ਸਿਡਨੀ : ਬਾਰਡਰ ਗਾਵਸਕਰ ਟਰਾਫੀ ਦਾ ਪੰਜਵਾਂ ਅਤੇ ਆਖਰੀ ਟੈਸਟ ਮੈਚ ਆਸਟ੍ਰੇਲੀਆ ਅਤੇ ਭਾਰਤ ਵਿਚਾਲੇ ਸਿਡਨੀ ਕ੍ਰਿਕਟ ਮੈਦਾਨ 'ਤੇ ਖੇਡਿਆ ਜਾ ਰਿਹਾ ਹੈ। ਇਸ ਪਿੰਕ ਟੈਸਟ 'ਚ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ਦਾ ਦਬਦਬਾ ਪੂਰੀ ਤਰ੍ਹਾਂ ਦੇਖਣ ਨੂੰ ਮਿਲਿਆ। ਭਾਰਤੀ ਕਪਤਾਨ ਜਸਪ੍ਰੀਤ ਬੁਮਰਾਹ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ।
Nathan Lyon gets a wicket on the last ball before lunch 👀#AUSvIND pic.twitter.com/B5nfTtBvem
— cricket.com.au (@cricketcomau) January 3, 2025
ਬੁਮਰਾਹ ਦੇ ਇਸ ਫੈਸਲੇ ਨੂੰ ਸਿਡਨੀ 'ਚ ਹਰੇ-ਭਰੇ ਘਾਹ ਨਾਲ ਸਜੀ ਪਿੱਚ 'ਤੇ ਆਸਟ੍ਰੇਲੀਆਈ ਗੇਂਦਬਾਜ਼ਾਂ ਨੇ ਪੂਰੀ ਤਰ੍ਹਾਂ ਨਾਲ ਗਲਤ ਸਾਬਤ ਕਰ ਦਿੱਤਾ ਅਤੇ ਭਾਰਤੀ ਟੀਮ 72.2 ਓਵਰਾਂ 'ਚ 185 ਦੌੜਾਂ 'ਤੇ ਢੇਰ ਹੋ ਗਈ। ਜਿਸ ਤਰ੍ਹਾਂ ਪਰਥ ਟੈਸਟ ਤੋਂ ਬਾਅਦ ਇਸ ਪੂਰੀ ਸੀਰੀਜ਼ 'ਚ ਭਾਰਤ ਦਾ ਬੱਲੇਬਾਜ਼ੀ ਕ੍ਰਮ ਹਮੇਸ਼ਾ ਢਹਿ-ਢੇਰੀ ਹੋ ਜਾਂਦਾ ਹੈ, ਅੱਜ ਇਕ ਵਾਰ ਫਿਰ ਢਹਿ-ਢੇਰੀ ਹੋ ਗਿਆ।
Mitch Starc trapped Ravi Jadeja with a beauty. #AUSvIND pic.twitter.com/kaldwdI4qA
— cricket.com.au (@cricketcomau) January 3, 2025
ਭਾਰਤ ਦੀ ਸਲਾਮੀ ਜੋੜੀ ਨਹੀਂ ਕਰ ਸਕੀ ਕਮਾਲ
ਭਾਰਤੀ ਸਲਾਮੀ ਬੱਲੇਬਾਜ਼ ਕੇਐੱਲ ਰਾਹੁਲ ਇਸ ਮੈਚ 'ਚ ਸ਼ਾਨਦਾਰ ਪ੍ਰਦਰਸ਼ਨ ਨਹੀਂ ਕਰ ਸਕੇ ਅਤੇ ਸਿਰਫ਼ 4 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਮਿਸ਼ੇਲ ਸਟਾਰਕ ਦਾ ਸ਼ਿਕਾਰ ਹੋ ਗਏ। ਇਸ ਤੋਂ ਬਾਅਦ ਯਸ਼ਸਵੀ ਜੈਸਵਾਲ ਵੀ ਆਪਣਾ ਰੰਗ ਨਾ ਦਿਖਾ ਸਕੇ ਅਤੇ ਸਿਰਫ 10 ਦੌੜਾਂ ਬਣਾ ਕੇ ਬੋਲੈਂਡ ਦੀ ਗੇਂਦ 'ਤੇ ਕੈਚ ਦੇ ਕੇ ਪੈਵੇਲੀਅਨ ਪਰਤ ਗਏ।
Scott Boland picked up his 50th Test wicket... and nearly had a hat-trick too! #AUSvIND | #MilestoneMoment | @nrmainsurance pic.twitter.com/M5PTfgJnL0
