜੇ ਦਿਨ 65 ਫੀਸਦੀ ਅਤੇ ਚੌਥੇ ਦਿਨ 59 ਫੀਸਦੀ ਮੀਂਹ ਪੈਣ ਦੀ ਸੰਭਾਵਨਾ ਹੈ, ਜੋ ਆਖਰੀ ਦਿਨ ਸਿਰਫ 5 ਫੀਸਦੀ ਹੀ ਰਹਿ ਜਾਵੇਗੀ।