— cricket.com.au (@cricketcomau) January 3, 2025
ਟੀਮ ਇੰਡੀਆ ਦਾ ਮਿਡਲ ਆਰਡਰ ਵੀ ਨਜ਼ਰ ਆਇਆ ਬੇਰੰਗ
ਰੋਹਿਤ ਸ਼ਰਮਾ ਨੂੰ ਇਸ ਮੈਚ ਤੋਂ ਬਾਹਰ ਕਰਨ ਤੋਂ ਬਾਅਦ ਟੀਮ ਇੰਡੀਆ ਦਾ ਮਿਡਲ ਆਰਡਰ ਵੀ ਚੰਗਾ ਨਹੀਂ ਲੱਗ ਰਿਹਾ ਸੀ। ਸ਼ੁਭਮਨ ਗਿੱਲ 20 ਦੌੜਾਂ ਬਣਾ ਕੇ ਕ੍ਰੀਜ਼ 'ਤੇ ਮੌਜੂਦ ਸਨ ਪਰ ਲੰਚ ਤੋਂ ਪਹਿਲਾਂ ਉਹ ਨਾਥਨ ਲਿਓਨ ਦਾ ਸ਼ਿਕਾਰ ਹੋ ਗਏ। ਟੀਮ ਦੇ ਸੀਨੀਅਰ ਬੱਲੇਬਾਜ਼ ਵਿਰਾਟ ਕੋਹਲੀ ਕੁਝ ਖਾਸ ਨਹੀਂ ਕਰ ਸਕੇ ਅਤੇ 17 ਦੌੜਾਂ ਬਣਾ ਕੇ ਬੋਲੈਂਡ ਦਾ ਸ਼ਿਕਾਰ ਬਣ ਗਏ।
ਇਸ ਤੋਂ ਬਾਅਦ ਰਿਸ਼ਭ ਪੰਤ ਅਤੇ ਰਵਿੰਦਰ ਜਡੇਜਾ ਵਿਚਾਲੇ ਸਾਂਝੇਦਾਰੀ ਹੋਈ ਪਰ ਇਹ ਦੋਵੇਂ ਟੀਮ ਨੂੰ ਵੱਡੇ ਸਕੋਰ ਤੱਕ ਪਹੁੰਚਾਉਣ 'ਚ ਮਦਦ ਨਹੀਂ ਕਰ ਸਕੇ। ਪੰਤ ਨੇ ਟੀਮ ਲਈ ਸਭ ਤੋਂ ਵੱਧ 40 ਦੌੜਾਂ ਬਣਾਈਆਂ ਪਰ ਉਹ ਬੋਲੈਂਡ ਦੀ ਗੇਂਦ 'ਤੇ ਪੈਟ ਕਮਿੰਸ ਹੱਥੋਂ ਕੈਚ ਆਊਟ ਹੋ ਗਏ। ਇਸ ਤੋਂ ਬਾਅਦ ਕ੍ਰੀਜ਼ 'ਤੇ ਆਏ ਨਿਤੀਸ਼ ਕੁਮਾਰ ਰੈੱਡੀ ਗੋਲਡਨ ਡੱਕ 'ਤੇ ਪੈਵੇਲੀਅਨ ਪਰਤ ਗਏ। ਰਵਿੰਦਰ ਜਡੇਜਾ ਨੂੰ 26 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਮਿਸ਼ੇਲ ਸਟਾਰਕ ਨੇ ਪੈਵੇਲੀਅਨ ਭੇਜ ਦਿੱਤਾ।
Innings Break!#TeamIndia post 185 in the 1st innings at the Sydney Cricket Ground.
— BCCI (@BCCI) January 3, 2025
Over to our bowlers.
Live - https://t.co/NFmndHLfxu#AUSvIND pic.twitter.com/1585njVwsn
ਭਾਰਤ ਦਾ ਹੇਠਲਾ ਕ੍ਰਮ ਵੀ ਹੋਇਆ ਢੇਰ
ਭਾਰਤ ਦੇ ਹੇਠਲੇ ਕ੍ਰਮ ਦੀ ਅਗਵਾਈ ਆਫ ਸਪਿਨਰ ਵਾਸ਼ਿੰਗਟਨ ਸੁੰਦਰ ਨੇ ਕੀਤੀ। ਪਰ ਸੁੰਦਰ 14 ਦੌੜਾਂ ਬਣਾ ਕੇ ਕਮਿੰਸ ਦੀ ਗੇਂਦ 'ਤੇ ਵਿਕਟਕੀਪਰ ਐਲੇਕਸ ਕੈਰੀ ਹੱਥੋਂ ਕੈਚ ਆਊਟ ਹੋ ਗਏ। ਇਸ ਤੋਂ ਬਾਅਦ ਪ੍ਰਸਿਧ ਕ੍ਰਿਸ਼ਨਾ 3 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਭਾਰਤ ਲਈ ਮੁਹੰਮਦ ਸਿਰਾਜ ਨੇ 4 ਅਤੇ ਜਸਪ੍ਰੀਤ ਬੁਮਰਾਹ ਨੇ 16 ਦੌੜਾਂ ਦਾ ਯੋਗਦਾਨ ਪਾਇਆ।
